NavdeepBhatia7ਇਸ ਕਦਮ ਨਾਲ ਦੋ ਉਦੇਸ਼ ਪੂਰੇ ਹੁੰਦੇ ਹਨ। ਇੱਕ ਤਾਂ ਵਿਦਿਆਰਥੀਆਂ ਦੀ ਹੌਸਲਾ ਅਫ਼ਜਾਈ ...
(9 ਫਰਵਰੀ 2019)

 

ਸਰਕਾਰੀ ਸਕੂਲਾਂ ਵਿੱਚ ਸਿੱਖਿਆ ਮਹਿਕਮੇ ਵੱਲੋਂ ਜਿੱਥੇ ਸਮੇਂ ਸਮੇਂ ਪੜ੍ਹਾਈ ਦਾ ਮਿਆਰ ਉੱਪਰ ਚੁੱਕਣ ਦਾ ਉਪਰਾਲਾ ਕੀਤਾ ਜਾਂਦਾ ਹੈ, ਉੱਥੇ ਇਸ ਵਾਰ ਇੱਕ ਆਦੇਸ਼ ਜਾਰੀ ਹੋਇਆ ਸਕੂਲਾਂ ਵਿੱਚ ਜਨਵਰੀ ਮਹੀਨੇ ਦੀ ਕਿਸੇ ਵੀ ਤਰੀਕ ਨੂੰ ਇਨਾਮ ਵੰਡ ਸਮਾਰੋਹ ਕਰਵਾਇਆ ਜਾਵੇ ਤਾਂ ਜੋ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਪਿਛਲੇ ਸਾਲ ਦੀ ਪ੍ਰਾਪਤੀ ਲਈ ਇਨਾਮ ਦੇ ਕੇ ਪ੍ਰੇਰਿਆ ਜਾਵੇਇਸ ਕਦਮ ਨਾਲ ਦੋ ਉਦੇਸ਼ ਪੂਰੇ ਹੁੰਦੇ ਹਨਇੱਕ ਤਾਂ ਵਿਦਿਆਰਥੀਆਂ ਦੀ ਹੌਸਲਾ ਅਫ਼ਜਾਈ ਹੁੰਦੀ ਹੈ ਦੂਜੇ ਮਾਪਿਆਂ ਦੇ ਨਾਲ ਨਾਲ ਪਿੰਡ ਦੀਆਂ ਪੰਚਾਇਤਾਂ ਦਾ ਮੇਲ ਮਿਲਾਪ ਵਧਦਾ ਹੈ ਅਤੇ ਸਕੂਲ ਵਿੱਚ ਵਿਦਿਆਰਥੀਆਂ ਦੀ ਗਿਣਤੀ ਵਿੱਚ ਇਜ਼ਾਫ਼ਾ ਹੋਣ ਦੀਆਂ ਸੰਭਾਵਨਾਵਾਂ ਬਣਦੀਆਂ ਹਨਸਾਡਾ ਸਕੂਲ ਲੜਕੀਆਂ ਦਾ ਸਕੂਲ ਹੋਣ ਕਰਕੇ ਸਾਨੂੰ ਮੁੱਖ ਮਹਿਮਾਨ ਦੀ ਚੋਣ ਕਰਨ ਵਿੱਚ ਬਹੁਤ ਹੀ ਸੁਚੇਤ ਰਹਿਣਾ ਪੈਂਦਾ ਹੈਸਾਡੇ ਸਕੂਲ ਦੇ ਪ੍ਰਿੰਸੀਪਲ ਸ੍ਰੀ ਮਨੀ ਰਾਮ ਜੀ ਪੰਜਾਬੀ ਸਾਹਿਤ ਨਾਲ ਜੁੜੇ ਹੋਣ ਕਰਕੇ ਉਨ੍ਹਾਂ ਦੀ ਕੋਸ਼ਿਸ਼ ਸ਼ੁਰੂ ਤੋਂ ਹੀ ਰਹੀ ਹੈ ਕਿ ਮੁੱਖ ਮਹਿਮਾਨ ਸਾਹਿਤ ਦੇ ਖਿੱਤੇ ਵਿੱਚੋਂ ਹੋਵੇਇਸ ਵਾਰੀ ਪੰਜਾਬੀ ਸਾਹਿਤ ਦੀ ਪ੍ਰਸਿੱਧ ਕਵਿੱਤਰੀ ਸੁਖਵਿੰਦਰ ਅੰਮ੍ਰਿਤ ਜੀ ਸਾਡੇ ਵਿਹੜੇ ਦੀ ਸ਼ਾਨ ਬਣਨ ਜਾ ਰਹੇ ਸਨਉਹਨਾਂ ਦੀ ਮੁੱਖ ਮਹਿਮਾਨ ਦੀ ਚੋਣ ਸਾਡੇ ਕੰਨਿਆ ਸਕੂਲ ਲਈ ਢੁੱਕਵੀਂ ਸੀਔਰਤਾਂ ਤੇ ਕੁੜੀਆਂ ਦੇ ਹੱਕਾਂ ਦੀ ਤਰਜਮਾਨੀ ਉਨ੍ਹਾਂ ਦੀਆਂ ਨਜ਼ਮਾਂ ਤੇ ਗ਼ਜ਼ਲਾਂ ਕਰਦੀਆਂ ਰਹੀਆਂ ਹਨਸਾਡਾ ਸਾਰਾ ਸਕੂਲ ਪੱਬਾਂ ਭਾਰ ਹੋ ਕੇ ਤਿਆਰੀਆਂ ਵਿੱਚ ਜੁਟ ਗਿਆਸਾਡੇ ਸਕੂਲ ਦੇ ਪੰਜਾਬੀ ਲੈਕਚਰਾਰ ਡਾ. ਪਰਮਜੀਤ ਕੌਰ ਦੇ ਹੱਥ ਸੱਭਿਆਚਾਰਕ ਪ੍ਰੋਗਰਾਮ ਨੂੰ ਵਧੀਆ ਨੇਪਰੇ ਚਾੜ੍ਹਨ ਦੀ ਪੂਰੀ ਕਮਾਨ ਸੀਉਨ੍ਹਾਂ ਦਾ ਪੂਰਾ ਸਹਿਯੋਗ ਸਾਡੇ ਸਕੂਲ ਦੇ ਮੈਡਮ ਜਸਵਿੰਦਰ ਕੌਰ (ਗੁਰਸੇਵਾਲ) ਅਤੇ ਮੈਡਮ ਜਸਵਿੰਦਰ ਕੌਰ (ਭਾਓਵਾਲ) ਦੇ ਰਹੇ ਸਨ ਜਿਨ੍ਹਾਂ ਦਾ ਪੰਜਾਬੀ ਸਾਹਿਤ ਨਾਲ ਕਾਫੀ ਲਗਾਅ ਸੀਵਿਦਿਆਰਥਣਾਂ ਦੇ ਚਿਹਰਿਆਂ ’ਤੇ ਪੂਰੀ ਰੌਣਕ ਸੀਉਹ ਖ਼ੁਸ਼ੀ ਵਿੱਚ ਖੀਵੀ ਹੋਈਆਂ 16 ਜਨਵਰੀ ਦੀ ਉਡੀਕ ਕਰ ਰਹੀਆਂ ਸਨ ਜੋ ਸਮਾਰੋਹ ਲਈ ਮਿਥੀ ਗਈ ਸੀ l

