ManinderBhatia7ਮੰਤਰੀ ਜੀ ਭੱਜ ਕੇ ਕਮਰੇ ਵਿੱਚ ਪਏ ਮੇਜ਼ ਦੇ ਥੱਲੇ ਵੜ ਕੇ ਲੁਕ ਗਏ। ਇਹ ਦੇਖ ਕੇ ...
(25 ਅਕਤੂਬਰ 2021)

 

ਅਜ਼ਾਦੀ ਤੋਂ ਬਾਅਦ ਪੰਜਾਬ ਦੇ ਬਹੁਤ ਸਾਰੇ ਪਿੰਡਾਂ ਵਿੱਚ ਅਜੇ ਬਿਜਲੀ ਨਹੀਂ ਸੀ ਆਈਸਭ ਤੋਂ ਪਹਿਲਾਂ ਵੱਡੇ ਪੱਧਰ ’ਤੇ ਭਾਖੜਾ ਡੈਮ ਬਣਾਇਆ ਗਿਆ ਜਿਸ ਨਾਲ ਪਹਾੜਾਂ ਵਿੱਚੋਂ ਆਉਂਦੇ ਪਾਣੀ ਨੂੰ ਰੋਕ ਕੇ ਬਿਜਲੀ ਪੈਦਾ ਕੀਤੀ ਗਈ ਤੇ ਇਸ ਬਿਜਲੀ ਨਾਲ ਸ਼ਹਿਰਾਂ ਵਿੱਚ ਕਾਰਖਾਨੇ ਚਲਾ ਕੇ ਉਤਪਾਦਨ ਵਿੱਚ ਵਾਧਾ ਕੀਤਾ ਗਿਆਇਸ ਤੋਂ ਬਾਅਦ ਛੋਟੇ ਹਾਈਡਲ ਪ੍ਰੋਜੈਕਟ ਬਣਾਏ ਗਏਪਿੰਡਾਂ ਵਿੱਚ ਅਜੇ ਬਿਜਲੀ ਨਹੀਂ ਸੀ ਪਹੁੰਚੀ

ਹੌਲੀ ਹੌਲੀ ਸਬ ਸਟੇਸ਼ਨ ਸਥਾਪਿਤ ਕੀਤੇ ਗਏ1971 ਵਿੱਚ ਮੇਰੇ ਦੋਸਤ ਬਚਨ ਸਿੰਘ ਬਿਜਲੀ ਬੋਰਡ ਵਿੱਚ ਸ਼੍ਰੀ ਹਰਗੋਬਿੰਦਪੁਰ ਨੌਕਰੀ ਕਰਦੇ ਸਨ ਤੇ ਹਰ ਹਫ਼ਤੇ ਜਲੰਧਰ ਆਪਣੇ ਘਰ ਆ ਜਾਂਦੇ ਸਨ1976 ਵਿੱਚ ਉਨ੍ਹਾਂ ਦੀ ਬਦਲੀ ਬਠਿੰਡੇ ਦੀ ਹੋ ਗਈ ਤੇ ਉਹ ਰਲੀਵ ਹੋ ਕੇ ਜਲੰਧਰ ਘਰ ਆ ਗਏਉਨ੍ਹਾਂ ਨੇ ਦੱਸਿਆ:

