PrabhjotKDhillon7ਜਿਹੋ ਜਿਹੇ ਲੋਕ ਹੁੰਦੇ ਹਨ, ਉਹੋ ਜਿਹੀ ਉਨ੍ਹਾਂ ਨੂੰ ਸਰਕਾਰ ਮਿਲਦੀ ...
(22 ਮਈ 2019)

 

ਸਿਸਟਮ ਵਿਗਾੜਨ ਵਿੱਚ ਸਾਡਾ ਵੀ ਯੋਗਦਾਨ ਪੂਰਾ ਪੂਰਾ ਹੈ ਪਰ ਇਸ ਹਕੀਕਤ ਨੂੰ ਮੰਨਣ ਨੂੰ ਤਿਆਰ ਕੋਈ ਨਹੀਂਜਦੋਂ ਸਾਡੀ ਕਰਨੀ ਅਤੇ ਕਥਨੀ ਵਿੱਚ ਫ਼ਰਕ ਹੋਵੇ ਤਾਂ ਬਹੁਤ ਕੁਝ ਆਪੇ ਹੀ ਵਿਗੜ ਜਾਂਦਾ ਹੈਇਸ ਸਮੇਂ ਮੈਂ ਅਤੇ ਤੁਸੀਂ, ਹਰ ਕੋਈ ਸਿਸਟਮ ਦਾ ਸਤਾਇਆ ਹੋਇਆ ਹੈਅੱਜ ਅਸੀਂ ਦਫਤਰਾਂ ਵਿੱਚ ਵਿਗੜੇ ਸਿਸਟਮ ਤੋਂ ਤੰਗ ਹਾਂ, ਬੇਰੁਜ਼ਗਾਰੀ ਤੋਂ ਪ੍ਰੇਸ਼ਾਨ ਹਾਂ ਨਸ਼ਿਆਂ ਨੇ ਜੋ ਸਾਡਾ ਨੁਕਸਾਨ ਕੀਤਾ ਹੈ, ਉਸਦੀ ਭਰਪਾਈ ਕਦੇ ਨਹੀਂ ਹੋ ਸਕਦੀਇਸ ਸਭ ਦੀ ਮਾਂ ਰਿਸ਼ਵਤ ਹੈ

ਚੋਣਾਂ ਸਮੇਂ ਵੋਟਾਂ ਲੈਣ ਵਾਸਤੇ ਕਈ ਢੰਗ ਤਰੀਕੇ ਵਰਤੇ ਗਏ ਸਾਡੇ ਸਿਆਸਤਦਾਨਾਂ ਨੇ ਇੱਕ ਦੂਸਰੇ ਲਈ ਘਟੀਆ ਸ਼ਬਦਾਵਲੀ ਅਤੇ ਭੱਦੇ ਸ਼ਬਦਾਂ ਦੀ ਵਰਤੋਂ ਕੀਤੀ, ਅਸੀਂ ਤਾੜੀਆਂ ਮਾਰਦੇ ਰਹੇ। ਪਰ ਯਾਦ ਰੱਖੋ, ਜੋ ਸਾਡੇ ਸਾਹਮਣੇ ਦੂਸਰੇ ਲਈ ਘਟੀਆ ਸ਼ਬਦਾਵਲੀ ਵਰਤਦਾ ਹੈ, ਉਹ ਸਾਡੀ ਇੱਜ਼ਤ ਵੀ ਕਦੇ ਨਹੀਂ ਕਰੇਗਾ

ਸਾਨੂੰ ਸਭ ਨੂੰ ਆਪਣੀ ਸੋਚ ਅਤੇ ਸਮਝ ਨੂੰ ਵੀ ਉੱਚਾ ਚੁੱਕਣਾ ਪਵੇਗਾਹਰ ਸਿਆਸਤਦਾਨ ਦੂਸਰੀ ਪਾਰਟੀ ਅਤੇ ਉਸਦੇ ਲੀਡਰਾਂ ਨੂੰ ਘਟੀਆ ਦੱਸਦਾ ਹੈਇਸਦਾ ਮਤਲਬ ਇਹ ਹੋਇਆ ਕਿ ਕੋਈ ਵੀ ਚੰਗਾ ਨਹੀਂਜੇਕਰ ਕੋਈ ਬੁਰਾ ਬੋਲਦਾ ਹੈ ਤਾਂ ਉਸਨੂੰ ਹੱਲਾਸ਼ੇਰੀ ਦੇ ਕੇ, ਤਾੜੀਆਂ ਮਾਰ ਕੇ ਜੋ ਗੁਨਾਹ ਅਸੀਂ ਕਰਦੇ ਹਾਂ, ਉਹ ਵੀ ਸਿਸਟਮ ਨੂੰ ਬਰਬਾਦ ਕਰਦਾ ਹੈ

ਚੋਣਾਂ ਵੇਲੇ ਵੋਟਾਂ ਦੀ ਸੌਦੇਬਾਜ਼ੀ ਹੁੰਦੀ ਹੈ, ਮੁਫ਼ਤ ਦੀਆਂ ਚੀਜ਼ਾਂ ਵੱਲ ਅੱਖ ਹੁੰਦੀ ਹੈਜਦੋਂ ਵੋਟ ਦਾ ਸੌਦਾ ਹੁੰਦਾ ਹੈ ਤਾਂ ਦੇਸ਼ ਦੇ ਭਵਿੱਖ ਦਾ ਸੌਦਾ ਹੋ ਰਿਹਾ ਹੁੰਦਾ ਹੈਸਾਨੂੰ ਨਾ ਵੋਟ ਦੀ ਕੀਮਤ ਦੀ ਸਮਝ ਹੈ ਅਤੇ ਨਾ ਉਸਦੀ ਸ਼ਕਤੀ ਦੀਸਾਡੀ ਵੋਟ ਕਿਸੇ ਨੂੰ ਸਰਕਾਰ ਦਾ ਹਿੱਸਾ ਬਣਾ ਸਕਦੀ ਹੈ ਅਤੇ ਅਸੀਂ ਉਸ ਨੂੰ ਕੁਝ ਕੁ ਪੈਸਿਆਂ ਜਾਂ ਸ਼ਰਾਬ ਦੀਆਂ ਬੋਤਲਾਂ ਲੈ ਕੇ ਵੇਚਦੇ ਹਾਂਜੋ ਬੀਜਾਂਗੇ, ਉਹ ਹੀ ਵੱਢਾਂਗੇਜਿਹੜਾ ਸਿਆਸਦਾਨ ਤੁਹਾਡੀ ਵੋਟ ਦੀ ਕੀਮਤ ਲਗਾਉਂਦਾ ਹੈ ਉਸਨੂੰ ਕਦੇ ਵੋਟ ਨਾ ਪਾਉਜਦੋਂ ਤੁਸੀਂ ਵੋਟ ਵੇਚ ਦਿੱਤੀ ਫਿਰ ਕਿਸੇ ਤਰ੍ਹਾਂ ਦੇ ਕੰਮ ਦੀ ਆਸ ਰੱਖਣਾ ਹੀ ਗਲਤ ਹੈਜਿਸਨੇ ਬਹੁਤ ਸਾਰਾ ਪੈਸਾ ਲਗਾ ਕੇ ਚੋਣ ਲੜੀ, ਵੋਟਾਂ ਖਰੀਦੀਆਂ, ਉਹ ਰਿਸ਼ਵਤ ਲਵੇਗਾ ਅਤੇ ਭ੍ਰਿਸ਼ਟਾਚਾਰ ਕਰੇਗਾਉਸਨੂੰ ਅਜਿਹਾ ਕਰਨ ਲਈ ਅਸੀਂ ਖੁੱਲ੍ਹ ਦਿੱਤੀ ਹੈ ਅਜਿਹਾ ਕਰਨ ਲੱਗਿਆਂ ਅਸੀਂ ਇੱਕ ਵਾਰ ਵੀ ਨਹੀਂ ਸੋਚਿਆ ਕਿ ਸਿਸਟਮ ਨੂੰ ਵਿਗਾੜਨ ਵਿੱਚ ਕਿੰਨਾ ਵੱਡਾ ਯੋਗਦਾਨ ਪਾ ਰਹੇ ਹਾਂ

