NarinderSZira7ਜੇਕਰ ਕੇਂਦਰ ਅਤੇ ਰਾਜ ਆਪਣੇ ਆਪਣੇ ਟੈਕਸ ਘੱਟ ਕਰ ਲੈਣ ਤਾਂ ਤੇਲ ਸਸਤਾ ਹੋ ਜਾਵੇਗਾ ਅਤੇ ...
(5 ਜੁਲਾਈ 2021)

 

ਕਰੋਨਾ ਮਹਾਂਮਾਰੀ ਨੇ ਸਾਰੀ ਦੁਨੀਆਂ ਵਿੱਚ ਪੈਰ ਪਸਾਰੇ ਹੋਏ ਹਨਭਾਰਤ ਵਾਸੀਆਂ ਨੂੰ ਵੀ ਕਰੋਨਾ ਮਹਾਂਮਾਰੀ ਕਾਰਨ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈਇਨ੍ਹਾਂ ਸਮੱਸਿਆਵਾਂ ਵਿੱਚੋਂ ਇੱਕ ਪ੍ਰਮੁੱਖ ਸਮੱਸਿਆ ਮਹਿੰਗਾਈ ਹੈਹਰ ਰੋਜ਼ ਮਹਿੰਗਾਈ ਨੇ ਲੋਕਾਂ ਦੇ ਨੱਕ ਵਿੱਚ ਦਮ ਕਰ ਰੱਖਿਆ ਹੈਕਰੋੜਾਂ ਲੋਕ ਮਹਿੰਗਾਈ ਦੀ ਚੱਕੀ ਵਿੱਚ ਪਿਸ ਰਹੇ ਹਨਬੀਤੇ ਕੁਝ ਮਹੀਨਿਆਂ ਦੌਰਾਨ ਥੋਕ ਅਤੇ ਪ੍ਰਚੂਨ ਮਹਿੰਗਾਈ ਦੀ ਰਫ਼ਤਾਰ ਵਿੱਚ ਜਿਸ ਤਰ੍ਹਾਂ ਦੀ ਤੇਜ਼ੀ ਆਈ ਹੈ, ਉਸਨੇ ਆਮ ਲੋਕਾਂ ਦੇ ਮੱਥੇ ਉੱਤੇ ਪਸੀਨੇ ਲਿਆ ਦਿੱਤੇ ਹਨਕੇਂਦਰ ਸਰਕਾਰ ਵਲੋਂ ਸਰਕਾਰੀ ਅਦਾਰਿਆਂ ਨੂੰ ਵੱਡੇ ਕਾਰਪੋਰੇਟ ਘਰਾਣਿਆਂ ਦੇ ਹੱਥਾਂ ਵਿੱਚ ਦਿੱਤਾ ਜਾ ਰਿਹਾ ਹੈ, ਜਿਸ ਕਾਰਨ ਮਹਿੰਗਾਈ ਨੇ ਸਿਖਰਾਂ ਨੂੰ ਛੂਹ ਲਿਆ ਹੈਹਰ ਰੋਜ਼ ਕਮਾਈ ਕਰਕੇ ਪਰਿਵਾਰ ਦਾ ਢਿੱਡ ਭਰਨਾ ਵੀ ਹੁਣ ਮੁਸ਼ਕਿਲ ਹੋ ਗਿਆ ਹੈਮਹਾਂਮਾਰੀ ਤੇ ਮਹਿੰਗਾਈ ਦੀ ਮਾਰ ਨਾਲ ਦੇਸ਼ ਦੇ ਗਰੀਬ ਤੇ ਮਿਹਨਤਕਸ਼ ਵਰਗ ਭਿਆਨਕ ਹਾਲਤ ਵਿੱਚ ਹਨ