ਮੈਂ ਪਹਿਲਾਂ ਕਦੀ ਬਠਿੰਡਾ ਨਹੀਂ ਸੀ ਗਿਆ ਮੈਂਨੂੰ ਸਿਰਫ ਇਹ ਪਤਾ ਸੀ ਕਿ ਬੱਸ ਲੁਧਿਆਣੇ ਤੋਂ ਮਿਲਦੀ ਹੈਜਲੰਧਰ ਤੋਂ ਲੁਧਿਆਣੇ ਪਹੁੰਚ ਗਿਆ ਅਤੇ ਮੇਰੇ ਕੋਲ ਸਮਾਨ ਵਜੋਂ ਇੱਕ ਟਰੰਕ ਤੇ ਇੱਕ ਸਾਈਕਲ ਸੀਲੁਧਿਆਣੇ ਪਹੁੰਚਣ ’ਤੇ ਪਤਾ ਲੱਗਿਆ ਕਿ ਬੱਸ ਨੌਂ ਵਜੇ ਚੱਲਣੀ ਹੈ ਤੇ ਇਹ ਆਖ਼ਰੀ ਬੱਸ ਹੈਅਜੇ ਛੇ ਵੱਜੇ ਸਨ ਮੈਂ ਆਪਣਾ ਸਮਾਨ ਬੱਸ ਉੱਤੇ ਚੜ੍ਹਾ ਕੇ ਬੱਸ ਵਿੱਚ ਬੈਠ ਗਿਆਰਾਹ ਵਿੱਚ ਬੱਸ ਇੱਕ ਥਾਂ ਰੋਟੀ ਖਾਣ ਲਈ ਰੁਕੀ ਤੇ ਫੇਰ ਬਠਿੰਡੇ ਲਈ ਚੱਲ ਪਈਰਾਤੀਂ ਇੱਕ ਵਜੇ ਬੱਸ ਪਹੁੰਚ ਗਈ ਤੇ ਬੱਸ ਸਟੈਂਡ ਦੇ ਨਾਂ ’ਤੇ ਉੱਥੇ ਕੁਝ ਵੀ ਨਹੀਂ ਸੀਮੈਂ ਆਪਣਾ ਸਮਾਨ ਲਾਹਿਆ, ਜਿਸ ਵਿੱਚ ਕੰਡਕਟਰ ਨੇ ਮੇਰੀ ਸਹਾਇਤਾ ਕੀਤੀਸਾਈਕਲ ਦੇ ਪਿੱਛੇ ਟਰੰਕ ਰੱਖ ਕੇ ਮੈਂ ਬੱਸ ਸਟੈਂਡ ਤੋਂ ਬਾਹਰ ਨਿਕਲਿਆਉੱਥੇ ਇੱਕ ਢਾਬਾ ਜਿਹਾ ਸੀ, ਜਿਸ ਨੂੰ ਬੰਦ ਕਰ ਕੇ ਦੁਕਾਨ ਵਾਲਾ ਬੰਦਾ ਜਾਣ ਲੱਗਾ ਸੀਉਸ ਨੂੰ ਪੁੱਛ ਕੇ ਮੈਂ ਉੱਥੇ ਪਏ ਬੈਂਚ ’ਤੇ ਸੌਂ ਗਿਆਉਹ ਆਪਣੇ ਘਰ ਚਲਾ ਗਿਆਉਸ ਦੇ ਜਾਣ ਤੋਂ ਪਹਿਲਾਂ ਮੈਂ ਉਸ ਨੂੰ ਸਬ ਸਟੇਸ਼ਨ ਦਾ ਰਸਤਾ ਪੁੱਛ ਲਿਆ ਸੀ

ਜਿਵੇਂ ਹੀ ਪਹੁ ਫੁਟਾਲਾ ਹੋਇਆ, ਮੈਂ ਆਪਣਾ ਸਾਈਕਲ ਚੁੱਕ ਕੇ ਸਬ ਸਟੇਸ਼ਨ ਵੱਲ ਨੂੰ ਚੱਲ ਪਿਆਇੱਕ ਦੋ ਬੰਦਿਆਂ ਨੂੰ ਪੁੱਛਦਾ ਪੁਛਾਉਂਦਾ ਮੈਂ ਸਬ ਸਟੇਸ਼ਨ ਪਹੁੰਚਿਆਡਿਊਟੀ ਤੇ ਹਾਜ਼ਰ ਚੌਕੀਦਾਰ ਨੂੰ ਚਿੱਠੀ ਦਿਖਾਈ ਤੇ ਉਸ ਨੇ ਮੈਂਨੂੰ ਦਫਤਰ ਵਿੱਚ ਸੌਣ ਲਈ ਕਿਹਾਮੈਂ ਸਟਾਫ ਦੇ ਆਉਣ ਤੋਂ ਪਹਿਲਾਂ ਹੀ ਸਵੇਰੇ ਤਿਆਰ ਹੋ ਗਿਆਦੋ ਤਿੰਨ ਦਿਨ ਮੈਂ ਰਾਤ ਦਫਤਰ ਵਿੱਚ ਹੀ ਸੌਂ ਜਾਂਦਾ ਰਿਹਾ ਪਰ ਫੇਰ ਮੈਂਨੂੰ ਨੇੜਲੇ ਪਿੰਡ ਵਿੱਚ ਸਰਪੰਚ ਦੇ ਬਾਹਰਲੇ ਘਰ ਵਿੱਚ ਇੱਕ ਕਮਰਾ ਮਿਲ ਗਿਆ। ਕਮਰੇ ਦੇ ਬਾਹਰ ਇੱਕ ਨਲਕਾ ਲੱਗਿਆ ਹੋਇਆ ਸੀਲੈਟਰੀਨ ਦੇ ਨਾਂ ’ਤੇ ਇੱਕ ਗਰਕਣੀ ਬਣੀ ਹੋਈ ਸੀ

