DarshanSingh7ਗੁਆਚੀਆਂ ਚੀਜ਼ਾਂ ਤਾਂ ਫਿਰ ਤੋਂ ਬਣ ਵੀ ਜਾਂਦੀਆਂ ਨੇਢਹੇ ਮਕਾਨਾਂ ਦੀ ਵੀ ਉਸਾਰੀ ਹੋ ਜਾਂਦੀ ਹੈ ਪਰ ...
(21 ਅਪਰੈਲ 2022)
ਮਹਿਮਾਨ: 256.


ਜੀਵਨ ਵਿੱਚ ਵਿਚਰਦਿਆਂ ਹਰੇਕ ਵਿਅਕਤੀ ਦਾ ਕਦੀ ਨਾ ਕਦੀ ਕੁਝ ਨਾ ਕੁਝ ਜ਼ਰੂਰ ਗੁਆਚਦਾ ਹੈ
ਇੱਧਰ ਉੱਧਰ ਹੱਥ ਪੈਰ ਮਾਰਨ ਨਾਲ ਗੁਆਚੀ ਚੀਜ਼ ਲੱਭ ਪਵੇ ਤਾਂ ਚੰਗਾ ਹੈਨਾ ਮਿਲੇ ਤਾਂ ਅਫਸੋਸ ਹੁੰਦਾ ਹੈ, ਦੁੱਖ ਵੀਸੱਚ ਤਾਂ ਇਹ ਵੀ ਹੈ ਕਿ ਕੁਝ ਚੀਜ਼ਾਂ ਤਾਂ ਸਦਾ ਲਈ ਹੀ ਗੁਆਚ ਜਾਂਦੀਆਂ ਹਨਗੁਆਚੀ ਚੀਜ਼ ਨਾਲ ਜਜ਼ਬਾਤੀ ਜਾਂ ਭਾਵੁਕ ਸਾਂਝ ਜੁੜੀ ਹੋਵੇ ਤਾਂ ਦੁੱਖ ਹੋਰ ਵੀ ਮਨ ਨੂੰ ਸਤਾਉਣ ਲਗਦਾ ਹੈਹੱਥੋਂ ਗਈ ਚੀਜ਼ ਦੇ ਸੁਪਨੇ ਆਉਂਦੇ ਹਨਸੁਪਨੇ ਵਿੱਚ ਵੀ ਲੱਭ ਪੈਣ ਤਾਂ ਸੁਪਨਿਆਂ ਦੀ ਗੱਲ ਸੁਣਾਉਂਦਿਆਂ ਮਨ ਚੈਨ ਮਹਿਸੂਸਦਾ ਹੈ, ਬੇਚੈਨ ਹਿਰਦੇ ਨੂੰ ਕੁਝ ਪਲ ਲਈ ਸ਼ਾਂਤੀ ਮਿਲਦੀ ਹੈਸੁਪਨੇ ਚੀਜ਼ਾਂ ਦੀ ਥਾਂ ਸਕੂਨ ਲੈ ਕੇ ਆਉਂਦੇ ਹਨ ਜਦੋਂ ਕਿ ਅਸਲੀਅਤ ਇਹ ਹੁੰਦੀ ਹੈ ਕਿ ਸੱਚ ਤਾਂ ਸੁਪਨੇ ਵੀ ਨਹੀਂ ਹੁੰਦੇਹੱਥ ਖਾਲੀ ਦੇ ਖਾਲੀ ਰਹਿੰਦੇ ਹਨ

ਬੰਦਾ ਹਾਲੋਂ ਬੇਹਾਲ ਹੋ ਜਾਂਦਾ ਹੈ ਜੇ ਬੰਦੇ ਦੀ ਨੀਂਦ ਹੀ ਗੁਆਚ ਜਾਵੇਪਾਸੇ ਮਾਰ ਮਾਰ ਲੰਮੀ ਰਾਤ ਲੰਘਾਉਣੀ ਪਵੇ ਤਾਂ ਚਿੰਤਾ ਹੋਰ ਵੀ ਵਧਣ ਲਗਦੀ ਹੈਫਿਕਰ ਦਿਮਾਗ ਵਿੱਚ ਖੌਰੂ ਪਾਉਣ ਲਗਦੇ ਹਨਸਾਰਾ ਪਰਿਵਾਰ ਹੀ ਚਿੰਤਤ ਹੋ ਜਾਂਦਾ ਹੈਮਿਲ ਜੁਲ ਸਾਰੇ ਅਹੁੜ ਪਹੁੜ ਕਰਦੇ ਹਨ ਨੀਂਦ ਲਿਆਉਣ ਦੇਦੇਸੀ ਜੜੀ ਬੂਟੀਆਂ ਦਾ ਆਸਰਾ ਭਾਲਦੇ ਹਨਘਰ ਦੇ ਕਮਾਊ ਪੁੱਤ ਜਾਂ ਪਿਉ ਨੂੰ ਨੀਂਦ ਨਾ ਆਵੇ ਤਾਂ ਸਾਰੇ ਟੱਬਰ ਦੀ ਨੀਂਦ ਹੀ ਉੁੱਡ ਜਾਂਦੀ ਹੈਕਈਆਂ ਦੀ ਹਾਲਤ ਤਾਂ ਝੱਲੇ ਹੋਣ ਵਰਗੀ ਲਗਦੀ ਹੈਸਾਰਾ ਦਿਨ ਉਬਾਸੀਆਂ ਲੈਂਦੇ ਹਨ, ਪਰ ਨੀਂਦ ਆਉਣੀ ਆਪਣੇ ਵੱਸ ਦੀ ਗੱਲ ਨਹੀਂ ਹੁੰਦੀਗੁਆਚੀ ਨੀਂਦ ਮੁੜ ਆਵੇ ਤਾਂ ਸਮਝੋ ਲੱਖ ਖੱਟਿਆ

ਲਾਪ੍ਰਵਾਹੀ ਚੀਜ਼ਾਂ ਦੇ ਗੁਆਚਣ ਦਾ ਕਾਰਨ ਹੋ ਸਕਦੀ ਹੈਸਹਿਜ ਸੁਭਾਅ ਵੀ ਚੀਜ਼ਾਂ ਗੁਆਚ ਜਾਂਦੀਆਂ ਹਨਚੇਤਾ ਭੁੱਲਣ ਨਾਲ ਵੀ ਆਪਣੇ ਹੱਥੀਂ ਰੱਖੀ ਚੀਜ਼ ਕਈ ਵਾਰ ਨਹੀਂ ਲੱਭਦੀਉਮਰ ਵਧਣ ਨਾਲ ਯਾਦਦਾਸ਼ਤ ਟਪਲੇ ਖਾ ਹੀ ਜਾਂਦੀ ਹੈਅਜਿਹੀਆਂ ਗੁਆਚੀਆਂ ਚੀਜ਼ਾਂ ਦਿਮਾਗ ’ਤੇ ਜ਼ੋਰ ਪਾਉਣ ਨਾਲ ਘੰਟੇ ਦੋ ਘੰਟੇ ਜਾਂ ਇੱਕ ਦੋ ਦਿਨ ਪਿੱਛੋਂ ਲੱਭ ਪੈਂਦੀਆਂ ਹਨਅਜਿਹੀ ਹਾਲਤ ਵਿੱਚ ਚੀਜ਼ਾਂ ਦੇ ਲੱਭਣ ਦੀ ਆਸ ਸਦਾ ਮਨ ਨੂੰ ਹੁੰਦੀ ਹੈ