ਜਦੋਂ ਸਰਕਾਰ ਵਧੀਆ ਚੁਣਾਂਗੇਇਮਾਨਦਾਰੀ ਨਾਲ ਇਮਾਨਦਾਰ ਉਮੀਦਵਾਰ ਨੂੰ ਵੋਟ ਪਾਵਾਂਗੇ ਤਾਂ ਦਫ਼ਤਰਾਂ ਵਿੱਚ ਵੀ ਖੱਜਲ ਖੁਆਰੀ ਨਹੀਂ ਹੋਏਗੀਰਿਸ਼ਵਤ ਦੀ ਭੇਂਟ ਸਾਡੀਆਂ ਗਲੀਆਂ ਨਾਲੀਆਂ ਅਤੇ ਮੁੱਢਲੀਆਂ ਸਹੂਲਤਾਂ ਨਹੀਂ ਚੜ੍ਹਨਗੀਆਂਹੈਰਾਨੀ ਹੁੰਦੀ ਹੈ, ਦੁੱਖ ਹੁੰਦਾ ਹੈ ਜਦੋਂ ਅਸੀਂ ਸੱਤਰਾਂ ਸਾਲਾਂ ਤੋਂ ਬਾਦ ਵੀ ਉੱਥੇ ਹੀ ਖੜ੍ਹੇ ਹਾਂਕਸਰ ਗੰਦ ਪਾਉਣ ਅਤੇ ਗਲਤ ਕੰਮ ਕਰਨ ਵਿੱਚ ਆਪਣੇ ਆਪ ਨੂੰ ਪੜ੍ਹੇ ਲਿਖੇ ਕਹਿਣ ਵਾਲੇ ਵੀ ਨਹੀਂ ਛੱਡਦੇਇੱਥੇ ਜਿਹੜੇ ਗਲਤ ਕੰਮ ਨੂੰ ਵੇਖਕੇ ਚੁੱਪ ਹਨ, ਉਹ ਵੀ ਅਤੇ ਜਿਹੜੇ ਸਾਥ ਦਿੰਦੇ ਹਨ ਉਹ ਵੀ, ਕਸੂਰਵਾਰ ਹਨ

ਮੈਂ ਖੁਦ ਵੇਖਿਆ ਹੈ ਕਿ ਸੀਵਰੇਜ਼ ਦੀ ਪਾਈਪ ਗਟਰ ਵਿੱਚੋਂ ਬਾਹਰ ਸੜਕ ’ਤੇ ਕੱਢੀ ਹੋਈ ਸੀ ਅਤੇ ਸਾਰਾ ਗੰਦ ਸੜਕ ਉੱਤੇ ਵਹਿ ਰਿਹਾ ਸੀ। ਲੋਕ ਉਸ ਵਿੱਚੋਂ ਲੰਘ ਰਹੇ ਸੀਬਦਬੂ ਨਾਲ ਬੁਰੀ ਹਾਲਤ ਸੀਮੈਂ ਵਾਰ ਵਾਰ ਉਸ ਪਾਈਪ ਨੂੰ ਠੀਕ ਥਾਂ ਕਰਨ ਵਾਸਤੇ ਕਿਹਾ, ਪਰ ਪੜ੍ਹਿਆਂ ਲਿਖਿਆਂ ਨੂੰ ਮਾਣ ਸੀ ਆਪਣੇ ਆਪ ਤੇ ਕਿ ਅਸੀਂ ਸੀਵਰੇਜ਼ ਦਾ ਕੰਮ ਬਹੁਤ ਵਧੀਆ ਕੀਤਾ ਹੈਇੱਥੇ ਸਿਸਟਮ ਲੋਕਾਂ ਨੇ ਵਿਗਾੜਿਆ ਹੈ। ਕਿਸੇ ਨੇ ਉਸਦਾ ਹੱਲ ਕੱਢਣ ਲਈ ਜ਼ੋਰ ਨਹੀਂ ਦਿੱਤਾ ਪਰ ਗੰਦਗੀ ਫੈਲਾ ਦਿੱਤੀਹਾਂ, ਅਜਿਹੇ ਲੋਕ ਸਵੱਛ ਭਾਰਤ ਦੀ ਗੱਲ ਵੀ ਕਰਨਗੇ ਅਤੇ ਫੋਟੋ ਵੀ ਖਚਵਾਉਣਗੇ