ਸਮਾਰੋਹ ਤੋਂ ਦੋ ਦਿਨ ਪਹਿਲਾਂ ਅੱਧੀ ਛੁੱਟੀ ਤੋਂ ਬਾਅਦ ਪ੍ਰਿੰਸੀਪਲ ਸਰ ਨੇ ਸਾਰੇ ਅਧਿਆਪਕਾਂ ਦੀ ਮੀਟਿੰਗ ਲੈ ਕੇ ਸਾਰੇ ਅਧਿਆਪਕਾਂ ਨੂੰ ਡਿਊਟੀਆਂ ਵੰਡ ਦਿੱਤੀਆਂ ਗਈਆਂਮੈਡਮ ਲਲਿਤ ਕੁਮਾਰੀ, ਮੈਡਮ ਸਤਨਾਮ ਕੌਰ ਅਤੇ ਮੈਡਮ ਗੁਰਮਨ ਕੌਰ ਨੂੰ ਸਕੂਲ ਦੇ ਗੇਟ ’ਤੇ ਮੁੱਖ ਮਹਿਮਾਨ ਦਾ ਸਵਾਗਤ ਕਰਨ ਲਈ ਨਿਯੁਕਤ ਕਰ ਦਿੱਤਾ ਗਿਆਸ੍ਰੀ ਅਨਿਲ ਕੁਮਾਰ ਜੀ ਦੀ ਰੋਪੜ ਤੋਂ ਸ਼ੀਲਡਾਂ, ਟਰਾਫ਼ੀਆਂ ਤੇ ਮੈਡਲ ਲਿਆਉਣ ਦੀ ਡਿਊਟੀ ਲਗਾ ਦਿੱਤੀ ਗਈਬਾਹਰੋਂ ਆਏ ਸੱਜਣਾਂ ਦੀ ਮਹਿਮਾਨ ਨਿਵਾਜ਼ੀ ਲਈ ਸ੍ਰੀ ਰੋਹਿਤ ਸ਼ਰਮਾ ਅਤੇ ਸ੍ਰੀ ਨਿਤਿਨ ਸ਼ਰਮਾ ਦੀ ਡਿਊਟੀ ਲਗਾਈ ਗਈਲੈਕਚਰਾਰ ਬਲਬੀਰ ਚੰਦ ਜੀ ਅਤੇ ਲੈਕਚਰਾਰ ਮਨਜੀਤ ਸਿੰਘ ਵੱਲੋਂ ਸੱਦਾ ਪੱਤਰ ਵੱਖ ਵੱਖ ਲਿਫਾਫਿਆਂ ਵਿੱਚ ਪਾ ਕੇ ਲਾਗਲੇ ਪਿੰਡਾਂ ਦੀ ਪੰਚਾਇਤਾਂ ਦੇ ਨਾਮ ਲਿਖ ਦਿੱਤੇ ਗਏਮੁੱਖ ਮਹਿਮਾਨ ਦੀ ਨਜ਼ਮ ਦੀਆਂ ਦੋ ਸ਼ਾਨਦਾਰ ਸਤਰਾਂ ਮਹਿਮਾਨ ਦੀ ਫੋਟੋ ਸਮੇਤ ਬੈਨਰ ’ਤੇ ਲਿਖਵਾ ਦਿੱਤੀਆਂ ਗਈਆਂ

