JagtarSahota7ਟੁਕੜੀਆਂ ਵਿਚ ਵੰਡੇ ਹੋਏ ਅਤੇ ਫ਼ਿਰਕਾਪ੍ਰਸਤੀ ਦੀਆਂ ਐਨਕਾਂ ਲਾਈ ਬੈਠੇ ਲੋਕ ...
(31 ਅਕਤੂਬਰ 2018)

 

ਭਾਰਤ ਦੇ ਇਕ ਸ਼ਹਿਰ ਵਿਚ ਤਕਰੀਬਨ ਸਾਲ ਹੋ ਗਿਆ ਸੀ ਕਿ ਇਕ ਰੌਲਾ-ਰੱਪਾ ਖ਼ਤਮ ਹੋਣ ਦਾ ਨਾ ਹੀ ਨਹੀਂ ਲੈ ਰਿਹਾ ਸੀਇਕ ਪੜ੍ਹਿਆ ਲਿਖਿਆ ਮੁਸਲਮਾਨ ਸਰਕਾਰੀ ਨੌਕਰੀ ਕਰਦਾ ਸੀਪੈਨਸ਼ਨ ਲੈਣ ਤੋਂ ਇਕ ਸਾਲ ਪਹਿਲਾਂ ਹਿੰਦੂ ਬਣ ਗਿਆਦੌਲਤ ਖਾਨ ਦੌਲਤ ਰਾਮ ਬਣ ਗਿਆਹਿੰਦੂ ਧਰਮ ਦੇ ਚੌਧਰੀਆਂ ਨੇ ਇਸ ਗੱਲ ਨੂੰ ਬਹੁਤ ਚੁੱਕਿਆ ਅਤੇ ਕਿਹਾ ਇਸ ਤੋਂ ਪਤਾ ਲਗਦਾ ਹੈ ਕਿ ਪੜ੍ਹੇ ਲਿਖੇ ਮੁਸਲਮਾਨ ਜਾਣਦੇ ਹਨ ਕਿ ਹਿੰਦੂ ਧਰਮ ਕਿੰਨਾ ਵਧੀਆ ਧਰਮ ਹੈਵੈਸੇ ਤਾਂ ਭਾਰਤ ਵਿਚ ਪੜ੍ਹੇ ਲਿਖੇ ਮੁਸਲਮਾਨਾਂ ਦੀ ਘਾਟ ਨਹੀਂ ਸੀਪਰ ਉਨ੍ਹਾਂ ਲਈ ਤਾਂ ਇਕ ਮੁਸਲਮਾਨ ਦਾ ਹਿੰਦੂ ਬਣਨਾ ਇਸਲਾਮ ਨੂੰ ਢਾਹੁਣ ਵਾਲੀ ਗੱਲ ਸੀਦੌਲਤ ਰਾਮ ਨੂੰ ਹਿੰਦੂ ਆਪਣੀਆਂ ਪਾਰਟੀਆਂ ਵਿਚ ਸੱਦਣ ਲੱਗ ਪਏਉਸਦੀਆਂ ਤਾਂ ਸਮਝੋ ਪੰਜੇ ਉਂਗਲਾ ਘੇ ਵਿਚਹਰ ਥਾਂ ਉਸ ਦੀ ਆਓ ਭਗਤ ਨਾਲ ਵਧੀਆ ਤੋਂ ਵਧੀਆ ਖਾਣਾ ਮਿਲਦਾਉੱਧਰ ਵਿਚਾਰੇ ਸਦੀਆਂ ਤੋਂ ਬਣੇ ਹੋਏ ਗ਼ਰੀਬ ਭੁੱਖੇ ਮਰਦੇ ਹਿੰਦੂਆਂ ਨੂੰ ਕੋਈ ਪੁੱਛਦਾ ਹੀ ਨਹੀਂ ਸੀਹਿੰਦੂ ਰੁਝਾਨ ਵਾਲੇ ਅਖ਼ਬਾਰਾਂ ਅਤੇ ਟੀ.ਵੀ. ਚੈਨਲਾਂ ਨੇ ਵੀ ਇਸ ਦਾ ਬਹੁਤ ਢੰਡੋਰਾ ਪਿੱਟਿਆਲਗਦਾ ਸੀ ਕਿ ਇਹ ਜਾਦੂ ਦਾ ਖਿਡੌਣਾ ਉਨ੍ਹਾਂ ਨੂੰ ਮਸੀਂ ਕਿਤੇ ਲੱਭਾ ਸੀਉਂਝ ਤਾਂ ਕਈ ਹਿੰਦੂ ਕੁੜੀਆਂ ਨੇ ਮੁਸਲਮਾਨ ਬਣ ਕੇ ਮੁਸਲਮਾਨਾਂ ਨਾਲ ਵਿਆਹ ਵੀ ਰਚਾਏ ਸਨਇਸ ਗੱਲ ’ਤੇ ਚੈਨਲਾਂ ਵਾਲਿਆਂ ਨੇ ਮੋਨ ਧਾਰਿਆ ਹੋਇਆ ਸੀ, ਕਿਉਂਕਿ ਇਹ ਭਾਰਤ ਹੈ, ਜਿਸ ਵਿਚ ਹਿੰਦੂਆਂ ਦੀ ਮਨ ਮਰਜ਼ੀ ਚਲਦੀ ਹੈਇਸੇ ਤਰ੍ਹਾਂ ਅਕਸਰ ਪਾਕਿਸਤਾਨ ਵਿਚ ਵੀ ਹੁੰਦਾ ਹੈਜੇਕਰ ਉੱਥੇ ਕੋਈ ਹਿੰਦੂ ਮੁਸਲਮਾਨ ਬਣ ਜਾਵੇ, ਜਿਵੇਂ ਈਦ ਦਾ ਚੰਨ ਸਦੀਆਂ ਤੋਂ ਬਾਅਦ ਚੜ੍ਹਿਆ ਹੋਵੇ

