ShingaraSDhillon7ਅੱਜ ਦੇ ਹਾਲਾਤ ਇਹ ਹਨ ਕਿ ਜੇਕਰ ਮਸਲਾ ਜਲਦੀ ਨਾਲ ...
(5 ਅਗਸਤ 2018)

 

ਪਿਛਲੇ ਕਈ ਦਿਨਾਂ ਤੋਂ ਸੁਖਪਾਲ ਖਹਿਰੇ ਨੂੰ ਪੰਜਾਬ ਵਿਧਾਨ ਸਭਾ ਦੇ ਵਿਰੋਧੀ ਧਿਰ ਦੇ ਨੇਤਾ ਦੇ ਅਹੁਦੇ ਤੋਂ ਹਟਾਉਣ ਦੇ ਮਾਮਲੇ ਨੂੰ ਲੈ ਕੇ ਆਮ ਆਦਮੀ ਪਾਰਟੀ ਵਿਚ ਜੋ ਕਲਾ ਕਲੇਸ਼ ਚੱਲ ਰਿਹਾ ਹੈ, ਉਹ ਦਿਨੋਂ ਦਿਨ ਗਹਿਰਾਉਂਦਾ ਜਾ ਰਿਹਾ ਹੈਪਾਰਟੀ ਦੀ ਕੌਮੀ ਲੀਡਰਸ਼ਿੱਪ ਇਸ ਮਸਲੇ ਨੂੰ ਮਿਲ ਬੈਠਕੇ ਸੁਲਝਾਉਣ ਦੀ ਬਜਾਏ ਸਗੋਂ ਹੋਰ ਉਲਝਾਈ ਜਾ ਰਹੀ ਹੈ

ਖਹਿਰੇ ਨੂੰ ਵਿਰੋਧੀ ਧਿਰ ਦੇ ਨੇਤਾ ਵਜੋਂ ਹਟਾਏ ਜਾਣ ਦੇ ਕਾਰਨਾਂ ਬਾਰੇ ਜਦੋਂ ਡੂੰਘੀ ਵਿਚਾਰ ਕਰਦੇ ਹਾਂ ਤਾਂ ਕਈ ਕਾਰਨ ਸਾਹਮਣੇ ਆਉਂਦੇ ਹਨ ਜਿਹਨਾਂ ਵਿੱਚ ਉਸ ਦੀ ਬੇਬਾਕੀ ਅਤੇ ਪੰਜਾਬੀਆਂ ਦੇ ਹੱਕਾਂ ਹਿਤਾਂ ਦੀ ਗੱਲ ਕਰਨਾ ਸਭ ਤੋਂ ਵੱਡੇ ਕਾਰਨ ਹਨਜਿਸ ਢੰਗ ਅਤੇ ਮਜ਼ਬੂਤੀ ਨਾਲ ਉਸ ਨੇ ਪਿਛਲੇ ਸਮੇਂ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਦੀ ਭੂਮਿਕਾ ਅਦਾ ਕਰਦਿਆਂ ਰੇਤ ਮਾਫੀਆ, ਪਾਣੀ ਪਰਦੂਸ਼ਣ, ਨਸ਼ਾਖੋਰੀ ਅਤੇ ਬੇਰੁਜ਼ਗਾਰੀ ਆਦਿ ਮੁੱਦੇ ਉਠਾਏ ਹਨ, ਉਹਨਾਂ ਨੇ ਪੰਜਾਬ ਦੀ ਮੌਜੂਦਾ ਸਰਕਾਰ ਦੀ ਨੀਂਦ ਹਰਾਮ ਕਰਕੇ ਰੱਖ ਦਿੱਤੀ, ਜਿਸ ਕਾਰਨ ਸਰਕਾਰ ਵਲੋਂ ਉਸ ਉੱਤੇ ਝੂਠੇ ਮੁਕੱਦਮੇ ਪਾ ਕੇ ਉਸ ਨੂੰ ਉਲਝਾਉਣ ਦੀ ਅਸਫਲ ਕੋਸ਼ਿਸ਼ ਵੀ ਕੀਤੀ ਗਈ