‘ਫਿਕਰ ਵਿੱਚ ਸ਼ਿਕਰਿਆਂ ਦੀ ਸਲਤਨਤ
ਛਾਅ ਗਈਆਂ ਨੇ ਘੁੱਗੀਆਂ ਅਸਮਾਨ ’ਤੇ

ਸਮਾਰੋਹ ਤੋਂ ਇੱਕ ਦਿਨ ਪਹਿਲਾਂ ਟੈਂਟ ਅਤੇ ਕੁਰਸੀਆਂ ਵਾਲੇ ਆ ਗਏਸਟੇਜ ਸਜਾ ਦਿੱਤੀ ਗਈਵਿਆਹ ਵਰਗਾ ਮਾਹੌਲ ਬਣ ਗਿਆਅਗਲੇ ਦਿਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੋਣ ਲੱਗਾਪ੍ਰੋਗਰਾਮ ਦਾ ਸਮਾਂ ਸਵੇਰੇ 10 ਵਜੇ ਦਾ ਸੀ ਪਰ ਉਸ ਦਿਨ ਧੁੰਦ ਹੋਣ ਕਰਕੇ ਪ੍ਰੋਗਰਾਮ 11 ਵਜੇ ਸ਼ੁਰੂ ਹੋਇਆ l ਗੇਟ ’ਤੇ ਸਵਾਗਤ ਕਰਨ ਲਈ ਟੀਚਰ ਸਾਹਿਬਾਨ ਖੜ੍ਹੇ ਸਨਗੇਟ ਤੋਂ ਸਟੇਜ ਲੱਗਭਗ 80 ਮੀਟਰ ਦੂਰ ਸੀ l ਪੰਡਾਲ ਪੂਰੀ ਤਰ੍ਹਾਂ ਆਲੇ ਦੁਆਲੇ ਦੇ ਪਿੰਡਾਂ ਦੀਆਂ ਪੰਚਾਇਤਾਂ, ਮਾਪਿਆਂ ਅਤੇ ਨਾਲ ਦੇ ਸਕੂਲਾਂ ਦੇ ਮੁੱਖ ਅਧਿਆਪਕਾਂ ਅਤੇ ਪ੍ਰਿੰਸੀਪਲਾਂ ਨਾਲ ਭਰ ਗਿਆਮੁੱਖ ਮਹਿਮਾਨ ਦੀ ਕਾਰ ਅੱਪੜ ਗਈਮੈਡਮ ਸੁਖਵਿੰਦਰ ਅੰਮ੍ਰਿਤ ਖਿੜੇ ਚਿਹਰੇ ਨਾਲ ਬਾਹਰ ਨਿਕਲੇਗੇਟ ਤੋਂ ਲੈ ਕੇ ਸਟੇਜ ਤੱਕ ਲੜਕੀਆਂ ਵੱਲੋਂ ਉਨ੍ਹਾਂ ’ਤੇ ਫੁੱਲਾਂ ਦੀ ਵਰਖਾ ਕੀਤੀ ਗਈਪੰਡਾਲ ਵਿੱਚ ਐਂਟਰੀ ਸਮੇਂ ਕੁਝ ਵਿਦਿਆਰਥਣਾਂ ਵੱਲੋਂ ਮੁੱਖ ਮਹਿਮਾਨ ਤੋਂ ਰਿਬਨ ਕਟਵਾ ਕੇ ਉਨ੍ਹਾਂ ਨੂੰ ਜੀ ਆਇਆਂ ਨੂੰ ਕਿਹਾ ਗਿਆਪੰਡਾਲ ਜ਼ੋਰਦਾਰ ਤਾੜੀਆਂ ਨਾਲ ਗੂੰਜ ਉੱਠਿਆਸਟੇਜ ਦੇ ਐਨ ਸਾਹਮਣੇ ਰੱਖੇ ਸੋਫੇ ’ਤੇ ਮੁੱਖ ਮਹਿਮਾਨ ਸੁਸ਼ੋਭਿਤ ਹੋ ਗਏਸਟੇਜ ਪੂਰੀ ਤਰ੍ਹਾਂ ਸਜੀ ਹੋਈ ਸੀਬੱਚਿਆਂ ਵਿੱਚ ਅਨੁਸ਼ਾਸਨ ਕਾਇਮ ਰੱਖਣ ਦੀ ਪੂਰੀ ਜ਼ਿੰਮੇਵਾਰੀ ਲੈਕਚਰਾਰ ਹਰਪ੍ਰੀਤ ਕੌਰ ਅਤੇ ਮੈਥ ਮਾਸਟਰ ਸਤਵੀਰ ਸਿੰਘ ਨੇ ਨਿਭਾਈਪੰਡਾਲ ਵਿੱਚ ਵੱਖ ਵੱਖ ਚਾਰਟਾਂ ’ਤੇ ਮੁੱਖ ਮਹਿਮਾਨ ਦੀਆਂ ਨਜ਼ਮਾਂ ਦੀਆਂ ਸਤਰਾਂ ਇਸ ਸਮਾਰੋਹ ਦੀ ਰੌਣਕ ਹੋਰ ਵਧਾ ਰਹੀਆਂ ਸਨ, ਜਿਨ੍ਹਾਂ ਨੂੰ ਮੈਡਮ ਗੀਤਾਂਜਲੀ ਅਤੇ ਮੈਡਮ ਰਾਜਵਿੰਦਰ ਨੇ ਬੜੀ ਮਿਹਨਤ ਨਾਲ ਤਿਆਰ ਕਰਵਾਇਆ ਸੀ