ਪੈਨਸ਼ਨ ਲੱਗ ਜਾਣ ਤੋਂ ਬਾਅਦ, ਪਤਾ ਨਹੀਂ ਦੌਲਤ ਰਾਮ ਨੂੰ ਕੀ ਹੋਇਆ, ਉਹ ਮੁੜ ਕੇ ਦੌਲਤ ਖਾਨ ਬਣ ਗਿਆਇਹ ਗੱਲ ਤਾਂ ਸ਼ਹਿਰ ਵਿਚ ਅੱਗ ਦੇ ਗੋਲੇ ਵਾਂਗ ਫੈਲ ਗਈਕੱਟੜ ਹਿੰਦੂਆਂ ਨੇ ਅੱਤ ਹੀ ਚੁੱਕ ਲਈ, ਉਹ ਸਾਰੇ ਮੁਸਲਮਾਨ ਭਾਈਚਾਰੇ ਨੂੰ ਗਾਲਾਂ ਦੇਣ ਲੱਗੇਹਿੰਦੂਆਂ ਦਾ ਇਕ ਟੋਲਾ ਤਾਂ ਦੌਲਤ ਖਾਨ ਨੂੰ ਸਬਕ ਸਿਖਾਉਣ ਲਈ ਲੱਭਦਾ ਫਿਰਦਾ ਸੀਕਈਆਂ ਹਿੰਦੂਆਂ ਦਾ ਖਿਆਲ ਸੀ ਕਿ ਦੌਲਤ ਖਾਨ ਉਨ੍ਹਾਂ ਨੂੰ ਬੇਵਕੂਫ ਬਣਾ ਗਿਆਦੌਲਤ ਖਾਨ ਜੀਂਦਾ ਹੈ ਜਾਂ ਮਰਿਆ, ਇਸ ਦੀ ਕਿਸੇ ਨੂੰ ਪ੍ਰਵਾਹ ਨਹੀਂ ਸੀਹਿੰਦੂ ਤਾਂ ਇਹ ਵੀ ਕਹਿੰਦੇ ਸਨ ਕਿ ਉਸ ਨੂੰ ਮੁਸਲਮਾਨ ਭਾਈਚਾਰੇ ਨੇ ਹੀ ਲੁਕਾ ਕੇ ਰੱਖਿਆ ਹੋਇਆ ਹੈਮੁਸਲਮਾਨ ਭਾਈਚਾਰਾ, ਘੱਟ ਗਿਣਤੀ ਵਿਚ ਹੋਣ ਕਰਕੇ, ਡਰਿਆ ਅਤੇ ਸਹਿਮਿਆ ਹੋਇਆ ਸੀਸ਼ਹਿਰ ਦੇ ਕੋਨੇ ਕੋਨੇ ਵਿਚ ਦੌਲਤ ਖਾਨ ਦੀ ਹੀ ਗੱਲ ਹੋ ਰਹੀ ਸੀ, ਜਿਵੇਂ ਭਾਰਤ ਵਿਚ ਹੋਰ ਕੋਈ ਖ਼ਬਰ ਹੈ ਹੀ ਨਹੀਂ