ਦੂਸਰਾ ਕਾਰਨ ਹੈ, ਉਸ ਦੀ ਬੇਬਾਕੀਸੁਖਪਾਲ ਕਿਸੇ ਵੀ ਮਸਲੇ ਉੱਤੇ ਜਦ ਕੋਈ ਟਿੱਪਣੀ ਜਾਂ ਬਿਆਨ ਦੇਂਦਾ ਹੈ, ਉਹ ਇਮਾਨਦਾਰੀ ਨਾਲ ਦਿੰਦਾ ਹੈਉਸ ਨੇ ਕਦੇ ਵੀ ਗੱਲ ਨੂੰ ਗੋਲ ਮੋਲ ਕਰਨ ਦੀ ਕੋਸ਼ਿਸ਼ ਨਹੀਂ ਕੀਤੀਕੇਜਰੀਵਾਲ ਨੇ ਨਸ਼ਾਖੋਰੀ ਮਾਮਲੇ ਵਿੱਚ ਬਿਕਰਮ ਸਿੰਘ ਮਜੀਠੀਏ ਤੋਂ ਮਾਫੀ ਮੰਗੀ ਤੇ ਖਹਿਰੇ ਨੇ ਡਟਕੇ ਵਿਰੋਧ ਕੀਤਾਉਸ ਦਾ ਬੇਬਾਕੀ ਨਾਲ ਬੋਲਣਾ ਵਿਰੋਧੀ ਪਾਰਟੀਆਂ ਸਮੇਤ ਆਪ ਦੀ ਕੌਮੀ ਲੀਡਰਸ਼ਿੱਪ ਨੂੰ ਵੀ ਪਸੰਦ ਨਹੀਂ ਸੀ

ਅਸੀਂ ਜਾਣਦੇ ਹਾਂ ਕਿ ਆਪ ਪਾਰਟੀ ਵਿਚ ਚੌਧਰ ਨੂੰ ਲੈ ਕੇ ਖਿੱਚੋਤਾਣ ਹਮੇਸ਼ਾ ਹੀ ਚਲਦੀ ਰਹੀ ਹੈ ਜਿਸ ਦੇ ਦੋਸ਼ ਸਮੇਂ ਸਮੇਂ ਆਪ ਦੀ ਪੰਜਾਬ ਇਕਾਈ ਦੇ ਆਗੂਆਂ ਉੱਤੇ ਲਗਦੇ ਰਹੇ ਹਨਸੋ ਇਕ ਕਾਰਨ ਇਹ ਵੀ ਹੋ ਸਕਦਾ ਹੈ ਕਿ ਕੁਝ ਕੁ ਚੌਧਰ ਦੇ ਭੁੱਖਿਆਂ ਨੇ ਕੌਮੀ ਲੀਡਸ਼ਿੱਪ ਦੇ ਕੰਨ ਖਹਿਰੇ ਦੇ ਵਿਰੁੱਧ ਭਰੇ ਹੋਣ 2019 ਦੀਆਂ ਲੋਕ ਸਭਾ ਚੋਣਾਂ ਦੇ ਸਬੰਧ ਵਿੱਚ ਵੱਖ ਵੱਖ ਸਿਆਸੀ ਪਾਰਟੀਆਂ ਵਿੱਚ ਗਠਜੋੜ ਬਾਰੇ ਗੱਲਬਾਤ ਚੱਲ ਰਹੀ ਹੈਇਹ ਵੀ ਹੋ ਸਕਦਾ ਹੈ ਸੁਖਪਾਲ ਖਹਿਰੇ ਨੂੰ ਵਿਰੋਧੀ ਧਿਰ ਦੇ ਨੇਤਾ ਵਜੋਂ ਹਟਾਉਣਾ ਉਸੇ ਨੀਤੀ ਦਾ ਹਿੱਸਾ ਹੋਵੇ