ਕਰੋਨਾ ਮਹਾਂਮਾਰੀ ਦੇ ਸਮੇਂ ਦੌਰਾਨ ਸਰਕਾਰ ਜ਼ਰੂਰੀ ਵਸਤੂਆਂ ਅਤੇ ਪੈਟਰੋਲੀਅਮ ਪਦਾਰਥਾਂ ਦੀਆਂ ਕੀਮਤਾਂ ਨੂੰ ਕੰਟਰੋਲ ਕਰਨ ਵਿੱਚ ਨਾਕਾਮ ਰਹੀ ਹੈਪਿਛਲੇ ਸਾਲ ਮਾਰਚ 2020 ਤੋਂ ਲੈ ਕੇ ਹੁਣ ਤਕ ਜ਼ਰੂਰੀ ਵਸਤੂਆਂ ਅਤੇ ਪੈਟਰੋਲੀਅਮ ਪਦਾਰਥਾਂ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈਪੈਟਰੋਲ ਤੇ ਡੀਜ਼ਲ ਦੇ ਭਾਅ ਵਿੱਚ ਵਾਧੇ, ਜ਼ਰੂਰੀ ਵਸਤੂਆਂ ਦੀ ਮੰਗ ਤੇ ਪੂਰਤੀ ਵਿੱਚ ਫਰਕ ਲਾਕਡਾਊਨ ਕਾਰਨ ਵਧਿਆ ਹੈ। ਜਮ੍ਹਾਂਖੋਰੀ ਅਤੇ ਕਾਲਾ ਬਜ਼ਾਰੀ ਨੇ ਆਮ ਆਦਮੀ ਦੀਆਂ ਜ਼ਰੂਰੀ ਖਾਣ-ਪੀਣ ਦੀਆਂ ਵਸਤੂਆਂ ਦੀਆਂ ਕੀਮਤਾਂ ਅਸਮਾਨੀ ਚੜ੍ਹਾਈਆਂ ਹੋਈਆਂ ਹਨਖਾਣ-ਪੀਣ ਦੀਆਂ ਵਸਤੂਆਂ ਤਾਂ ਵੱਡੇ ਵਪਾਰੀਆਂ ਨੇ ਮਹਿੰਗੀਆਂ ਕੀਤੀਆਂ ਹਨਜਦਕਿ ਪੈਟਰੋਲ, ਡੀਜ਼ਲ ਤੇ ਰਸੋਈ ਗੈਸ ਦਾ ਸਿਲੰਡਰ ਮਹਿੰਗਾਂ ਕਰਨ ਲਈ ਕੇਂਦਰ ਤੇ ਰਾਜ ਸਰਕਾਰਾਂ ਜ਼ਿੰਮੇਵਾਰ ਹਨਆਮ ਆਦਮੀ ਪੈਟਰੋਲੀਅਮ ਪਦਾਰਥਾਂ ਦੇ ਵਧ ਰਹੇ ਮੁੱਲਾਂ ਦੇ ਨਾਲ-ਨਾਲ ਖਾਣ ਵਾਲੇ ਤੇਲਾਂ ਦੀਆਂ ਵਧ ਰਹੀਆਂ ਕੀਮਤਾਂ ਤੋਂ ਵੀ ਪ੍ਰੇਸ਼ਾਨ ਹੈ ਮਹਿੰਗਾਈ ਬੇਲਗਾਮ ਹੋਣ ਨਾਲ ਆਮ ਆਦਮੀ ਦੀਆਂ ਮੁਸ਼ਕਲਾਂ ਵਧਣ ਤੇ ਰਿਜ਼ਰਵ ਬੈਂਕ ਵੀ ਚਿੰਤਤ ਹੈ