ਜਦੋਂ ਅਸੀਂ ਆਪ ਆਪਣੇ ਬਾਰੇ ਨਹੀਂ ਸੋਚਦੇ ਸਮਝਦੇ ਤਾਂ ਦੂਸਰਾ ਕਦੇ ਵੀ ਨਹੀਂ ਸੋਚੇਗਾ

ਅਸੀਂ ਸਰਕਾਰਾਂ ਨੂੰ ਦੋਸ਼ ਦਿੰਦੇ ਹਾਂਸਰਕਾਰਾਂ ਅਸੀਂ ਬਣਾਉਂਦੇ ਹਾਂਜਿਹੋ ਜਿਹੀ ਸਰਕਾਰ ਬਣਾਈ ਜਾਵੇਗੀ, ਉਹੋ ਜਿਹਾ ਪ੍ਰਸ਼ਾਸਨ ਚਲਾਇਆ ਜਾਵੇਗਾਜਦੋਂ ਅਸੀਂ ਸੜਕਾਂ ਉੱਤੇ ਸੀਵਰੇਜ਼ ਸੁੱਟਾਂਗੇ ਤਾਂ ਵਿਭਾਗਾਂ ਕੋਲੋਂ ਕੰਮ ਕੀ ਕਰਾਵਾਂਗੇਅਸੀਂ ਸਿਸਟਮ ਵਿਗਾੜਨ ਵਿੱਚ ਪੂਰਾ ਯੋਗਦਾਨ ਪਾਉਂਦੇ ਹਾਂ ਪਰ ਦੋਸ਼ ਦੂਸਰਿਆਂ ਨੂੰ ਦਿੰਦੇ ਹਾਂਇੱਕ ਬੁੱਧੀਜੀਵੀ ਨੇ ਲਿਖਿਆ ਹੈ ਜਿਹੋ ਜਿਹੇ ਲੋਕ ਹੁੰਦੇ ਹਨ, ਉਹੋ ਜਿਹੀ ਉਨ੍ਹਾਂ ਨੂੰ ਸਰਕਾਰ ਮਿਲਦੀ ਹੈਇਸ ਉੱਤੇ ਵਿਚਾਰ ਕਰਨਾ ਬਹੁਤ ਬਹੁਤ ਜ਼ਰੂਰੀ ਹੈਜਿਸ ਦਿਨ ਅਸੀਂ ਆਪਣੀ ਜ਼ਿੰਮੇਵਾਰੀ ਸਮਝ ਲਈ, ਜਿਸ ਦਿਨ ਸਾਨੂੰ ਸਰਕਾਰ ਬਣਾਉਣ ਦੀ ਸਮਝ ਆ ਗਈ, ਉਸ ਦਿਨ ਸਿਸਟਮ ਵੀ ਠੀਕ ਹੋ ਜਾਏਗਾ ਫਿਰ ਅਸੀਂ ਸਿਸਟਮ ਨੂੰ ਵਿਗਾੜਨ ਵਿੱਚ ਪਾਏ ਆਪਣੇ ਯੋਗਦਾਨ ਨੂੰ ਭਲੀਭਾਂਤ ਸਮਝ ਜਾਵਾਂਗੇ ਅਤੇ ਗਲਤੀ ਨਹੀਂ ਕਰਾਂਗੇ

*****

(ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(1602)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.om

About the Author

ਪ੍ਰਭਜੋਤ ਕੌਰ ਢਿੱਲੋਂ

ਪ੍ਰਭਜੋਤ ਕੌਰ ਢਿੱਲੋਂ

Mohali, Punjab, India.
Phone: (91 - 98150 - 30221)
Email: (prabhjotkaurdhillon2017@gmail.com)

More articles from this author