ਰਹੀ ਗੱਲ ਦਲਿਤਾਂ ਨੂੰ ਸਨਮਾਨ ਦੇਣ ਦੀਕੌਮੀ ਲੀਡਰਸ਼ਿੱਪ ਦਾ ਇਹ ਪੱਤਾ ਨਿਰਾ ਬਕਵਾਸ ਤੋਂ ਵੱਧ ਕੁਝ ਵੀ ਨਹੀਂਭਗਵੰਤ ਮਾਨ ਦੇ ਅਸਤੀਫੇ ਤੋਂ ਬਾਦ ਪੰਜਾਬ ਪਰਧਾਨ ਕੋਈ ਦਲਿਤ ਨਿਯੁਕਤ ਕੀਤਾ ਜਾ ਸਕਦਾ ਸੀਦਿੱਲੀ ਸਰਕਾਰ ਵਿੱਚ ਦਲਿਤ ਨਿਯੁਕਤ ਕੀਤੇ ਜਾ ਸਕਦੇ ਸਨਹਰਪਾਲ ਚੀਮਾ ਇਕ ਅਨਾੜੀ ਸਿਆਸਤਦਾਨ ਹੈ, ਉਸ ਨੂੰ ਵਿਰੋਧੀ ਧਿਰ ਦਾ ਨੇਤਾ ਬਣਾਉਣਾ ਅਤੇ ਇਕ ਤਜ਼ਰਬੇਕਾਰ ਸਿਆਸਤਦਾਨ ਨੂੰ, ਜੋ ਆਪਣੀ ਡਿਊਟੀ ਵਿਰੋਧੀ ਧਿਰ ਦੇ ਨੇਤਾ ਵਜੋਂ ਬਾਖੂਬੀ ਨਿਭਾ ਰਿਹਾ ਸੀ, ਨੂੰ ਬਿਨਾਂ ਕਾਰਨ ਹਟਾਉਣਾ ਸਿਰੇ ਦਾ ਅਹਿਮਕਪੁਣਾ ਹੈ ਜਿਸ ਦਾ ਪਾਰਟੀ ਨੂੰ ਹੁਣ ਵੱਡਾ ਖਮਿਆਜਾ ਭੁਗਤਣਾ ਪਵੇਗਾ

ਉਕਤ ਤੋਂ ਇਲਾਵਾ ਕਈ ਹੋਰ ਕਾਰਨ ਵੀ ਹੋ ਸਕਦੇ ਹਨ, ਜਿਹਨਾਂ ਵਿੱਚੋਂ ਇੱਕ ਪੰਜਾਬ ਦੀਆਂ ਅਕਾਲੀ ਤੇ ਕਾਂਗਰਸੀ ਪਾਰਟੀਆਂ ਦਾ ਆਪ ਦੀ ਕੌਮੀ ਲੀਡਰਸ਼ਿਪ ਉੱਤੇ ਪਰਭਾਵ ਵੀ ਹੋ ਸਕਦਾ ਹੈ ਤੇ ਕੇਂਦਰ ਦੀ ਭਾਜਪਾ ਨਾਲ ਕੋਈ ਗੰਢਤੁੱਪ ਦੀ ਰਾਜਨੀਤੀ ਵੀਪਰ ਜਿਸ ਢੰਗ ਨਾਲ ਸੁੱਚਾ ਸਿੰਘ ਛੋਟੇਪੁਰ, ਗੁਰਪ੍ਰੀਤ ਘੁੱਗੀ, ਹਰਵਿੰਦਰ ਸਿੰਘ ਫੂਲਕਾ, ਡਾ. ਧਰਮਵੀਰ ਗਾਂਧੀ , ਹਰਿੰਦਰ ਸਿੰਘ ਖਾਲਸਾ ਤੇ ਹੁਣ ਸੁਖਪਾਲ ਸਿੰਘ ਖਹਿਰਾ ਆਦਿ ਨਾਲ ਪਾਰਟੀ ਦੀ ਕੌਮੀ ਲੀਡਰਸ਼ਿਪ ਨੇ ਸਲੂਕ ਕੀਤਾ ਹੈ, ਉਹ ਕਿਸੇ ਤਰ੍ਹਾਂ ਵੀ ਪਾਰਟੀ ਦੇ ਹਿਤ ਵਿੱਚ ਨਹੀਂਖਹਿਰੇ ਵਾਲੇ ਮਾਮਲੇ ਵਿੱਚ ਤਾਂ ਸਿੱਧੇ ਤੌਰ ’ਤੇ ਰਿਮੋਟ ਕੰਟਰੋਲ ਦੀ ਵਰਤੋਂ ਕਰਕੇ ਆਪ ਦੀ ਕੌਮੀ ਲੀਡਰਸ਼ਿੱਪ ਨੇ ਆਪਣੇ ਪੈਰ ’ਤੇ ਆਪ ਕੁਹਾੜੀ ਨਹੀਂ, ਸਗੋਂ ਕੁਹਾੜਾ ਮਾਰ ਲਿਆ ਹੈ