ਹੁਣ ਦਾਲਾਂ ਦੇ ਨਾਲ ਨਾਲ ਖਾਣ ਵਾਲੇ ਤੇਲ ਵੀ ਆਮ ਆਦਮੀ ਦੀ ਪਹੁੰਚ ਤੋਂ ਬਾਹਰ ਹੋ ਗਏ ਹਨਪਿਛਲੇ ਇੱਕ ਸਾਲ ਤੋਂ ਹੀ ਸਰ੍ਹੋਂ ਦਾ ਤੇਲ 115 ਰੁਪਏ ਲੀਟਰ ਤੋਂ ਵਧ ਕੇ 200 ਰੁਪਏ, ਪਾਮ ਆਇਲ 85 ਰੁਪਏ ਤੋਂ ਵਧਕੇ 138 ਰੁਪਏ, ਸੂਰਜਮੁਖੀ ਦਾ ਤੇਲ 110 ਰੁਪਏ ਤੋਂ ਵਧਕੇ 175 ਰੁਪਏ, ਡਾਲਡਾ ਘਿਓ 90 ਰੁਪਏ ਤੋਂ ਵਧਕੇ 140 ਰੁਪਏ ਤਕ ਪੁੱਜ ਚੁੱਕਾ ਹੈਸੋਇਆਬੀਨ ਦੇ ਤੇਲ ਦੀ ਕੀਮਤ ਵਿੱਚ ਵੀ 80 ਰੁਪਏ ਲੀਟਰ ਦਾ ਵਾਧਾ ਹੋਇਆ ਹੈਰਾਜਮਾਂਹ ਪਿਛਲੇ ਸਾਲ 100 ਰੁਪਏ ਕਿਲੋ ਤੋਂ ਵੀ ਘੱਟ ਸਨ ਜੋ ਹੁਣ 130 ਤੋਂ 140 ਰੁਪਏ ਪ੍ਰਤੀ ਕਿਲੋ ਹੈਛੋਲਿਆ ਦੀ ਦਾਲ 70 ਰੁਪਏ ਕਿਲੋ ਤੋਂ ਵਧ ਕੇ 190 ਰੁਪਏ, ਅਰਹਰ ਦਾਲ 90 ਰੁਪਏ ਕਿਲੋ ਤੋਂ ਵਧ ਕੇ 120 ਰੁਪਏ ਕਿਲੋ ਤੇ ਮਸਰ ਦਾਲ 65 ਰੁਪਏ ਕਿਲੋ ਤੋਂ ਵਧ ਕੇ 90 ਰੁਪਏ ਕਿਲੋ ਹੋ ਚੁੱਕੀ ਹੈ ਇੱਥੋਂ ਤਕ ਕਿ ਆਟੇ ਦੀ 10 ਕਿਲੋ ਦੀ ਥੈਲੀ ਦੇ ਰੇਟ ਵਿੱਚ 60 ਰੁਪਏ ਦਾ ਵਾਧਾ ਦਰਜ ਕੀਤਾ ਗਿਆ ਹੈਦੁੱਧ, ਘਿਓੁ, ਦਾਲਾਂ ਦੀਆਂ ਕੀਮਤਾਂ ਵਿੱਚ 10 ਫੀਸਦੀ ਦਾ ਵਾਧਾ ਹੋ ਚੁੱਕਾ ਹੈਲੋਕਾਂ ਦੀ ਆਮਦਨ ਤਾਂ ਪਹਿਲਾਂ ਨਾਲੋਂ ਵੀ ਘੱਟ ਹੈ ਪਰ ਜ਼ਰੂਰੀ ਵਸਤੂਆਂ ਦੀਆਂ ਹਰ ਰੋਜ਼ ਵਧ ਰਹੀਆਂ ਕੀਮਤਾਂ ਕਾਰਨ ਮਹਿੰਗਾਈ ਨੇ ਲੋਕਾਂ ਦਾ ਲੱਕ ਤੋੜ ਦਿੱਤਾ ਹੈਬਹੁਤ ਸਾਰੇ ਲੋਕ ਸਿਰਫ ਖਾਣ-ਪੀਣ ਦੀਆਂ ਜ਼ਰੂਰੀ ਵਸਤਾਂ ਹੀ ਖਰੀਦਦੇ ਹਨਅਜਿਹੀ ਸਥਿਤੀ ਵਿੱਚ ਮਹਿੰਗਾਈ ਦੀ ਚੌਤਰਫਾ ਮਾਰ ਸਹਿਣ ਕਰਨਾ ਸਭ ਲਈ ਆਸਾਨ ਨਹੀਂ ਹੈ