ਬਠਿੰਡੇ ਦੇ ਕੋਲ ਹੀ ਇੱਕ ਪਿੰਡ ਵਿੱਚ ਬਿਜਲੀਘਰ ਬਣਾਇਆ ਗਿਆ ਸੀ ਤੇ ਉਸ ਦਾ ਉਦਘਾਟਨ ਹੋਣਾ ਸੀਇਹ ਜਗ੍ਹਾ ਪਿੰਡ ਦੇ ਬਾਹਰਵਾਰ ਸੀ ਅਤੇ ਸਾਰਾ ਇਲਾਕਾ ਅਜੇ ਬੇਆਬਾਦ ਸੀਜਾਨਵਰਾਂ ਤੋਂ ਬਚਾ ਲਈ ਅਜੇ ਚਾਰਦੀਵਾਰੀ ਵੀ ਨਹੀਂ ਸੀ ਹੋਈ, ਅਜੇ ਤਾਰਾਂ ਹੀ ਲਾਈਆਂ ਗਈਆਂ ਸਨਕਿਉਂਕਿ ਉਦਘਾਟਨ ਮੰਤਰੀ ਸਾਬ੍ਹ ਨੇ ਕਰਨਾ ਸੀ, ਇਸ ਕਰਕੇ ਇਲਾਕੇ ਦੇ ਐੱਸ ਸੀ ਦੀ ਡਿਊਟੀ ਲੱਗੀ ਕਿ ਉਸਨੇ ਆਲੇ ਦੁਆਲੇ ਦੇ ਪਿੰਡਾਂ ਤੋਂ ਲੋਕਾਂ ਨੂੰ ਇਕੱਠੇ ਕਰਨਾ ਹੈਇਸ ਤਰ੍ਹਾਂ ਬੰਦੇ ਇਕੱਠੇ ਕਰਨ ਦਾ ਹੁਕਮ ਐੱਸ ਸੀ ਤੋਂ ਐੱਸ ਡੀ ਓ ਅਤੇ ਐੱਸ ਡੀ ਓ ਤੋਂ ਥੱਲੇ ਜੇ ਈ ਰਾਹੀਂ ਹੁੰਦਾ ਹੋਇਆ ਹੇਠਾਂ ਤਕ ਪਹੁੰਚ ਗਿਆ ਅਸੀਂ ਮੁਲਾਜ਼ਮਾਂ ਨੇ ਤਾਂ ਇਸ ਨੂੰ ਹੁਕਮ ਸਮਝ ਕੇ ਪ੍ਰਵਾਨ ਕਰਨਾ ਸੀ।