ਗਰਮੀਆਂ ਦੇ ਦਿਨਾਂ ਕਰਕੇ ਲੋਕੀ ਸ਼ਾਮ ਨੂੰ ਇਕ ਪਾਰਕ ਵਿਚ ਟੋਲੀਆਂ ਬਣਾ ਕੇ ਬੈਠੇ ਸਨਉਨ੍ਹਾਂ ਦਾ ਵਿਸ਼ਾ ਵੀ ਦੌਲਤ ਖਾਨ ਹੀ ਸੀਇਕ ਟੋਲੇ ਵਿਚ ਬਜ਼ੁਰਗ ਸਤਨਾਮ ਸਿੰਘ ਕਹਿਣ ਲਗਾ, “ਹਿੰਦੂਆਂ ਨੇ ਤਾਂ ਅੱਤ ਹੀ ਚੁੱਕ ਲਈ ਹੈ, ਜਦ ਦਾ ਆਹ ਮੋਦੀ ਦਾ ਰਾਜ ਆਇਆ ਹੈ, ਬਾਕੀ ਧਰਮਾਂ ਵਾਲਿਆ ਦਾ ਜੀਉਣਾ ਹਰਾਮ ਕਰ ਦਿੱਤਾ ਹੈਪੁਲੀਸ ਵੀ ਇਨ੍ਹਾਂ ਦੀ ਪਿਠ ’ਤੇ ਹੈਜਿਸ ਨੂੰ ਚਾਹੁਣ ਕੁੱਟਦੇ ਮਾਰਦੇ ਹਨਇਨ੍ਹਾਂ ਨੂੰ ਕੋਈ ਪੁੱਛਣ ਵਾਲਾ ਹੀ ਨਹੀਂਗਾਂ ਮਰ ਜਾਏ ਤਾਂ ਆਫ਼ਤ ਖੜ੍ਹੀ ਕਰ ਦਿੰਦੇ ਹਨ, ਇਨਸਾਨ ਮਰ ਜਾਏ ਤਾਂ ਕੁੱਤੇ ਜਿੰਨੀ ਕਦਰ ਨਹੀਂ ਕਰਦੇਸ਼ਾਇਦ ਭਾਰਤ ਹੀ ਦੁਨੀਆਂ ਵਿਚ ਇਕ ਇਹੋ ਜਿਹਾ ਦੇਸ਼ ਹੈ ਜਿੱਥੇ ਪਸ਼ੂ ਦੀ ਕਦਰ ਇਨਸਾਨ ਨਾਲੋਂ ਜ਼ਿਆਦਾ ਹੈਜਦ ਦੌਲਤ ਖਾਨ ਦੌਲਤ ਰਾਮ ਬਣਿਆ ਸੀ, ਉਦੋਂ ਤਾਂ ਇਨ੍ਹਾਂ ਨੇ ਹਿੰਦੂ ਧਰਮ ਨੂੰ ਅਸਮਾਨ ’ਤੇ ਚੁੱਕ ਲਿਆ ਸੀ, ਜਦ ਉਹ ਮੁੜ ਕੇ ਖਾਨ ਬਣ ਗਿਆ ਹੈ, ਹਿੰਦੂ ਧਰਮ ਨੂੰ ਖ਼ਤਰਾ ਪੈਦਾ ਹੋ ਗਿਆ ਹੈ ਇਹ ਦੌਲਤ ਖਾਨ ਦੀ ਮਰਜ਼ੀ ਹੈ, ਉਹ ਚਾਹੇ ਹਿੰਦੂ ਬਣੇ ਜਾਂ ਮੁਸਲਮਾਨ, ਕਿਸੇ ਦਾ ਕੀ ਰੌਲਾ?।”