ਦੂਸਰੇ ਪਾਸੇ ਖਾਣ ਦੀਆਂ ਵਸਤੂਆਂ ਦੀ ਰਿਕਾਰਡ ਤੋੜ ਪੈਦਾਵਾਰ ਹੋਈ ਹੈਕਣਕ ਅਤੇ ਧਾਨ ਦੀਆਂ ਫਸਲਾਂ ਵਿੱਚ ਪਿਛਲੇ 7 ਸਾਲਾਂ ਵਿੱਚ 38 ਮਿਲੀਅਨ ਮੀਟਰਿਕ ਟਨ ਦਾ ਵਾਧਾ ਹੋਇਆ ਹੈ2015 ਵਿੱਚ 190 ਮਿਲੀਅਨ ਮੀਟਰਿਕ ਟਨ ਤੋਂ ਵਧ ਕੇ 2020 ਵਿੱਚ 228 ਮਿਲੀਅਨ ਮੀਟਰਿਕ ਟਨ ਪੈਦਾਵਾਰ ਹੋਈ ਹੈਦਾਲਾਂ ਦੀ ਪੈਦਾਵਾਰ ਸਾਲ 2020 ਵਿੱਚ 23.03 ਮਿਲੀਅਨ ਮੀਟਰਿਕ ਟਨ ਸੀਜੋ ਸਾਲ 2021 ਵਿੱਚ ਵਧਕੇ 24.42 ਮਿਲੀਅਨ ਮੀਟਰਿਕ ਟਨ ਹੋਈ ਹੈਪਰ ਦਾਲਾਂ ਦੀ ਜ਼ਰੂਰਤ ਦੇਸ਼ ਨੂੰ 26 ਮੀਲੀਅਨ ਮੀਟਰਿਕ ਟਨ ਦੀ ਹੈਇਸ ਲਈ ਸਰਕਾਰ ਨੇ ਦਾਲਾਂ ਦਰਾਮਦ ਕੀਤੀਆਂ ਹਨਪਰ ਫਿਰ ਵੀ ਦਾਲਾਂ ਦੇ ਭਾਅ ਕਾਬੂ ਵਿੱਚ ਨਹੀਂ ਰਹੇਸਰ੍ਹੋਂ ਦੇ ਤੇਲ ਦੀ ਕੁਲ ਪੈਦਾਵਾਰ ਵਿੱਚ 20 ਫੀਸਦੀ ਦਾ ਵਾਧਾ ਹੋਇਆ ਹੈਮਈ ਵਿੱਚ ਸਬਜ਼ੀ ਦੀਆਂ ਕੀਮਤਾਂ ਵਿੱਚ 1.6 ਫੀਸਦੀ ਦਾ ਵਾਧਾ ਹੋਇਆ ਸੀਪਰ ਜੂਨ ਦੇ ਪਹਿਲੇ ਦੋ ਹਫਤਿਆਂ ਦੌਰਾਨ ਹੀ ਸਬਜ਼ੀ ਦੀਆਂ ਕੀਮਤ ਵਿੱਚ 7.3 ਫੀਸਦੀ ਦਾ ਵਾਧਾ ਹੋ ਗਿਆਇਸੇ ਤਰ੍ਹਾਂ ਸੇਬ ਜੋ ਕਸ਼ਮੀਰ ਤੋਂ ਸ਼੍ਰੇਣੀ ਦੇ ਹਿਸਾਬ ਨਾਲ ਏ.ਬੀ. ਤੇ ਸੀ ਗਰੇਡਿੰਗ ਅਨੁਸਾਰ ਪੰਜ ਛੇ ਰੁਪਏ ਤੋਂ ਲੈ ਕੇ ਛੱਬੀ ਸਤਾਈ ਰੁਪਏ ਤਕ ਕਿਸਾਨਾਂ ਤੋਂ ਖਰੀਦਿਆਂ ਜਾਂਦਾ ਹੈ, ਪ੍ਰਚੂਨ ਬਜ਼ਾਰ ਵਿੱਚ ਸੇਬ 250 ਰੁਪਏ ਪ੍ਰਤੀ ਕਿਲੋ ਭਾਅ ’ਤੇ ਮਿਲ ਰਿਹਾ ਹੈ

