SatpalSDeol7“ਇਮਾਨਦਾਰ ਤੇ ਯੋਗ ਅਫਸਰਾਂ ਨੂੰ ਵੀ ਕਾਨੂੰਨ ਲਾਗੂ ਕਰਨ ਤੋਂ ਜਾਂ ਤਾਂ ਰੋਕਿਆ ਜਾਂਦਾ ਹੈ ...”
(13 ਜੁਲਾਈ 2020)

 

ਸਾਡੇ ਦੇਸ਼ ਵਿੱਚ ਹਰ ਸਰਕਾਰ ਅਮਨ ਕਾਨੂੰਨ ਦੀ ਪਾਲਣਾ ਦਾ ਵਾਅਦਾ ਕਰਕੇ ਸੱਤਾ ਵਿੱਚ ਆਉਂਦੀ ਹੈਕਈ ਵਾਰ ਅਪਰਾਧੀ ਗਤੀਵਿਧੀਆਂ ਵਾਲੇ ਲੋਕਾਂ ਅਤੇ ਇਮਾਨਦਾਰ ਅਫਸਰਾਂ ਵੱਲੋਂ ਕਾਰਵਾਈ ਕੀਤੀ ਵੀ ਜਾਂਦੀ ਹੈ ਪਰ ਅਪਰਾਧੀਆਂ ਅਤੇ ਸਿਆਸਤ ਦਾ ਗੱਠਜੋੜ ਇਮਾਨਦਾਰ ਅਫਸਰਾਂ ਨੂੰ ਲਾਂਭੇ ਕਰ ਕੇ ਅਜਿਹੀ ਕਾਰਵਾਈ ਹੋਣ ਨਹੀਂ ਦਿੰਦਾਸਰਕਾਰਾਂ ਨੇ ਲੋਕਾਂ ਨੂੰ ਮੁਢਲੀਆਂ ਜਰੂਰਤਾਂ ਲਈ ਹੀ ਪੰਗੂ ਬਣਾ ਛੱਡਿਆ ਹੈ, ਜਿਸ ਕਾਰਨ ਉਹ ਵੋਟ ਵੀ ਛੋਟੀਆਂ ਛੋਟੀਆਂ ਸਮੱਸਿਆਵਾਂ ਦੇ ਹੱਲ ਬਦਲੇ ਦੇ ਦਿੰਦੇ ਹਨਇਸ ਨਾਲ ਹੀ ਉਪਰੋਕਤ ਅਪਰਾਧਿਕ ਗੱਠਜੋੜ ਲਈ ਜ਼ਮੀਨ ਉਪਲਬਧ ਹੁੰਦੀ ਹੈਪੁਲਿਸ ਦਾ ਪ੍ਰਬੰਧ ਸਿਆਸੀ ਪਾਰਟੀਆਂ ਦੇ ਅਧੀਨ ਹੋ ਕੇ ਰਹਿ ਗਿਆ ਹੈ ਜਿਸ ਕਾਰਨ ਇਮਾਨਦਾਰ ਤੇ ਯੋਗ ਅਫਸਰਾਂ ਨੂੰ ਵੀ ਕਾਨੂੰਨ ਲਾਗੂ ਕਰਨ ਤੋਂ ਜਾਂ ਤਾਂ ਰੋਕਿਆ ਜਾਂਦਾ ਹੈ ਅਤੇ ਜਾਂ ਫਿਰ ਅਪਰਾਧੀਆਂ ਨੂੰ ਬਚਾਉਣ ਲਈ ਤਬਾਦਲੇ ਤਕ ਕਰ ਦਿੱਤੇ ਜਾਂਦੇ ਹਨਇੱਕ ਅਪਰਾਧਿਕ ਮਨੋਬ੍ਰਿਤੀ ਵਾਲੇ ਵਿਅਕਤੀ ਦੇ ਆਖੇ ਪੁਲਿਸ ਅਧਿਕਾਰੀ ਦਾ ਤਬਾਦਲਾ ਹੋ ਜਾਵੇ, ਇਸ ਤੋਂ ਸ਼ਰਮਨਾਕ ਗੱਲ ਕਾਨੂੰਨ ਘਾੜਿਆਂ ਅਤੇ ਲਾਗੂ ਕਰਨ ਵਾਲਿਆਂ ਵਾਸਤੇ ਕੋਈ ਨਹੀਂ ਹੋ ਸਕਦੀ