ਅੱਧਖੜ ਤਾਰਿਕ ਬੋਲਿਆ, “ਮੈਂ ਪਰਸੋਂ ਘਰ ਨੂੰ ਤੁਰਿਆ ਜਾਂਦਾ ਸੀ ਕਿ ਰਸਤੇ ਵਿਚ ਹਿੰਦੂਆਂ ਦੇ ਮੁੰਡੇ ਖੜ੍ਹੇ ਸਨਜਦ ਮੈਂ ਪਾਸ ਦੀ ਲੰਘਣ ਲੱਗਾ ਤਾਂ ਇਕ ਕਹਿਣ ਲੱਗਾ, “ਇਨ੍ਹਾਂ ਨੂੰ ਹੁਣ ਪਾਕਿਸਤਾਨ ਭੇਜਣਾ ਹੈ’ ਮੈਂ ਚੁੱਪ ਕਰਕੇ ਤੁਰਦਾ ਰਿਹਾਮੈਨੂੰ ਡਰ ਸੀ ਕਿ ਮੇਰੇ ਤੇ ਕਿਤੇ ਕੁੱਟਾਪਾ ਹੀ ਨਾ ਚਾੜ੍ਹ ਦੇਣ।”

ਬੁੱਢਾ ਭਗਤੂ ਬੋਲਿਆ, “ਇਹ ਤਾਂ ਹੁਣ ਸਾਨੂੰ ਦਲਿਤਾਂ ਨੂੰ ਵੀ ਨਹੀਂ ਜੀਣ ਦਿੰਦੇ, ਭਾਵੇਂ ਅਸੀਂ ਵੀ ਤਾਂ ਹਿੰਦੂ ਹੀ ਹਾਂਦਲਿਤ ਹਿੰਦੂ, ਮੁਸਲਮਾਨਾਂ ਦੇ ਰਾਜ ਵਿਚ, ਮੁਸਲਮਾਨ ਬਣ ਗਿਆ ਸੀ ਅਤੇ ਹੁਣ ਮੁੜ ਕੇ ਹਿੰਦੂ ਬਣ ਗਿਆ, ਕਿਹੜੀ ਵੱਡੀ ਗੱਲ ਹੋਈ? ਜਦ ਦਾ ਉਹ ਮੁੜ ਕੇ ਮੁਸਲਮਾਨ ਬਣ ਗਿਆ, ਸਾਰੇ ਮੁਸਲਮਾਨਾਂ ਦੀ ਜਾਨ ਜੋਖਮ ਵਿਚ ਪਾ ਦਿੱਤੀ ਹੈਹੈ ਤਾਂ ਉਹ ਇਨਸਾਨ ਹੀਕੱਟੜ ਹਿੰਦੂਆਂ ਨੇ ਲੋਕਾਂ ਨੂੰ ਸੂਲੀ ’ਤੇ ਟੰਗਿਆ ਹੋਇਆ ਹੈਮੈਨੂੰ ਤਾਂ ਭਾਸਦਾ ਹੈ ਕਿ ਮੋਦੀ ਦਾ ਨਹੀਂ, ਬ੍ਰਾਹਮਣ ਰਾਜ ਮੁੜ ਕੇ ਆ ਗਿਆ ਹੈ।”