ਥੋਕ ਕੀਮਤਾਂ ’ਤੇ ਅਧਾਰਿਤ ਮਹਿੰਗਾਈ ਦਰ ਦਾ ਰਿਕਾਰਡ ਉੱਚੇ ਪੱਧਰ ’ਤੇ ਪੁੱਜ ਜਾਣਾ ਸਰਕਾਰ ਲਈ ਖਤਰੇ ਦੀ ਘੰਟੀ ਬਣਦਾ ਜਾ ਰਿਹਾ ਹੈਥੋਕ ਮਹਿੰਗਾਈ ਦੇ ਨਾਲ ਨਾਲ ਪ੍ਰਚੂਨ ਮਹਿੰਗਾਈ ਦਰ ਵੀ ਸਿਰ ਚੁੱਕੀ ਬੈਠੀ ਹੈਮਈ ਵਿੱਚ ਥੋਕ ਮਹਿੰਗਾਈ ਦਰ 12.94 ਫੀਸਦੀ ’ਤੇ ਪਹੁੰਚ ਗਈ ਹੈਪ੍ਰਚੂਨ ਮਹਿੰਗਾਈ ਦਰ ਵੀ 6.30 ਫੀਸਦੀ ਹੋ ਗਈ ਹੈਜਿਹੜੀ ਆਰ.ਬੀ.ਆਈ. ਵਲੋਂ ਤੈਅ ਵੱਧ ਤੋਂ ਵੱਧ 6 ਫੀਸਦੀ ਤੋਂ ਵੀ ਜ਼ਿਆਦਾ ਹੈਇਸ ਸਾਲ ਅਪਰੈਲ 2021 ਵਿੱਚ ਮਹਿੰਗਾਈ ਦਰ 4.23 ਫੀਸਦੀ ਸੀਪੇਂਡੂ ਪ੍ਰਚੂਨ ਮਹਿੰਗਾਈ ਦਰ 6.48 ਫੀਸਦੀ ਸੀ ਜਦਕਿ ਸ਼ਹਿਰੀ ਪ੍ਰਚੂਨ ਮਹਿੰਗਾਈ ਦਰ 6.04 ਫੀਸਦੀ ਰਹੀਮਈ ਵਿੱਚ ਤੇਲ ਤੇ ਊਰਜਾ ਦੀ ਥੋਕ ਮਹਿੰਗਾਈ ਵਿੱਚ 37.60 ਫੀਸਦੀ ਦਾ ਵਾਧਾ ਹੋਇਆ ਹੈਸਰਕਾਰੀ ਅੰਕੜਿਆਂ ਦੇ ਮੁਤਾਬਿਕ ਮਈ ਵਿੱਚ ਖੁਰਾਕੀ ਮਹਿੰਗਾਈ ਦਰ 5.01 ਫੀਸਦੀ ’ਤੇ ਪਹੁੰਚ ਗਈ ਸੀਜਿਹੜੀ ਅਪਰੈਲ ਵਿੱਚ 1.96 ਫੀਸਦੀ ਸੀਤੇਲ ਤੇ ਊਰਜਾ ਦੇ ਥੋਕ ਰੇਟ ਵਧਣ ਨਾਲ ਮਈ ਵਿੱਚ ਆਵਾਜਾਈ ਖਰਚ ਪਿਛਲੇ ਸਾਲ ਦੇ ਮੁਕਾਬਲੇ 12.38 ਫੀਸਦੀ ਜ਼ਿਆਦਾ ਹੋ ਗਿਆ ਹੈਇਸੇ ਦੌਰਾਨ ਮੈਨੂਫੈਕਚਰਿੰਗ ਨਾਲ ਜੁੜੇ ਉਤਪਾਦਾਂ ਦੀ ਥੋਕ ਦੀ ਕੀਮਤ ਵਿੱਚ 10.83 ਫੀਸਦੀ ਦੇ ਵਾਧੇ ਨਾਲ ਮੈਨੂਫੈਕਚਰਿੰਗ ਸਰਗਰਮੀਆਂ ਵੀ ਪ੍ਰਭਾਵਿਤ ਹੋ ਸਕਦੀਆਂ ਹਨਮੋਤੀਲਾਲ ਓਸਵਾਲ ਫਾਈਨਾਂਸ਼ੀਅਲ ਸਰਵਿਸਿਜ਼ ਦੇ ਮੁੱਖ ਅਰਥ ਸ਼ਾਸਤਰੀ ਨਿਖਿਲ ਗੁਪਤਾ ਦੇ ਮੁਤਾਬਕ ਥੋਕ ਮਹਿੰਗਾਈ ਦਰ 25 ਸਾਲਾਂ ਦੇ ਉੱਚ ਪੱਧਰ ’ਤੇ ਹੈ ਤੇ ਪ੍ਰਚੂਨ ਮਹਿੰਗਾਈ ਦਰ ਨੇ ਵੀ ਝਟਕਾ ਦਿੱਤਾ ਹੈਦੋਹਾਂ ਹੀ ਮਹਿੰਗਾਈ ਦਰਾਂ ਵਿੱਚ ਵਾਧਾ ਚਿੰਤਾਜਨਕ ਹੈ