ਸਵੇਰ ਦਾ ਭੁੱਲਿਆ ਸ਼ਾਮ ਨੂੰ ਘਰ ਆ ਮੁੜੇ ਤਾਂ ਉਸ ਨੂੰ ਭੁੱਲਿਆ ਕਹਿਣਾ ਵੀ ਨਹੀਂ ਚਾਹੀਦਾਉਂਜ ਲਾਪ੍ਰਵਾਹੀਆਂ ਵਿੱਚ ਗੁਆਚੀਆਂ ਚੀਜ਼ਾਂ ਦਾ ਦੁੱਖ ਵੀ ਭਾਰੀ ਹੁੰਦਾ ਹੈ ਤੇ ਪਛਤਾਵਾ ਹੋਰ ਵੀ ਵੱਧ ਇਸਦਾ ਇੱਕ ਫਾਇਦਾ ਜ਼ਰੂਰ ਹੁੰਦਾ ਹੈਬੰਦਾ ਅੱਗੇ ਤੋਂ ਸੰਭਲ ਜਾਂਦਾ ਹੈਸਾਵਧਾਨ ਹੋ ਜਾਂਦਾ ਹੈ ਪੂਰੀ ਤਰ੍ਹਾਂਨਿੱਕੀ ਗੁਆਚੀ ਚੀਜ਼ ਜ਼ਿੰਦਗੀ ਨੂੰ ਵੱਡੇ ਸਬਕ ਦੇ ਜਾਂਦੀ ਹੈਇਹ ਨਿੱਕੇ ਨਿੱਕੇ ਸਬਕ ਅੱਗੋਂ ਜਾ ਕੇ ਤਜਰਬਾ ਕਹਾਉਂਦੇ ਹਨਸਾਲਾਂ ਦੇ ਜਮ੍ਹਾਂ ਹੋਏ ਤਜਰਬੇ ਵਾਲਾਂ ਦੇ ਧੁੱਪ ਵਿੱਚ ਚਿੱਟੇ ਹੋਣ ਦਾ ਭੁਲੇਖਾ ਨਹੀਂ ਪੈਣ ਦਿੰਦੇਆਪ ਹੰਢਾਏ ਸੱਚ ਦਾ ਮੂੰਹ ਮੱਥਾ ਹੀ ਕੁਝ ਹੋਰ ਹੁੰਦਾ ਹੈਫਾਲਤੂ ਅਤੇ ਫਜ਼ੂਲ ਜਿਹੀਆਂ ਮੱਤਾਂ ਇਹ ਨਹੀਂ ਹੁੰਦੇ