ਅੱਜ ਦੇ ਹਾਲਾਤ ਇਹ ਹਨ ਕਿ ਜੇਕਰ ਮਸਲਾ ਜਲਦੀ ਨਾਲ ਸੁਲਝਾਇਆ ਨਾ ਗਿਆ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਹੋ ਸਕਦਾ ਵਿਰੋਧੀ ਧਿਰ ਦਾ ਨੇਤਾ ਅਕਾਲੀ ਦਲ ਦਾ ਕੋਈ ਨੁਮਾਇੰਦਾ ਹੋਵੇਇਹ ਵੀ ਹੋ ਸਕਦਾ ਹੈ ਕਿ ਪੰਜਾਬ ਹਿਤੈਸ਼ੀਆਂ ਦਾ ਕੋਈ ਨਵਾਂ ਗੱਠਜੋੜ ਬਣ ਕੇ ਕੋਈ ਨਵੀਂ ਪਾਰਟੀ ਹੋਂਦ ਵਿੱਚ ਆ ਜਾਵੇਪਰ ਇਕ ਗੱਲ ਪੱਕੀ ਹੈ ਕਿ ਸੁਖਪਾਲ ਖਹਿਰੇ ਨੂੰ ਹਟਾਉਣ ਦੇ ਗੈਰ ਜਮਹੂਰੀ ਤਰੀਕੇ ਤੋਂ ਪੈਦਾ ਹੋਏ ਹਾਲਾਤ ਨੇ ਪੰਜਾਬ ਵਿੱਚ ਜਿੱਥੇ ਆਮ ਆਦਮੀ ਪਾਰਟੀ ਖੱਖੜੀਆਂ ਕਰੇਲੇ ਕਰ ਦਿੱਤੀ ਹੈ, ਉੱਥੇ ਨਾਲ ਹੀ ਪੰਜਾਬ ਵਿੱਚੋਂ ਇਸ ਪਾਰਟੀ ਦੇ ਖਾਤਮੇ ਦੀ ਪੁੱਠੀ ਗਿਣਤੀ ਵੀ ਸ਼ੁਰੂ ਕਰ ਦਿੱਤੀ ਹੈਇਸਦੀ ਕੌਮੀ ਲੀਡਰਸ਼ਿੱਪ ਦੁਆਰਾ ਕੀਤੀਆਂ ਆਪ ਹੁਦਰੀਆਂ ਨਾਦਰੀ ਕਾਰਵਾਈਆਂ ਦਾ ਸਿੱਟਾ ਇਹ ਹੋਵੇਗਾ ਕਿ ਆਉਣ ਵਾਲੀਆਂ ਚੋਣਾਂ ਵਿੱਚ ਨਾ ਹੀ ਪੰਜਾਬੀ ਤੇ ਨਾ ਹੀ ਪਰਵਾਸੀ ਇਸ ਨੂੰ ਮੂੰਹ ਲਾਉਣਗੇ ਤੇ ਪੰਜਾਬ ਵਿੱਚੋਂ ਇਸ ਪਾਰਟੀ ਦਾ ਭੋਗ ਪੈਣਾ ਤੈਅ ਹੈਭਵਿੱਖੀ ਚੋਣਾਂ ਵਿੱਚ ਇਸ ਦੁਆਰਾ ਖੜ੍ਹੇ ਕੀਤੇ ਸਮੂਹ ਉਮੀਦਵਾਰਾਂ ਦੀਆਂ ਜ਼ਮਾਨਤ ਹੀ ਜ਼ਬਤ ਹੋਣਗੀਆਂ

*****

(1253)

More articles from this author