ਪੈਟਰੋਲ ਤੇ ਡੀਜ਼ਲ ਦੀਆਂ ਲਗਾਤਾਰ ਵਧ ਰਹੀਆਂ ਕੀਮਤਾਂ ਕਾਰਨ ਵੀ ਮਹਿੰਗਾਈ ਵਧ ਰਹੀ ਹੈ ਕਿਉਂਕਿ ਪੈਟਰੋਲ ਡੀਜ਼ਲ ਦੀਆਂ ਕੀਮਤਾਂ ਵਧਣ ਨਾਲ ਵਸਤੂਆਂ ਦੀ ਢੋਆ ਢੁਆਈ ਦਾ ਖਰਚਾ ਵਧ ਜਾਂਦਾ ਹੈ ਲਗਭਗ ਸਵਾ ਸਾਲ ਵਿੱਚ ਹੁਣ ਤਕ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 25 ਤੋਂ 30 ਰੁਪਏ ਵਧ ਗਈਆਂ ਹਨਕਈ ਰਾਜਾਂ ਵਿੱਚ ਪੈਟਰੋਲ ਦੀ ਕੀਮਤ 100 ਰੁਪਏ ਪ੍ਰਤੀ ਲੀਟਰ ਨੂੰ ਪਾਰ ਕਰ ਗਈ ਹੈਜੇ ਇਸੇ ਤਰ੍ਹਾਂ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ ਵਧਦੀਆਂ ਰਹੀਆਂ ਤਾਂ ਅਗਲੇ ਹਫਤੇ ਪੰਜਾਬ ਵਿੱਚ ਵੀ ਪੈਟਰੋਲ ਦੀ ਕੀਮਤ 100 ਰੁਪਏ ਪ੍ਰਤੀ ਲੀਟਰ ਤੋਂ ਟੱਪ ਜਾਵੇਗੀਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਵਾਧਾ ਅੰਤਰਰਾਸ਼ਟਰੀ ਬਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ ਘੱਟ ਹੋਣ ਦੇ ਬਾਵਜੂਦ ਹੋ ਰਿਹਾ ਹੈ ਕਿਉਂਕਿ ਭਾਰਤ ਵਿੱਚ ਕੇਂਦਰ ਸਰਕਾਰ ਤੇਲ ਦੀ ਅਸਲ ਕੀਮਤ ਤੋਂ ਇਲਾਵਾਂ ਪੈਟਰੋਲ ਤੇ 32.90 ਰੁਪਏ ਤੇ ਡੀਜ਼ਲ ਤੇ 31.85 ਰੁਪਏ ਟੈਕਸ ਲਗਾਉਂਦੀ ਹੈਇਸ ਤੋਂ ਬਾਅਦ ਸੂਬਾ ਸਰਕਾਰਾਂ ਆਪਣਾ ਵੈਟ ਲਗਾਉਂਦੀਆਂ ਹਨਤੇਲ ਦੀ ਕੀਮਤ ਦਾ 60 ਫੀਸਦੀ ਵੱਡਾ ਹਿੱਸਾ ਸਰਕਾਰਾਂ ਦੇ ਟੈਕਸ ਦਾ ਹੀ ਹੈਪਿਛਲੇ ਸਾਲ 2020 ਵਿੱਚ ਮਾਰਚ ਮਹੀਨੇ ਤੋਂ ਲੈ ਕੇ ਦਸੰਬਰ ਤਕ ਪੈਟਰੋਲ ਤੇ ਡੀਜ਼ਲ 13 ਤੋਂ 14 ਰੁਪਏ ਪ੍ਰਤੀ ਲੀਟਰ ਮਹਿੰਗਾ ਹੋਇਆ ਸੀਪਰ ਇਸ ਸਾਲ 2021 ਦੇ ਸ਼ੁਰੂ ਹੋਣ ਤੋਂ ਹੁਣ ਤਕ ਹੀ ਪੈਟਰੋਲ ਤੇ ਡੀਜ਼ਲ ਦੇ ਰੇਟ ਵਿੱਚ 14 ਤੋਂ 15 ਰੁਪਏ ਪ੍ਰਤੀ ਪੀਟਰ ਦੀ ਤੇਜ਼ੀ 6 ਮਹੀਨੇ ਵਿੱਚ ਹੀ ਆ ਗਈ ਹੈ