ਸਟੇਜ ਦਾ ਮੰਚ ਸੰਚਾਲਨ ਡਾ. ਪਰਮਜੀਤ ਕੌਰ ਕਰ ਰਹੇ ਸਨ ਜੋ ਸਟੇਜ ਵਾਲੀ ਭੂਮਿਕਾ ਨਿਭਾਉਣਾ ਬਾਖੂਬੀ ਜਾਣਦੇ ਸਨਸਭ ਤੋਂ ਪਹਿਲਾਂ ਸ਼ਬਦ ਗਾਇਣ ਰਾਹੀਂ ਵਾਹਿਗੁਰੂ ਨੂੰ ਚੇਤੇ ਕੀਤਾ ਗਿਆ ਜੋ ਹਰ ਸ਼ੁਭ ਅਵਸਰ ’ਤੇ ਕਰਨ ਦੀ ਪੰਜਾਬੀਆਂ ਦੀ ਰਿਵਾਇਤ ਹੈਸ਼ਬਦ ਗਾਇਣ ਤੋਂ ਬਾਅਦ ਮੈਂਨੂੰ ਸਟੇਜ ’ਤੇ ਸਵਾਗਤੀ ਭਾਸ਼ਣ ਲਈ ਬੁਲਾਇਆ ਗਿਆਮੇਰੇ ਤੋਂ ਬਾਅਦ ਸੱਭਿਆਚਾਰਕ ਪ੍ਰੋਗਰਾਮ ਬੱਚਿਆਂ ਵੱਲੋਂ ਪੇਸ਼ ਕੀਤਾਇਸ ਸਾਹਿਤਕ ਮਾਹੌਲ ਵਿੱਚ ਬੱਚਿਆਂ ਨੇ ਆਪਣੀਆਂ ਲਿਖੀਆਂ ਕਈ ਕਵਿਤਾਵਾਂ ਪੜ੍ਹੀਆਂਰੰਗਾਰੰਗ ਪ੍ਰੋਗਰਾਮ ਵੇਖਣ ਵਾਲਾ ਸੀ

ਸਕੂਲ ਦੇ ਪ੍ਰਿੰਸੀਪਲ ਮਨੀ ਰਾਮ ਨੇ ਸਕੂਲ ਦੀ ਸਲਾਨਾ ਪ੍ਰਗਤੀ ਰਿਪੋਰਟ ਪੜ੍ਹੀਸਾਰੀਆਂ ਪ੍ਰਾਪਤੀਆਂ ਵਿੱਚੋਂ ਵਿਸ਼ੇਸ਼ ਪ੍ਰਾਪਤੀ ਸਾਡੇ ਸਕੂਲ ਦੀਆਂ ਲੜਕੀਆਂ ਕਬੱਡੀ ਦੇ ਅੰਡਰ 14 ਵਰਗ ਵਿੱਚੋਂ ਸਟੇਟ ਵਿੱਚੋਂ ਤੀਜੇ ਨੰਬਰ ’ਤੇ ਰਹੀ ਅਤੇ ਸਾਡੇ ਸਕੂਲ ਦੀਆਂ ਦੋ ਲੜਕੀਆਂ ਨੇ ਨੈਸ਼ਨਲ ਲਈ ਕੁਆਲੀਫਾਈ ਕੀਤਾਕਬੱਡੀ ਕੋਚ ਮੈਡਮ ਹਰਪ੍ਰੀਤ ਕੌਰ ਨੂੰ ਸਟੇਜ ’ਤੇ ਇਨਾਮ ਦੇ ਕੇ ਨਿਵਾਜਿਆ ਗਿਆ

ਇਸ ਤੋਂ ਇਲਾਵਾ ਹੋਰ ਖੇਡਾਂ ਵਿੱਚ ਵੀ ਜ਼ਿਲ੍ਹੇ ਵਿੱਚੋਂ ਪਹਿਲੀਆਂ ਪੁਜ਼ੀਸ਼ਨਾਂ ਲਈ ਬੱਚਿਆਂ ਨੂੰ ਇਨਾਮ ਦਿੱਤੇ ਗਏਅਕਾਦਮਿਕ ਖੇਤਰ ਵਿੱਚ ਵੀ 80 ਪ੍ਰਤੀਸ਼ਤ ਤੋਂ ਜ਼ਿਆਦਾ ਨੰਬਰ ਲੈਣ ਵਾਲੇ ਬੱਚਿਆਂ ਨੂੰ ਸਨਮਾਨ ਮਿਲਿਆਸਾਡੇ ਸਕੂਲ ਦੇ ਬਾਬਾ ਬੋਹੜ ਸਾਇੰਸ ਮਾਸਟਰ ਸ਼੍ਰੀ ਜੀਵਨ ਦਾਸ ਜੀ ਨੂੰ ਉਹਨਾਂ ਦੀ ਇਸ ਸਕੂਲ ਵਿੱਚ ਲੰਬੀ ਅਤੇ ਸ਼ਾਨਦਾਰ ਸੇਵਾ ਲਈ ਉਚੇਚੇ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ ਜੋ 31 ਜਨਵਰੀ ਨੂੰ ਰਿਟਾਇਰ ਹੋ ਰਹੇ ਹਨ