ਉਸ ਵੇਲੇ ਇਲਾਕੇ ਵਿੱਚ ਸਬ ਸਟੇਸ਼ਨ ਲੱਗਣਾ ਬੜੀ ਵੱਡੀ ਗੱਲ ਸੀ ਕਿਉਂਕਿ ਉਨ੍ਹਾਂ ਸਾਰੇ ਪਿੰਡਾਂ ਵਿੱਚ ਅਜੇ ਬਿਜਲੀ ਨਹੀਂ ਸੀ ਪਹੁੰਚੀਲੋਕਾਂ ਵਿੱਚ ਵੀ ਬਹੁਤ ਉਤਸ਼ਾਹ ਸੀਉਦਘਾਟਨ ਦਾ ਦਿਨ ਆ ਗਿਆ ਆਲੇ ਦੁਆਲੇ ਦੇ ਪਿੰਡਾਂ ਦੇ ਲੋਕ ਆਉਣ ਲੱਗ ਪਏਦੇਖਦੇ ਹੀ ਦੇਖਦੇ ਉੱਥੇ ਇਕੱਠੇ ਹੋ ਗਿਆ ਸਟੇਜ ਤਿਆਰ ਕੀਤੀ ਗਈਪਿੰਡਾਂ ਦੇ ਪੰਚਾਂ ਸਰਪੰਚਾਂ ਅਤੇ ਹੋਰ ਪਤਵੰਤਿਆਂ ਨੂੰ ਬੁਲਾਇਆ ਗਿਆ ਚਾਹ ਪਾਣੀ ਦਾ ਇੰਤਜ਼ਾਮ ਵੀ ਕੀਤਾ ਗਿਆ ਮੰਤਰੀ ਜੀ ਲਈ ਪੰਡਾਲ ਦੇ ਵਿੱਚ ਇੱਕ ਪਰਦਾ ਲਾ ਕੇ ਚਾਹ ਪਾਣੀ ਦਾ ਇੰਤਜ਼ਾਮ ਕੀਤਾ ਗਿਆ

ਜਿਵੇਂ ਹੀ ਮੰਤਰੀ ਜੀ ਪਹੁੰਚੇ, ਸਾਰਿਆਂ ਨੇ ਖੜ੍ਹੇ ਹੋ ਕੇ ਅਤੇ ਤਾੜੀਆਂ ਮਾਰ ਕੇ ਸਵਾਗਤ ਕੀਤਾ ਐੱਸ ਈ ਸਾਬ੍ਹ ਨੇ ਮੰਤਰੀ ਜੀ ਨੂੰ ਚਾਹ ਪਾਣੀ ਪੀਣ ਲਈ ਕਿਹਾ ਪਰ ਉਨ੍ਹਾਂ ਨੇ ਕਿਹਾ ਕਿ ਪਹਿਲਾਂ ਉਦਘਾਟਨ ਕਰ ਲੈਂਦੇ ਹਾਂ, ਚਾਹ ਪਾਣੀ ਬਾਅਦ ਵਿੱਚ ਪੀਵਾਂਗੇਉਦਘਾਟਨ ਕਰਨ ਲਈ ਉਨ੍ਹਾਂ ਨੂੰ ਕਮਰੇ ਵਿੱਚ ਲਿਜਾਇਆ ਗਿਆਮੰਤਰੀ ਜੀ ਨੇ ਓ ਸੀ ਬੀ ਦਾ ਸਵਿੱਚ ਚੁੱਕਣਾ ਸੀਜਿਵੇਂ ਹੀ ਸਪੀਕਰ ਤੋਂ ਉਦਘਾਟਨ ਦੀ ਅਨਾਊਂਸਮੈਂਟ ਹੋਈ, ਸਾਰਿਆਂ ਨੇ ਤਾੜੀਆਂ ਮਾਰਨੀਆਂ ਸ਼ੁਰੂ ਕਰ ਦਿੱਤੀਆਂਮੰਤਰੀ ਜੀ ਨੇ ਸਵਿੱਚ ਚੁੱਕਿਆਪਟਾਕੇ ਦੀ ਆਵਾਜ਼ ਆਈ ਤੇ ਸਾਰੇ ਪਾਸੇ ਧੂੰਆਂ ਹੀ ਧੂੰਆਂ ਹੋ ਗਿਆਇਕਦਮ ਭਗਦੜ ਮੱਚ ਗਈਕਿਸੇ ਨੂੰ ਵੀ ਸਮਝ ਨਹੀਂ ਸੀ ਆ ਰਿਹਾ ਕਿ ਹੋਇਆ ਕੀ ਹੈ? ਮੰਤਰੀ ਜੀ ਭੱਜ ਕੇ ਕਮਰੇ ਵਿੱਚ ਪਏ ਮੇਜ਼ ਦੇ ਥੱਲੇ ਵੜ ਕੇ ਲੁਕ ਗਏਇਹ ਦੇਖ ਕੇ ਐੱਸ ਈ, ਐਕਸੀਅਨ ਤੇ ਹੋਰ ਸਟਾਫ ਹੱਕੇ ਬੱਕੇ ਰਹਿ ਗਏ ਤੇ ਮੰਤਰੀ ਜੀ ਕੋਲ ਜਾ ਕੇ ਉਨ੍ਹਾਂ ਨੂੰ ਬਾਹਰ ਆਉਣ ਲਈ ਕਹਿਣ ਲੱਗੇਮੰਤਰੀ ਜੀ ਉਨ੍ਹਾਂ ਨੂੰ ਗਾਲ੍ਹਾਂ ਕੱਢ ਕੇ ਦਫ਼ਾ ਹੋ ਜਾਣ ਲਈ ਕਹਿਣ ਲੱਗੇ

