ਵਿਚਾਰ ਵਟਾਂਦਰਾ, ਸੂਚਨਾਵਾਂ, ਫੁਟਕਲ
ਛਪਦੇ ਤੇ ਸੰਭਾਲੇ … --- ਕਿਰਪਾਲ ਸਿੰਘ ਪੰਨੂੰ
‘ਸਰੋਕਾਰ ਡਾਟ ਸੀਏ’ ਅੱਜ ਦੇ ਹਾਣ ਦੀ ਵੈੱਬ ਸਾਈਟ ਹੈ। ਇਸ ਵਿੱਚ ਸਮਿਆਂ ਦੇ ਸੱਚ ਦੇ ਸੰਗੀ ਲੇਖ ਛਪਦੇ ਅਤੇ ਸੰਭਾਲ਼ੇ ਜਾਂਦੇ ਹਨ। ਇਸਦੇ ਸਾਰੇ ਹੀ ਲੇਖਕ ਧੰਨਵਾਦ ਦੇ ਪਾਤਰ ਹਨ।
ਅੱਜ ਗੱਲ ਕੇਵਲ ਸੁਖਵੰਤ ਸਿੰਘ ਧੀਮਾਨ ਦੀ ਕੀਤੀ ਜਾਂਦੀ ਹੈ। ਇਸਦੇ ਪੰਜ ਲੇਖ ‘ਸਰਕਾਰ’ ਛਪੇ ਹਨ। ਹਰ ਲੇਖ ਨਿੱਜੀ ਅਨੁਭਵ ਦੀ ਚਿੱਤਰਕਾਰੀ ਹੈ। ਅਛੋਪਲੇ ਹੀ ਨੈਤਿਕਤਾ ਦੀ ਜਾਗ ਪਾਠਕ ਦੀ ਬੁੱਧੀ-ਵਿਵੇਕ ਵਿੱਚ ਰਚਮਿਚ ਜਾਂਦੀ ਹੈ। ਉਸਦਾ ਲੇਖ ਪੜ੍ਹਨਾ ਚੰਗਾ-ਚੰਗਾ ਲੱਗਦਾ ਹੈ। ਚੰਗਾ-ਚੰਗਾ ਕਰਨ ਨੂੰ ਆਪ ਵੀ ਦਿਲ ਕਰਦਾ ਹੈ। ਧੀਮਾਨ ਤੋਂ ਬੜੀਆਂ ਆਸਾਂ ਹਨ। -ਕਿਰਪਾਲ ਸਿੰਘ ਪੰਨੂੰ, 01 - 905 - 796 - 0531,
Email: kirpal.pannu36@gmail.com
**
ਐਡਮਿੰਟਨ (ਕੈਨੇਡਾ) ਤੋਂ ਵਿਧਾਇਕ ਬਣਿਆ ਪੱਤਰਕਾਰ, ਸਾਹਿਤ ਅਤੇ ਰੰਗਮੰਚ ਦਾ ਪਾਰਖੂ ਜਸਬੀਰ ਦਿਓਲ --- ਸੰਜੀਵਨ ਸਿੰਘ
ਵਿਦੇਸ਼ਾਂ ਵਿਚ ਸਖਤ ਮਿਹਨਤ-ਮੁਸ਼ਕਤ ਕਰਕੇ ਆਰਿਥਕ ਤੌਰ ’ਤੇ ਖੁਸ਼ਹਾਲ ਹੋਣ ਦੇ ਨਾਲ-ਨਾਲ ਅਨੇਕਾਂ ਪੰਜਾਬੀ ਉੱਥੋਂ ਦੇ ਸਿਆਸੀ ਖੇਤਰ ਵਿਚ ਵੀ ਕਾਰਜ਼ਸ਼ੀਲ ਹਨ। ਪਰ ਪੱਤਰਕਾਰੀ ਅਤੇ ਕਲਾ ਦੇ ਖੇਤਰ ਨਾਲ ਸਬੰਧਤ ਪੰਜਾਬੀ ਘੱਟ ਹੀ ਹਨ ਜੋ ਸਿਆਸਤ ਦੇ ਖੇਤਰ ਵਿਚ ਵੀ ਸਰਗਰਮ ਹੋਣ।
ਪਰ ਆਦਮਪੁਰ ਨੇੜੇ ਪਿੰਡ ਹਰੀਪੁਰ (ਜਲੰਧਰ) ਦੇ ਮਾਸਟਰ ਅਮਰੀਕ ਸਿੰਘ ਦੇ ਪੁੱਤਰ ਪੱਤਰਕਾਰ ਅਤੇ ਸਾਹਿਤ ਤੇ ਰੰਗਮੰਚ ਦੇ ਪਾਰਖੂ ਜਸਬੀਰ ਦਿਓਲ ਨੇ ਕੈਨੇਡਾ ਦੇ ਸ਼ਹਿਰ ਐਡਮਿੰਟਨ ਦੇ ਮੈਡੋਜ਼ ਹਲਕੇ ਤੋਂ ਐੱਨ.ਡੀ.ਪੀ. ਪਾਰਟੀ ਦਾ ਵਧਾਇਕ ਬਣਕੇ ਉਸ ਘੱਟ ਗਿਣਤੀ ਵਿਚ ਇਕ ਨਾਂ ਹੋਰ ਸ਼ੁਮਾਰ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਐਡਮਿੰਟਨ ਦੇ ਰੰਗਕਰਮੀ ਅਮਰਜੀਤ ਸੋਹੀ ਵੀ ਕੈਨੇਡਾ ਦੀ ਮੌਜੂਦਾ ਕੇਂਦਰੀ ਸਰਕਾਰ ਵਿਚ ਮੰਤਰੀ ਹਨ।
ਇਹ ਜਾਣਕਾਰੀ ਦਿੰਦੇ ਹੋਏ ਨਾਟ-ਕਰਮੀ ਸੰਜੀਵਨ ਸਿੰਘ ਨੇ ਕਿਹਾ ਕਿ ਸ੍ਰੀ ਦਿਓਲ ਦਾ ਨਾਂ ਐਡਮਿੰਟਨ ਦੀ ਪੱਤਰਕਾਰੀ ਦੇ ਖੇਤਰ ਦੇ ਨਾਲ ਨਾਲ ਸਾਹਿਤਕ ਅਤੇ ਨਾਟਕੀ ਗਤੀਵਿਧੀਆਂ ਨੂੰ ਉਤਸ਼ਾਹਤ ਕਰਨ ਲਈ ਚੌਣਵੇਂ ਨਾਵਾਂ ਵਿਚ ਸ਼ੁਮਾਰ ਹੁੰਦਾ ਹੈ।
ਸਰਘੀ ਪਰਿਵਾਰ ਦੇ ਰੰਗਕਰਮੀ ਅਤੇ ਟੀ.ਵੀ. ਅਤੇ ਫਿਲਮਾਂ ਦੇ ਕਲਾਕਾਰ ਸੰਜੀਵ ਦੀਵਾਨ, ਰੰਜੀਵਨ ਸਿੰਘ, ਲਖਵਿੰਦਰ ਸਿੰਘ, ਮਨੀ ਸਭਰਵਾਲ, ਗੁਰਪ੍ਰੀਤ ਧਾਲੀਵਾਲ ਅਤੇ ਰਿੱਤੂਰਾਗ ਕੌਰ ਅਤੇ ਅਹੁਦੇਦਾਰ ਅਸ਼ੋਕ ਬਜਹੇੜੀ, ਕੁਲਵਿੰਦਰ ਬਾਵਾ, ਮੇਜਰ ਨਾਗਰਾ (ਟਰਾਂਟੋ), ਡਾ. ਜਸਵੰਤ ਸਿੰਘ, ਕ੍ਰਿਸ਼ਣ ਲਾਲ ਸੈਣੀ, ਮਨੋਜ ਅਗਰਵਾਲ ਅਤੇ ਗੁਰਿੰਦਰਜੀਤ ਸਿੰਘ ਨੇ ਵੀ ਜਸਬੀਰ ਦਿਓਲ ਨੂੰ ਵਧਾਇਕ ਬਣਨ ’ਤੇ ਵਧਾਈ ਦਿੰਦੇ ਹੋਰ ਬੁਲੰਦੀਆਂ ਛੋਹਣ ਦੀ ਕਾਮਨਾ ਕੀਤੀ ਹੈ।
**
ਅਰਪਨ ਲਿਖਾਰੀ ਸਭਾ ਕੈਲਗਰੀ ਦਾ ਸਾਲਾਨਾ ਸਮਾਗਮ
ਪੰਜਾਬੀ ਭਾਸ਼ਾ ਦੇ ਵਿਕਾਸ ਦੇ ਸਨਮੁੱਖ ਸਮੱਸਿਆਵਾਂ ਬਾਰੇ ਵਿਚਾਰ ਵਟਾਂਦਰਾ ਇਸ ਸਮਾਗਮ ਦਾ ਕੇਂਦਰ ਬਿੰਦੂ ਹੋਵੇਗਾ। ਸ਼ਾਨਦਾਰ ਕਵੀ-ਦਰਬਾਰ ਹੋਵੇਗਾ ਅਤੇ ਪੰਜਾਬੀ ਦੇ ਸੁਪ੍ਰਸਿੱਧ ਸ਼ਾਇਰ ਪਾਲ ਢਿੱਲੋਂ ਦਾ ‘ਇਕਬਾਲ ਅਰਪਨ ਯਾਦਗਾਰੀ ਪੁਰਸਕਾਰ’ ਨਾਲ ਸਨਮਾਨ ਕੀਤਾ ਜਾਵੇਗਾ।
ਸਨਿੱਚਰਵਾਰ 8 ਜੂਨ, 2019
ਸਮਾਂ: ਬਾਅਦ ਦੁਪਹਿਰ 1:00 ਵਜੇ
ਸਥਾਨ: ਟੈਂਪਲ ਕਮਿਉਨਟੀ ਹਾਲ
167 ਟੈਂਪਲ ਗਰੀਨ ਰੋਡ, ਨੌਰਥ ਈਸਟ,
ਕੈਲਗਰੀ, ਅਲਬਰਟਾ।
**
This book is being distributed by several sources including Bookstand Publishing, whose website is: http://bookstandpublishing.com/