ਦੂਜੇ ਪਾਸੇ ਇਸ ਸਮੇਂ ਦੌਰਾਨ ਰਸੋਈ ਗੈਸ ਦੀ ਕੀਮਤ ਵਿੱਚ ਵੀ 225 ਰੁਪਏ ਪ੍ਰਤੀ ਸਿਲੰਡਰ ਤੋਂ ਵਧ ਗਈ ਸੀਕਦੇ ਰਸੋਈ ਗੈਸ ਦੀ ਸਬਸਿਡੀ 300 ਰੁਪਏ ਮਿਲਦੀ ਸੀਪਰ ਰਸੋਈ ਗੈਸ ਦਾ ਸਿਲੰਡਰ ਮਹਿੰਗਾ ਹੋਣ ਨਾਲ ਰਸੋਈ ਗੈਸ ਦੀ ਸਬਸਿਡੀ ਸਿਰਫ 12 ਰੁਪਏ ਰਹਿ ਗਈ ਹੈਰਸੋਈ ਗੈਸ ਦਾ 14 ਕਿਲੋ ਦਾ ਸਿਲੰਡਰ ਹੁਣ ਲਗਭਗ 850 ਰੁਪਏ ਵਿੱਚ ਵੇਚਿਆ ਜਾ ਰਿਹਾ ਹੈਖਾਣ ਵਾਲੇ ਤੇਲ, ਰਸੋਈ ਗੈਸ, ਡੀਜ਼ਲ ਤੇ ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਇੱਕ ਸਾਲ ਵਿੱਚ ਰਿਕਾਰਡ ਤੋੜ ਵਾਧਾ ਹੋਇਆ ਹੈਹਰ ਰੋਜ਼ ਪੈਟਰੋਲ ਡੀਜ਼ਲ ਦੇ ਨਾਲ ਨਾਲ ਦਵਾਈਆਂ ਦੀਆਂ ਕੀਮਤਾਂ ਵੀ ਵਧ ਰਹੀਆਂ ਹਨਪ੍ਰਾਈਵੇਟ ਸੰਸਥਾਵਾਂ ਲੋਕਾਂ ਦੀ ਲੁੱਟ ਕਰ ਰਹੀਆਂ ਹਨਪ੍ਰਾਈਵੇਟ ਡਾਕਟਰ ਹਸਪਤਾਲਾਂ ਵਿੱਚ ਮਰੀਜ਼ਾਂ ਦੀ ਲੁੱਟ ਕਰ ਰਹੇ ਹਨਘਰੇਲੂ ਰਸੋਈ ਵਿੱਚ ਲੋੜੀਂਦੇ ਸਮਾਨ ਦੀਆਂ ਵਧੀਆਂ ਕੀਮਤਾਂ ਨੇ ਲੋਕਾਂ ਨੂੰ ਭੁੱਖਮਰੀ ਵੱਲ ਧਕੇਲਕੇ ਰੱਖ ਦਿੱਤਾ ਹੈ ਕਰੋਨਾ ਕਾਲ ਵਿੱਚ ਵੀ 12.20 ਕਰੋੜ ਲੋਕਾਂ ਦਾ ਰੁਜ਼ਗਾਰ ਖੁਸ ਚੁੱਕਾ ਹੈਇਨ੍ਹਾਂ ਵਿੱਚ 75 ਫੀਸਦੀ ਦਿਹਾੜੀਦਾਰ, ਮਜ਼ਦੂਰ, ਛੋਟੇ ਕਰਮਚਾਰੀ ਤੇ ਦੁਕਾਨਦਾਰ ਹਨਸਵਾ ਸਾਲ ਵਿੱਚ 23 ਕਰੋੜ ਲੋਕ ਗਰੀਬੀ ਰੇਖਾ ਤੋਂ ਹੇਠਾਂ ਆ ਚੁੱਕੇ ਹਨਸਥਿਤੀ ਵਿੱਚ ਮਹਿੰਗਾਈ ਦਾ ਬੇਲਗਾਮ ਹੋਣਾ ਸਰਕਾਰਾਂ ਦੀ ਇਮਾਨਦਾਰੀ ਤੇ ਸਵਾਲੀਆਂ ਨਿਸ਼ਾਨ ਲਾਉਂਦਾ ਹੈ