ਕਿਹਾ ਜਾਂਦਾ ਹੈ, ‘ਧਨ ਗੁਆਚੇ ਤਾਂ ਸਮਝੋ ਕੁਝ ਨਹੀਂ ਗਿਆ, ਸਿਹਤ ਗਈ ਤਾਂ ਕੁਝ ਨਾ ਕੁਝ ਮਨਫ਼ੀ ਹੁੰਦਾ ਹੈ, ਪਰ ਆਚਰਣ ਹੱਥੋਂ ਗਿਆ ਤਾਂ ਸਮਝੋ ਸਭ ਕੁਝ ਹੀ ਹੱਥੋਂ ਗਿਆ।’ ਕਿਸੇ ਦਾ ਆਚਰਣ ਉਸਦੀ ਵਰ੍ਹਿਆਂ ਦੀ ਕਮਾਈ ਹੁੰਦਾ ਹੈਮੱਤ ਮਾਰੀ ਜਾਵੇ ਤਾਂ ਇੱਜ਼ਤ ਮਿੱਟੀ ਵਿੱਚ ਮਿਲਦਿਆਂ ਦੇਰ ਨਹੀਂ ਲਗਦੀਮਿੰਟ ਸਕਿੰਟ ਵੀ ਨਹੀਂਹੱਥਾਂ ਨਾਲ ਦਿੱਤੀਆਂ ਗੰਢਾਂ ਖੋਲ੍ਹਣੀਆਂ ਬੜੀਆਂ ਔਖੀਆਂ ਹੋ ਜਾਂਦੀਆਂ ਹਨਨਵੇਂ ਸਿਰਿਉਂ ਵਿਸ਼ਵਾਸ ਬਣਾਉਣੇ ਫਿਰ ਕੋਈ ਸੌਖੇ ਕੰਮ ਨਹੀਂ ਹੁੰਦੇਕੋਲਿਆਂ ਦੀ ਦਲਾਲੀ ਵਿੱਚ ਮੂੰਹ ਕਾਲੇ ਹੋਣੋ ਵੀ ਕਦੀ ਬਚੇ ਨੇ? ਸੰਗਤ ਦੀ ਰੰਗਤ ਤਾਂ ਚੜ੍ਹਦੀ ਹੀ ਹੈਚੰਗੀ ਸੰਗਤ ਦਾ ਸਦਾ ਸਭ ਕੁਝ ਚੰਗਾ ਹੀ ਚੰਗਾ ਹੁੰਦਾ ਹੈਮਾੜੀ ਸੰਗਤ ਸਦਾ ਘਾਟੇ ਹੀ ਘਾਟੇ ਦਾ ਸੌਦਾਗੁਆਚੀ ਇੱਜ਼ਤ ਮੂੰਹ ਦਿਖਾਉਣ ਯੋਗਾ ਵੀ ਨਹੀਂ ਛੱਡਦੀਆਚਰਣ ਦੇ ਗੁਆਚਣ ਦਾ ਪ੍ਰਮੁੱਖ ਕਾਰਨ ਇਹ ਮਾੜੀ ਸੰਗਤ ਹੀ ਹੁੰਦੀ ਹੈ

ਸਮੇਂ ਦੇ ਬਦਲਣ ਨਾਲ ਵੀ ਬੜਾ ਕੁਝ ਗੁਆਚ ਜਾਂਦਾ ਹੈਪੁਰਾਣੀਆਂ ਸਾਂਝਾਂ ਹੁਣ ਦੇਖਣ ਵਿੱਚ ਕਿੱਥੇ ਆਉਂਦੀਆਂ ਹਨ? ਪਹਿਲਾਂ ਵਾਲੇ ਮੋਹ ਪਿਆਰ ਵੀ ਨਹੀਂ ਰਹੇ ਹੁਣਮੈਰਿਜ ਪੈਲਸ ਜਾਉ ਤਾਂ ਬੜੀ ਰੌਣਕ ਦਿਖਾਈ ਦਿੰਦੀ ਹੈਲਿਸ਼ਕੇ ਲਿਸ਼ਕੇ ਚਿਹਰੇ ਮਨ ਖਿੱਚਦੇ ਹਨਡੀਜਿਆਂ ਦੀਆਂ ਆਵਾਜ਼ਾਂ ਵਿੱਚ ਅੱਡੀ ਨੂੰ ਮੱਲੋਮੱਲੀ ਨੱਚਣ ਦਾ ਚਾਅ ਚੜ੍ਹਨ ਲਗਦਾ ਹੈ ਇੱਕ ਨੁੱਕਰੇ ਖੜ੍ਹ ਕੇ ਗਹੁ ਨਾਲ ਦੇਖੀਏ ਜਾਂ ਸੋਚੀਏ ਤਾਂ ਬੜਾ ਕੁਝ ਗੁਆਚਿਆ ਨਜ਼ਰ ਆਉਣ ਲਗਦਾ ਹੈਪਹਿਲਾਂ ਵਿਆਹ ਹੁੰਦੇ ਸਨ ਤਾਂ ਇਹੋ ਰੌਣਕਾਂ ਘਰਾਂ ਵਿੱਚ ਜੁੜਦੀਆਂ ਅਤੇ ਸਜਦੀਆਂ ਸਨਨਾਨਕੇ ਦਾਦਕੇ ਸਭ ਰਲਮਿਲ ਘਰ ਨੂੰ ਹਾਸੇ ਨਾਲ ਭਰਦੇ ਸਨਵਿਆਹ ਵਾਲੇ ਘਰ ਦਾ ਦੂਰੋਂ ਪਤਾ ਲਗਦਾ ਸੀ