ਰਿਟਾਇਰਡ ਮਾਸਟਰ ਰਾਮ ਲਾਲ, ਜੋ ਚੁੱਪ ਕਰਕੇ ਸੁਣਦਾ ਰਿਹਾ ਸੀ, ਬੋਲਿਆ, “ਜਦ ਭਾਰਤ ਅਜ਼ਾਦ ਹੋਇਆ ਸੀ, ਲੋਕਾਂ ਨੂੰ ਆਸ ਸੀ ਕਿ ਸਾਡਾ ਦੇਸ਼ ਵੀ ਵਿਕਸਿਤ ਦੇਸ਼ਾਂ ਦੀ ਤਰ੍ਹਾਂ ਤਰੱਕੀ ਕਰੇਗਾਹੋਇਆ ਇਹ ਹੈ ਕਿ ਗੋਰਿਆਂ ਦੀਆਂ ਕੁਰਸੀਆਂ ’ਤੇ ਕਾਲੇ ਬਾਬੂ ਬੈਠ ਗਏ ਅਤੇ ਇਨ੍ਹਾਂ ਕਾਲੇ ਬਾਬੂਆਂ ਨੇ ਤਾਂ ਲੋਕਾਂ ’ਤੇ ਜ਼ੁਲਮ ਕਰਨ ਅਤੇ ਲੁੱਟਣ ਵਿਚ ਗੋਰਿਆਂ ਨੂੰ ਵੀ ਮਾਤ ਪਾ ਦਿੱਤਾ ਹੈਇਨ੍ਹਾਂ ਨੇ ਵੱਢੀ ਨੂੰ ਜ਼ਿੰਦਗੀ ਦਾ ਹਿੱਸਾ ਬਣਾ ਦਿੱਤਾ ਹੈਇਨ੍ਹਾਂ ਦੇ ਭੁੱਖੇ ਢਿੱਡ ਭਰਦੇ ਹੀ ਨਹੀਂਅਮੀਰ ਗ਼ਰੀਬ ਦਾ ਪਾੜਾ ਕਈ ਗੁਣਾ ਵਧਾ ਦਿੱਤਾ ਹੈਮਜ਼ਦੂਰ ਮਜ਼ਦੂਰੀ ਕਰਕੇ ਆਪਣਾ ਢਿੱਡ ਨਹੀਂ ਭਰ ਸਕਦਾ, ਫਿਰ ਉਹ ਆਪਣੇ ਪਰਵਾਰ ਦਾ ਕਿਵੇਂ ਢਿੱਡ ਭਰ ਸਕਦਾ ਹੈ? ਮਜ਼ਦੂਰਾਂ ਦੇ ਹੱਕ ਖੋਹ ਲਏ ਹਨਲੋਕਾਂ ਨੂੰ ਪਾੜਨ ਲਈ ਫ਼ਿਰਕਾਪ੍ਰਸਤੀ ਨੂੰ ਧਰਮ ਬਣਾ ਦਿੱਤਾ ਹੈਰਹਿੰਦ ਖੂੰਦ ਬਾਬਿਆਂ, ਇਨ੍ਹਾਂ ਦੀਆਂ ਵੋਟ ਬੈਂਕਾਂ, ਨੇ ਪੂਰੀ ਕਰ ਦਿੱਤੀ ਹੈਅੱਜ ਭਾਰਤ ਵਿਚ ਇਨਸਾਨ ਦੀ ਪਹਿਚਾਣ ਉਸ ਦੇ ਫ਼ਿਰਕੇ ਅਤੇ ਜਾਤ ਨਾਲ ਬਣ ਗਈ ਹੈ ਨਾ ਕਿ ਉਸ ਦੇ ਚੰਗੇ ਮਾੜੇ ਕੰਮਾਂ ਕਰਕੇਦੌਲਤ ਦੀ ਪਹਿਚਾਣ, ਇਸ ਨਾਲ ਹੈ ਕਿ ਉਸ ਦੇ ਨਾਮ ਨਾਲ ਰਾਮ ਹੈ ਜਾਂ ਖਾਨਰਾਜ ਕਰਦੀਆਂ ਪਾਰਟੀਆਂ ਨੇ ਲੋਕਾਂ ਨੂੰ ਧਰਮਾਂ, ਜਾਤਾਂ ਅਤੇ ਫ਼ਿਰਕਿਆਂ ਵਿਚ ਵੰਡ ਦਿੱਤਾ ਹੈਸੱਚ ਪੁੱਛੋ ਤਾਂ ਮੈਂ ਕਈ ਵਾਰ ਇਹ ਸੋਚਦਾ ਹੁੰਦਾ ਕਿ ਜੇ ਅਜ਼ਾਦੀ ਲੈ ਕੇ ਇਹੀ ਕੁਛ ਮਿਲਣਾ ਸੀ, ਫਿਰ ਸਾਨੂੰ ਅਜ਼ਾਦੀ ਨਹੀਂ ਲੈਣੀ ਚਾਹੀਦੀ ਸੀਮੈਨੂੰ ਤਾਂ ਇਹ ਵੀ ਨਹੀਂ ਪਤਾ ਲਗਦਾ ਕਿ ਸਾਨੂੰ ਅਜ਼ਾਦੀ ਹੈ ਕਿਹੜੀ ਚੀਜ਼ ਦੀ? ਇੱਥੇ ਨਾ ਬੋਲਣ, ਨਾ ਖਾਣ, ਨਾ ਪੀਣ ਅਤੇ ਨਾ ਹੀ ਪਹਿਨਣ ਦੀ ਅਜ਼ਾਦੀ ਹੈਜੇ ਅਸੀਂ ਅਜ਼ਾਦੀ ਲੈਣੀ ਸੀ, ਤਾਂ ਸਾਨੂੰ ਸ਼ਹੀਦ ਭਗਤ ਸਿੰਘ ਵਰਗੇ ਇਮਾਨਦਾਰ ਅਤੇ ਸਮਝਦਾਰ ਆਗੂ ਚਾਹੀਦੇ ਸਨਸਾਨੂੰ ਇਨ੍ਹਾਂ ਆਪਣੇ ਲੋਟੂ ਅਤੇ ਜ਼ਾਲਮ ਬਾਬੂਆਂ ਤੋਂ ਦੁਬਾਰਾ ਅਜ਼ਾਦੀ ਲੈਣੀ ਪੈਣੀ ਹੈ, ਪਰ ਇਹ ਅੰਗਰੇਜ਼ਾਂ ਤੋਂ ਵੀ ਅਜ਼ਾਦੀ ਲੈਣ ਨਾਲੋਂ ਕਿਤੇ ਔਖਾ ਕੰਮ ਹੈਮੈਂ ਸੋਚਦਾ ਹਾਂ, ਟੁਕੜੀਆਂ ਵਿਚ ਵੰਡੇ ਹੋਏ ਅਤੇ ਫ਼ਿਰਕਾਪ੍ਰਸਤੀ ਦੀਆਂ ਐਨਕਾਂ ਲਾਈ ਬੈਠੇ ਲੋਕ ਇਨ੍ਹਾਂ ਲੁਟੇਰਿਆਂ ਨੂੰ ਕਿਸ ਤਰ੍ਹਾਂ ਪਹਿਚਾਨਣਗੇ? ਸਾਨੂੰ ਅੰਗਰੇਜ਼ ਦੁਸ਼ਮਣ ਨੂੰ ਪਹਿਚਾਨਣਾ ਸੌਖਾ ਸੀ, ਕਿਉਂਕਿ ਉਸ ਦਾ ਰੰਗ, ਬੋਲ ਚਾਲ ਵੱਖਰੀ ਸੀਮੋਦੀ ਤਾਂ ਕਾਂਗਰਸ ਨੂੰ ਵੀ ਮਾਤ ਪਾ ਗਿਆਉਸ ਨੇ ਅਮੀਰਾਂ ਨੂੰ ਮਜ਼ਦੂਰਾਂ ਦਾ ਖ਼ੂਨ ਚੂਸਣ ਅਤੇ ਭਾਰਤ ਦੀਆਂ ਖਾਣਾਂ ਨੂੰ ਲੁੱਟਣ ਦੀ ਪੂਰੀ ਖੁੱਲ੍ਹ ਦੇ ਦਿੱਤੀ ਹੈਭਾਰਤ ਦੇ 75% ਲੋਕ ਗ਼ਰੀਬੀ ਦਾ ਨਰਕ ਭੋਗ ਰਹੇ ਹਨਭਾਰਤ ਵਿਚ ਔਰਤਾਂ ਦੁਨੀਆਂ ਵਿਚ ਸਭ ਤੋਂ ਜ਼ਿਆਦਾ ਅਸੁਰੱਖਿਅਤ ਹਨਉੱਧਰ ਮੋਦੀ ਹੈ ਕਿ ਭਾਰਤ ਵਿਚ ਤਰੱਕੀਆਂ ਦੀਆਂ ਸਿਫ਼ਤਾਂ ਕਰਦਾ ਥੱਕਦਾ ਨਹੀਂ ਅਤੇ ਨਾਲ ਹੀ ਭਾਰਤ ਨੂੰ ਹਿੰਦੂ ਰਾਸ਼ਟਰ ਬਣਾਉਣ ਦਾ ਰਾਗ ਅਲਾਪੀ ਜਾ ਰਿਹਾ ਹੈਜਿਸ ਤਰ੍ਹਾਂ ਪਾਕਿਸਤਾਨ ਨੂੰ ਜ਼ੀਆ ਨੇ ਇਸਲਾਮ ਨੂੰ ਠੋਕ ਕੇ ਤਬਾਹ ਕੀਤਾ ਹੈ, ਇਸੇ ਤਰ੍ਹਾਂ ਮੋਦੀ ਵੀ ਲੋਕਾਂ ਉੱਤੇ ਹਿੰਦੂ ਧਰਮ ਨੂੰ ਥੋਪ ਕੇ ਭਾਰਤ ਨੂੰ ਤਬਾਹ ਕਰ ਰਿਹਾ ਹੈਹਿੰਦੂ ਧਰਮ ਨੇ ਪਹਿਲਾਂ ਵੀ, ਲੋਕਾਂ ਨੂੰ ਜਾਤਾਂ ਪਾਤਾਂ ਵਿਚ ਵੰਡ ਕੇ, ਵਿਦੇਸ਼ੀਆਂ ਦਾ ਭਾਰਤ ਤੇ ਹਜ਼ਾਰਾਂ ਸਾਲ ਰਾਜ ਕਰਾਇਆ ਸੀਜ਼ਾਹਿਰ ਹੈ ਮੋਦੀ ਫਿਰ ਲੋਕਾਂ ਵਿਚ ਵੰਡੀਆਂ ਪਾਉਣ ਵਾਲੇ ਪੁਰਾਣੇ ਰਾਹ ’ਤੇ ਤੁਰ ਪਿਆ ਹੈ।”

*****

(1372)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.om)

About the Author

ਜਗਤਾਰ ਸਹੋਤਾ

ਜਗਤਾਰ ਸਹੋਤਾ

Bradford, West Yorkshire, England.
Phone: (44 - 77615 - 01561)
Email: (sahotajagtar@yahoo.co.uk)