ਜਿਵੇਂ ਹੀ ਧੂੰਆਂ ਥੋੜ੍ਹਾ ਘੱਟ ਹੋਇਆ, ਸਕਿਉਰਿਟੀ ਸਟਾਫ ਅੰਦਰ ਆਇਆ ਤੇ ਉਨ੍ਹਾਂ ਨੇ ਮੰਤਰੀ ਜੀ ਨੂੰ ਫੜ ਕੇ ਮੇਜ਼ ਹੇਠੋਂ ਬਾਹਰ ਕੱਢਿਆ, ਕਾਰ ਵਿੱਚ ਬਿਠਾਇਆ ਤੇ ਉੱਥੋਂ ਚਲੇ ਗਏ

ਬਿਜਲੀ ਬੋਰਡ ਦੇ ਵੱਡੇ ਅਫਸਰ ਦੀ ਮੰਤਰੀ ਜੀ ਦੇ ਸਾਹਮਣੇ ਬੇਇੱਜ਼ਤੀ ਹੋ ਗਈ ਸੀ ਤੇ ਉਹ ਆਪਣੇ ’ਤੇ ਹੋਣ ਵਾਲੇ ਐਕਸ਼ਨ ਬਾਰੇ ਸੋਚ ਰਿਹਾ ਸੀਉਹ ਹੇਠਲੇ ਸਟਾਫ ਨੂੰ ਬੁਰਾ ਭਲਾ ਕਹਿ ਕੇ ਜਾਂਚ ਕਰਨ ਦੇ ਹੁਕਮ ਦੇ ਕੇ ਆਪ ਸਰਕਟ ਹਾਊਸ ਵੱਲ ਰਵਾਨਾ ਹੋ ਗਿਆ, ਜਿੱਥੇ ਮੰਤਰੀ ਜੀ ਪਹੁੰਚੇ ਸਨ

ਧੂੰਆਂ ਹਟਣ ਤੋਂ ਬਾਅਦ ਜਿਵੇਂ ਹੀ ਬਾਕਸ ਖੋਲ੍ਹ ਕੇ ਦੇਖਿਆ, ਬੱਸਬਾਰ ਦੇ ਵਿੱਚ ਇੱਕ ਜੰਗਲੀ ਚੂਹਾ ਫਸ ਕੇ ਸੜਿਆ ਪਿਆ ਸੀਚੂਹੇ ਨੂੰ ਕੱਢ ਕੇ ਪੱਤੀਆਂ ਨੂੰ ਸਾਫ ਕੀਤਾ ਗਿਆ ਅਤੇ ਉਸ ਨੂੰ ਸ਼ੁਰੂ ਕਰਨ ਲਈ ਤਿਆਰ ਕੀਤਾ ਗਿਆਤਿਆਰੀ ਹੋਣ ਤੋਂ ਬਾਅਦ ਏ.ਈ. ਸਾਹਿਬ ਨੂੰ ਸੂਚਿਤ ਕੀਤਾ ਗਿਆ ਕਿ ਉਦਘਾਟਨ ਲਈ ਤਿਆਰ ਹੈਉਨ੍ਹਾਂ ਨੇ ਕਿਹਾ ਕਿ ਆਪੇ ਕਰ ਲਓ ਉਦਘਾਟਨ ਤੁਸੀਂ, ਮੇਰੇ ਤਾਂ ਸਿਰ ਸੁਆਹ ਪਵਾ ਦਿੱਤੀ ਹੈ

*****

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।

(3101)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.) 

About the Author

ਮਨਿੰਦਰ ਭਾਟੀਆ

ਮਨਿੰਦਰ ਭਾਟੀਆ

Ludhiana, Punjab, India.
Phone: (91 - 99884-91002)
Email: (msbhatianzpc@gmail.com)

More articles from this author