ਕਈ ਕਈ ਦਿਨ ਪਹਿਲੋਂ ਹੀ ਅਟੈਚੀ ਜਾਂ ਝੋਲਿਆਂ ਵਿੱਚ ਪਾਏ ਕੱਪੜੇ ਲੀੜੇ ਨਾਲ ਸਾਕ ਸਬੰਧੀ ਮਨ ਵਿੱਚ ਗੂੜ੍ਹੇ ਮੋਹ ਅਤੇ ਚਾਅ ਲੈ ਕੇ ਆਉਂਦੇਘੋੜੀਆਂ, ਸੁਹਾਗ ਗਾਏ ਜਾਂਦੇਪਕਵਾਨਾਂ ਦੀ ਸੁਗੰਧੀ ਹਵਾ ਵਿੱਚ ਘੁਲਣ ਲਗਦੀਆਂਢ-ਗੁਆਂਢ ਵੱਲੋਂ ਵੀ ਚਾਅ ਸੰਭਾਲੇ ਨਾ ਜਾਂਦੇਇਕੱਠੇ ਹੋਏ ਮੇਲ ਦਾ ਆਪਣਾ ਹੀ ਆਨੰਦ ਹੁੰਦਾਪੈਲਸ ਕਲਚਰ ਸਭ ਕੁਝ ਹੀ ਵਹਾ ਕੇ ਲੈ ਗਿਆਡੀਜਿਆਂ ਦੇ ਕੰਨ ਪਾੜਵੇਂ ਸ਼ੋਰ ਵਿੱਚ ਗੱਲ ਕਰਨੋਂ ਸੁਣਨੋਂ ਵੀ ਰਹਿ ਗਏ, ਦੁੱਖ ਸੁੱਖ ਤਾਂ ਕਿੱਥੋਂ ਫਰੋਲਣੇ? ਖਾਧਾ ਪੀਤਾ, ਸ਼ਗਨ ਦਿੱਤਾ ਤੇ ਗੁਰ ਫ਼ਤਹਿ ਬੁਲਾਉਂਦਿਆਂ ਆਪੋ ਆਪਣੇ ਘਰਾਂ ਵੱਲ ਚਾਲੇ ਪਾਉਣੇ ਸ਼ੁਰੂ ਇੱਥੇ ਜੋ ਸੱਭਿਆਚਾਰ ਗੁਆਚਿਆ, ਨੇੜ ਭਵਿੱਖ ਵਿੱਚ ਉਸਦੇ ਲੱਭਣ ਦੀ ਕੋਈ ਆਸ ਵੀ ਨਹੀਂ ਲਗਦੀ, ਸਗੋਂ ਆਵਾ ਤਾਂ ਹੋਰ ਵੀ ਊਤਦਾ ਜਾ ਰਿਹਾ ਹੈ