ਇਸ ਮੌਕੇ ਲੈਕਚਰਾਰ ਮਨਜੀਤ ਸਿੰਘ ਪੂਰਾ ਸਮਾਂ ਸਟੇਜ ’ਤੇ ਇਨਾਮ ਵੰਡਾਉਣ ਵਿੱਚ ਮਸਰੂਫ ਰਹੇਲੈਕਚਰਾਰ ਬਲਬੀਰ ਜੀ ਵਿੱਚ ਵਿੱਚ ਸਟੇਜ ਦੀ ਜ਼ਿੰਮੇਵਾਰੀ ਸਾਂਭਦੇ ਦਿਖਾਈ ਦਿੱਤੇਸਾਰਿਆਂ ਦਾ ਧਿਆਨ ਮੁੱਖ ਮਹਿਮਾਨ ਮੈਡਮ ਸੁਖਵਿੰਦਰ ਅਮ੍ਰਿਤ ਵੱਲ ਸੀ ਜਿਹਨਾਂ ਨੂੰ ਸੁਣਨ ਲਈ ਸਾਰੇ ਕਾਹਲੇ ਸਨਉਨ੍ਹਾਂ ਨੇ ਬੱਚਿਆਂ ਨੂੰ ਦੱਸਿਆ ਕਿਵੇਂ ਉਹ ਸੰਘਰਸ਼ਮਈ ਦੌਰ ਵਿੱਚੋਂ ਲੰਘਦੇ ਹੋਏ ਇੱਕ ਖ਼ਾਸ ਮੁਕਾਮ ਨੂੰ ਹਾਸਲ ਕਰਨ ਵਿੱਚ ਸਫਲ ਹੋਏ ਹਨਉਨ੍ਹਾਂ ਨੇ ਆਪਣੀਆਂ ਗ਼ਜ਼ਲਾਂ ਵਿੱਚੋਂ ਕੁਝ ਸ਼ੇਅਰ ਸੁਣਾਏ ਜਿਸ ਦਾ ਹਰ ਹਾਜ਼ਰ ਵਿਅਕਤੀ ਨੇ ਲੁਤਫ਼ ਉਠਾਇਆਸਾਰੇ ਅਧਿਆਪਕਾਂ ਦੀ ਹਾਜ਼ਰੀ ਵਿੱਚ ਪ੍ਰਿੰਸੀਪਲ ਸਰ ਨੇ ਉਨ੍ਹਾਂ ਨੂੰ ਮੁੱਖ ਮਹਿਮਾਨ ਦੇ ਤੌਰ ’ਤੇ ਵਿਸ਼ੇਸ਼ ਪੁਰਸਕਾਰ ਦੇ ਕੇ ਸਨਮਾਨਿਤ ਕੀਤਾ

ਅੰਤ ਵਿੱਚ ਲੈਕਚਰਾਰ ਬਲਬੀਰ ਜੀ ਨੇ ਮੁੱਖ ਮਹਿਮਾਨ ਦਾ, ਮਾਪਿਆਂ ਦਾ ਅਤੇ ਬਾਹਰੋਂ ਆਏ ਪੰਚਾਂ ਸਰਪੰਚਾਂ ਦਾ ਧੰਨਵਾਦ ਕੀਤਾਵਿਦਾਈ ਤੋਂ ਪਹਿਲਾਂ ਅਨੇਕਾਂ ਕੁੜੀਆਂ ਅਤੇ ਟੀਚਰਾਂ ਨੇ ਸੁਖਵਿੰਦਰ ਅਮ੍ਰਿਤ ਨਾਲ ਫੋਟੋ ਕਰਵਾਈਆਂਇਸ ਸਮਾਰੋਹ ਦੀਆਂ ਯਾਦਾਂ ਲੰਬੇ ਸਮੇਂ ਤੀਕ ਤਾਜ਼ਾ ਰਹਿਣਗੀਆਂ

*****

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.om)

More articles from this author