ਲੋਕਾਂ ਦੇ ਰੁਜ਼ਗਾਰ ਖੁਸਣ ਤੇ ਕਾਰੋਬਾਰ ਠੱਪ ਹੋਣ ਕਾਰਨ ਆਮਦਨ ਘਟ ਗਈ ਹੈਹੋਟਲਾਂ, ਰੈਸਟੋਰੈਟਾਂ, ਮੈਰਿਜ ਪੈਲਸਾਂ, ਸਿਨੇਮਿਆਂ ਦੇ ਬੰਦ ਹੋਣ ਕਾਰਨ ਤੇ ਹੋਰ ਖੁਸ਼ੀ ਤੇ ਗਮੀ ਮੌਕੇ ਕੀਤੇ ਜਾਣ ਵਾਲੇ ਸਮਾਗਮਾਂ ਤੇ ਕੋਰੋਨ ਕਾਰਨ ਲੱਗੀ ਰੋਕ ਕਾਰਨ ਲੋਕ ਵਿਹਲੇ ਹੋ ਗਏ ਹਨਲੋਕਾਂ ਕੋਲ ਨਾ ਰੁਜ਼ਗਾਰ ਤੇ ਨਾ ਹੀ ਆਮਦਨ ਦਾ ਹੋਰ ਕੋਈ ਸਾਧਨ ਹੈਸਰਕਾਰ ਨੂੰ ਇਸ ਨਾਜ਼ੁਕ ਸਥਿਤੀ ਨੂੰ ਸੰਭਾਲਣ ਦੇ ਤੁਰੰਤ ਉਪਾਅ ਕਰਨੇ ਚਾਹੀਦੇ ਹਨਇਹ ਸਰਕਾਰ ਉੱਤੇ ਨਿਰਭਰ ਹੈ ਕਿ ਉਹ ਬਜ਼ਾਰ ਵਿੱਚ ਮਹਿੰਗਾਈ ਦੇ ਪੱਧਰ ਨੂੰ ਘੱਟ ਕਰਨ ਤੋਂ ਲੈ ਕੇ ਲੋਕਾਂ ਦੀ ਆਰਥਿਕ ਸਥਿਤੀ ਨੂੰ ਪਟੜੀ ’ਤੇ ਲਿਆਉਣ ਲਈ ਕੀ ਕਰਦੀ ਹੈਜੇਕਰ ਕੇਂਦਰ ਅਤੇ ਰਾਜ ਆਪਣੇ ਆਪਣੇ ਟੈਕਸ ਘੱਟ ਕਰ ਲੈਣ ਤਾਂ ਤੇਲ ਸਸਤਾ ਹੋ ਜਾਵੇਗਾ ਅਤੇ ਆਮ ਜਨਤਾ ਮਹਿੰਗਾਈ ਦੀ ਮਾਰ ਤੋਂ ਕਾਫੀ ਹੱਦ ਤਕ ਬਚ ਸਕਦੀ ਹੈਸਰਕਾਰ ਨੂੰ ਹਰ ਜ਼ਰੂਰੀ ਵਸਤੂ ਦੀ ਘੱਟੋ ਘੱਟ ਅਤੇ ਗੁਣਵਤਾ ਵਧਾਉਣ ਦੇ ਹਿਸਾਬ ਨਾਲ ਉਸਦਾ ਵੱਧ ਤੋਂ ਵੱਧ ਮੁੱਲ ਤੈਅ ਕਰਨਾ ਚਾਹੀਦਾ ਹੈ ਤਾਂ ਜੋ ਆਮ ਲੋਕਾਂ ਦਾ ਭਲਾ ਹੋ ਸਕੇਲੋਕਾਂ ਨੂੰ ਭੁੱਖਮਰੀ ਤੋਂ ਬਚਾਉਣ ਲਈ ਸਰਕਾਰਾਂ ਨੂੰ ਤਰਜੀਹ ਦੇ ਕੇ ਮਹਿੰਗਾਈ ਨੂੰ ਕੰਟਰੋਲ ਕਰਨਾ ਚਾਹੀਦਾ ਹੈਲੋਕਾਂ ਦਾ ਖਿਆਲ ਰੱਖਣਾ ਅਤੇ ਉਨ੍ਹਾਂ ਦੀ ਚਿੰਤਾ ਕਰਨੀ ਇੱਕ ਚੰਗੀ ਸਰਕਾਰ ਦਾ ਮੁੱਢਲਾ ਸਿਧਾਂਤ ਹੈਸਰਕਾਰ ਦਾ ਕਰਤਵ ਹੁੰਦਾ ਹੈ ਕਿ ਉਹ ਲੋਕਾਂ ਦੇ ਆਤਮ ਵਿਸ਼ਵਾਸ ਨੂੰ ਮਜ਼ਬੂਤ ਕਰੇ

*****

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(2880)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.)

About the Author

ਨਰਿੰਦਰ ਸਿੰਘ ਜ਼ੀਰਾ

ਨਰਿੰਦਰ ਸਿੰਘ ਜ਼ੀਰਾ

Retired Lecturer.
Phone: (91 - 98146 - 62260)

More articles from this author