ਸੰਵੇਦਨਸ਼ੀਲ ਮਨਾਂ ਦੇ ਦੁੱਖ ਹੋਰ ਵੀ ਗਹਿਰੇ ਹਨਆਬਾਦੀ ਨਿਰੰਤਰ ਵਧਣ ਨਾਲ ਨਵੀਆਂ ਉਸਾਰੀਆਂ ਹੋਣ ਕਰਕੇ ਪੁਰਾਣੇ ਰਾਹ ਆਪਣੀ ਹੋਂਦ ਹੀ ਗੁਆ ਬੈਠੇਲੁਧਿਆਣਾ ਵਾਸੀ ਵਰ੍ਹਿਆਂ ਪਹਿਲੋਂ ਘੰਟਾ ਘਰ ਦੇ ਨੇੜੇ ਪੈਂਦੇ ਲੱਕੜ ਦੇ ਪੁਲ ਦੀ ਯਾਦ ਹੁਣ ਵੀ ਆਪਣੇ ਚੇਤਿਆਂ ਵਿੱਚ ਵਸਾਈ ਬੈਠੇ ਹਨਹਜ਼ਾਰਾਂ ਨਹੀਂ, ਲੱਖਾਂ ਹੀ ਪੈਰ ਇਸਦੇ ਉੱਪਰੋਂ ਲੰਘ ਕੇ ਆਪਣੀ ਮੰਜ਼ਿਲ ਵੱਲ ਗਏਸਮੇਂ ਦੇ ਹੱਥੋਂ ਢਹਿ ਕੇ ਆਪਣੀ ਹੋਂਦ ਹੀ ਗੁਆ ਬੈਠਾ ਵਿਚਾਰਾਇਸਦੇ ਉੱਪਰੋਂ ਲੰਘੇ ਪੈਰਾਂ ਨੂੰ ਸਭ ਕੁਝ ਯਾਦ ਹੈਤਾਹੀਉਂ ਇੱਥੇ ਆ ਕੇ ਆਪ ਮੁਹਾਰਾ ਕਦਮ ਰੁਕਦੇ ਹਨਅੱਖਾਂ ਪੁਰਾਣੇ ਰਾਹਾਂ ਨੂੰ ਲੱਭਦੀਆਂ ਹਨਨਵੇਂ ਨਵੇਂ ਫਲਾਈ ਓਵਰ ਨਜ਼ਰ ਆਉਂਦੇ ਹਨ, ਪਰ ਭੁਲਾਇਆਂ ਵੀ ਤਾਂ ਪੁਰਾਣੀਆਂ ਯਾਦਾਂ ਨਹੀਂ ਭੁੱਲਦੀਆਂਉਂਜ ਰਾਹ ਹੀ ਨਹੀਂ ਗੁਆਚੇ, ਤੋਰ ਵੀ ਕਿਧਰੇ ਗੁਆਚ ਗਈਮੋਰਨੀ ਦੀ ਚਾਲ ਹੁਣ ਕੌਣ ਤੁਰਦਾ ਹੈ? ਕਾਰ ਹੈ, ਸਕੂਟਰ ਹੈ, ਪੈਦਲ ਚੱਲਣ ਦੀ ਫਿਰ ਕੀ ਲੋੜ ਹੈ? ਦੋ ਪੈਰ ਘੱਟ ਤੁਰਨਾ ਪਰ ਤੁਰਨਾ ਮੜ੍ਹਕ ਦੇ ਨਾਲ, ਵਾਲੀ ਗੱਲ ਹੀ ਗੁਆਚ ਗਈਅਸਲ ਵਿੱਚ ਤਾਂ ਬੰਦਾ ਦੁਨੀਆ ਦੇ ਮੇਲੇ ਵਿੱਚ ਆਪ ਹੀ ਗੁਆਚ ਗਿਆ ਹੈ ਕਿਧਰੇਗੁਆਚ ਗਏ ਨੇ ਉਸਦੇ ਸਾਰੇ ਰਿਸ਼ਤੇਸੋਝੀ ਹੀ ਨਹੀਂ ਰਹੀ ਉਸ ਨੂੰ ਆਪਣੇ ਆਪ ਦੀ ਉਸ ਨੂੰ ਨਹੀਂ ਪਤਾ ਕਿ ਉਹ ਆਪ ਕੌਣ ਹੈ?

ਚੀਜ਼ ਭਾਵੇਂ ਕਿੰਨੀ ਨਿੱਕੀ ਜਾਂ ਸਸਤੀ ਹੋਵੇ, ਲੋੜ ਪੈਣ ’ਤੇ ਵੇਲੇ ਸਿਰ ਨਾ ਮਿਲੇ ਤਾਂ ਉਸ ਵਰਗੀ ਬਹੁਮੁੱਲੀ ਕੋਈ ਹੋਰ ਚੀਜ਼ ਵੀ ਨਹੀਂ ਜਾਪਦੀਕਮੀਜ਼ ਦਾ ਬਟਨ ਨਾ ਹੋਵੇ, ਦਫਤਰ ਜਾਣ ਦੀ ਪੂਰੀ ਤਿਆਰੀ ਕਰ ਲਈ ਹੋਵੇ, ਪਰ ਉਸ ਵੇਲੇ ਸੂਈ ਹੀ ਨਾ ਲੱਭੇ ਜਾਂ ਧਾਗੇ ਦੀ ਰੀਲ ਹੀ ਇੱਧਰ ਉੱਧਰ ਹੋ ਜਾਵੇ ਤਾਂ ਮਨ ’ਤੇ ਜੋ ਗੁਜ਼ਰਦੀ ਹੈ, ਅੰਦਾਜ਼ਾ ਲਗਾਉਣਾ ਕੋਈ ਔਖਾ ਨਹੀਂਗੁੱਸਾ ਉਬਾਲੇ ਖਾਂਦਾ ਹੈ ਅਤੇ ਚਿਹਰਾ ਕਚੀਚੀਆਂ ਵੱਟਣ ਲਗਦਾ ਹੈਵਿਗੜਿਆ ਮੂਡ ਜਲਦੀ ਕੀਤੇ ਆਪਣੀ ਪਹਿਲੀ ਹਾਲਤ ਵਿੱਚ ਨਹੀਂ ਆਉਂਦਾ

ਖੇਡਾਂ ਖੇਡਦਿਆਂ ਬਚਪਨ ਦਾ ਪਤਾ ਨਹੀਂ ਲਗਦਾ ਕਦੋਂ ਬੀਤ ਜਾਂਦਾ ਹੈਜਵਾਨੀ ਆਉਂਦੀ ਹੈ, ਮੌਜ ਮਸਤੀ ਕਰਦਿਆਂ, ਇੱਕ ਦੂਜੇ ਨੂੰ ਫੁੱਲਾਂ ਦੇ ਗੁਲਦਸਤੇ ਦਿੰਦਿਆਂ ਇਹ ਵੀ ਲੰਘ ਜਾਂਦੀ ਹੈ। ਫਿਰ ਆਉਂਦਾ ਹੈ ਕਦੀ ਵੀ ਨਾ ਜਾਣ ਵਾਲਾ ਬੁਢਾਪਾਸ਼ਾਇਦ ਇਹੋ ਹੀ ਨਹੀਂ ਗੁਆਚਦਾ ਕਿਧਰੇਬੰਦੇ ਨੂੰ ਆਪਣੇ ਨਾਲ ਹੀ ਲੈ ਜਾਂਦਾ ਹੈਅਣਜਾਣੀ, ਅਣਦੇਖੀ ਤੇ ਅਣਚਾਹੀ ਦੁਨੀਆਂ ਵਿੱਚ ਸਦਾ ਲਈ ਗੁਆਚ ਜਾਂਦਾ ਹੈ ਬੰਦਾਗੁਆਚੀਆਂ ਚੀਜ਼ਾਂ ਤਾਂ ਫਿਰ ਤੋਂ ਬਣ ਵੀ ਜਾਂਦੀਆਂ ਨੇ, ਢਹੇ ਮਕਾਨਾਂ ਦੀ ਵੀ ਉਸਾਰੀ ਹੋ ਜਾਂਦੀ ਹੈ ਪਰ ਸਦਾ ਲਈ ਅੱਖੋਂ ਓਹਲੇ ਹੋਏ ਆਪਣਿਆਂ ਦੇ ਦਰਸ਼ਨ ਫਿਰ ਕਦੀ ਅੱਖਾਂ ਨੂੰ ਨਸੀਬ ਨਹੀਂ ਹੁੰਦੇਫਰੇਮਾਂ ਦੀਆਂ ਤਸਵੀਰਾਂ ਬਣ ਜਾਂਦੇ ਨੇਖੱਟੀਆਂ ਮਿੱਠੀਆਂ ਯਾਦਾਂ ਰਹਿ ਜਾਂਦੀਆਂ ਨੇ ਪਿੱਛੇਸਰੀਰ, ਮਿੱਟੀ ਵਿੱਚ ਰਲ ਜਾਂਦਾ ਹੈਸਵਾਹ ਜੋ ਬਚਦੀ ਹੈ, ਉਹ ਵੀ ਵਗਦੇ ਪਾਣੀਆਂ ਵਿੱਚ ਸਦਾ ਲਈ ਵਿਲੀਨ ਹੋ ਜਾਂਦੀ ਹੈ

ਚੰਗਾ ਹੋਵੇ ਕਿਸੇ ਦਾ ਕੁਝ ਵੀ ਨਾ ਗੁਆਚੇਅਜਿਹਾ ਹੋਣਾ ਸ਼ਾਇਦ ਸੰਭਵ ਨਹੀਂਚੀਜ਼ਾਂ ਗੁਆਚਦੀਆਂ ਹੀ ਹਨ, ਗੁਆਚਦੀਆਂ ਹੀ ਰਹਿਣਗੀਆਂਕੁਦਰਤ ਵਿੱਚ ਵੀ ਅਜਿਹਾ ਹੁੰਦਾ ਹੈਪਤਝੜਾਂ ਵਿੱਚ ਰੁੱਖਾਂ ਦੇ ਪੱਤੇ ਝੜਦੇ ਹਨਪੱਤਿਆਂ ਦੀ ਖੜ ਖੜ ਵੀ ਗੁਆਚਦੀ ਹੈਆਕਾਸ਼ੋਂ ਤਾਰੇ ਸਦਾ ਟੁੱਟਦੇ ਰਹੇ ਹਨਜੀਵਨ ਦਾ ਵੀ ਇਹੋ ਨਿਯਮ ਹੈਕੁਝ ਗੁਆਚਦਾ ਹੈ ਤਾਂ ਉਸ ਤੋਂ ਕਿਤੇ ਵੱਧ ਨਵਾਂ ਲੱਭਣ ਲਈ ਵੀ ਪਿਆ ਹੈਜ਼ਿੰਦਗੀ ਨੇ ਤਾਂ ਸਦਾ ਇਸੇ ਤਰ੍ਹਾਂ ਤੁਰਦੇ ਹੀ ਰਹਿਣਾ ਹੈਗੁਆਚੀ ਚੀਜ਼ ਪ੍ਰਤੀ ਧੰਨਵਾਦੀ ਵੀ ਹੋਣਾ ਚਾਹੀਦਾ ਹੈ, ਕਿਉਂਕਿ ਗੁਆਚਣ ਕਰਕੇ ਹੀ ਤਾਂ ਉਸਦੇ ਮਹੱਤਵ ਦਾ ਪਤਾ ਲਗਦਾ ਹੈ ਅਤੇ ਅੱਗੇ ਤੋਂ ਅਸੀਂ ਸੁਚੇਤ ਹੋ ਜਾਂਦੇ ਹਾਂ

*****

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।

(3519)

(ਸਰੋਕਾਰ ਨਾਲ ਸੰਪਰਕ ਲਈThis email address is being protected from spambots. You need JavaScript enabled to view it.)

About the Author

ਦਰਸ਼ਨ ਸਿੰਘ  ਸ਼ਾਹਬਾਦ ਮਾਰਕੰਡਾ

ਦਰਸ਼ਨ ਸਿੰਘ ਸ਼ਾਹਬਾਦ ਮਾਰਕੰਡਾ

Shahabad Markanda, Kurukshetra, Haryana, India.
Email: (darshansingh5108@gmail.com)
Mobile: (91 - 94667 - 37933)

More articles from this author