ਥੋੜ੍ਹਾ ਸਮਾਂ ਪਹਿਲਾਂ ਉੱਤਰ ਪ੍ਰਦੇਸ਼ ਦੇ ਇੱਕ ਸਿਆਸੀ ਸ਼ਰਨ ਪ੍ਰਾਪਤ ਬਦਮਾਸ਼ ਨੇ ਉੱਥੋਂ ਦੀ ਪੁਲਿਸ ਦੇ ਅੱਠ ਅਧਿਕਾਰੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਜਿਸਦਾ ਰੌਲਾ ਅਜਿਹੇ ਘਿਨਾਉਣੇ ਕਾਰੇ ਤੋਂ ਬਾਅਦ ਪੂਰੇ ਦੇਸ਼ ਵਿੱਚ ਪਿਆਅਜਿਹੀ ਦਿਲ ਵਧੀ ਉਸ ਵਿਅਕਤੀ ਵੱਲੋਂ ਇੱਕ ਦਿਨ ਵਿੱਚ ਨਹੀਂ ਕੀਤੀ ਗਈਉਸ ਨੇ ਇਸ ਅਪਰਾਧ ਤੋਂ ਪਹਿਲਾਂ ਵੀ ਬਹੁਤ ਘਿਨਾਉਣੇ ਅਪਰਾਧ ਕੀਤੇ ਹਨਜਿਵੇਂ ਕਿ ਕਹਿੰਦੇ ਹਨ ਕਿ ‘ਆਪਣੇ ਲੱਗੇ ਅੱਗ ਤੇ ਦੂਜੇ ਦੇ ਬਸੰਤਰ’ ਵਾਂਗ ਪੁਲਿਸ ਨੂੰ ਇਹ ਅਪਰਾਧੀ ਉਸ ਵਕਤ ਨਜ਼ਰ ਆਇਆ ਜਦੋਂ ਉਸ ਨੇ ਪੁਲਿਸ ਅਧਿਕਾਰੀ ਮਾਰ ਮੁਕਾਏਜਿਸ ਬਦਮਾਸ਼ ’ਤੇ ਢੇਰ ਸਾਰੇ ਮੁਕੱਦਮੇ ਪੂਰੇ ਸੂਬੇ ਵਿੱਚ ਦਰਜ ਹੋਣ ਤੇ ਕਾਰਵਾਈ ਦੇ ਨਾਮ ’ਤੇ ਕੁਝ ਨਾ ਕੀਤਾ ਗਿਆ ਹੋਵੇ, ਆਖਿਰ ਉਸ ਨੇ ਇੱਕ ਦਿਨ ਇਹ ਕੰਮ ਕਰਨਾ ਹੀ ਸੀਕਤਲ, ਡਕੈਤੀ, ਕੁੱਟਮਾਰ, ਅਪਹਰਣ, ਅਜਿਹੇ ਕੰਮ ਉਸ ਨੇ ਆਪਣੀ ਨਿੱਜੀ ਸੈਨਾ ਬਣਾ ਕੇ ਅੰਜਾਮ ਦਿੱਤੇਸਿਆਸੀ ਰੂਪ ਵਿੱਚ ਉਹ ਸੱਤਾਧਾਰੀ ਪਾਰਟੀ ਨਾਲ ਸੰਬੰਧ ਬਣਾ ਚੁੱਕਾ ਸੀ ਜਿਸ ਕਾਰਨ ਜਾਂ ਤਾਂ ਉਸ ਖਿਲਾਫ ਮੁਕੱਦਮਾ ਦਰਜ ਹੀ ਨਹੀਂ ਹੁੰਦਾ ਸੀ ਪਰ ਜੇ ਹੋ ਜਾਂਦਾ ਸੀ ਤਾਂ ਚਾਰਜ ਸ਼ੀਟ ਨਹੀਂ ਹੁੰਦਾ ਸੀ ਆਖਿਰ ਜੇ ਅਜਿਹਾ ਵੀ ਹੋ ਜਾਂਦਾ ਤਾਂ ਕਮਜ਼ੋਰ ਕੇਸ ਹੋਣ ਕਾਰਨ ਜ਼ਮਾਨਤ ’ਤੇ ਛੱਡ ਦਿੱਤਾ ਜਾਂਦਾਉਸ ਪਾਸ ਏ ਕੇ ਸੰਤਾਲੀ ਵਰਗੇ ਹਥਿਆਰ ਸਨ ਜਿਸ ਨਾਲ ਉਸ ਨੇ ਪੂਰੇ ਕਤਲੇਆਮ ਨੂੰ ਅੰਜਾਮ ਦਿੱਤਾਇਸ ਅਪਰਾਧੀ ਵੱਲੋਂ ਕੀਤੇ ਕਾਰੇ ਤੋਂ ਸਰਕਾਰ ਨੂੰ ਅਤੇ ਸਿਆਸੀ ਪਾਰਟੀਆਂ ਨੂੰ ਸਬਕ ਲੈਣਾ ਚਾਹੀਦਾ ਹੈ ਕਿ ਜਿਹੜੇ ਸੱਪਾਂ ਨੂੰ ਉਹ ਦੁੱਧ ਪਿਆ ਰਹੇ ਹਨ ਉਹ ਆਖਿਰ ਉਹਨਾਂ ਨੂੰ ਵੀ ਡੰਗਣਗੇ

ਗੈਂਗਸਟਰ ਹਮੇਸ਼ਾ ਸਰਕਾਰ ਬਦਲਣ ’ਤੇ ਹੀ ਆਪਣੀ ਪਾਰਟੀ ਬਦਲ ਕੇ ਸੱਤਾਧਾਰੀ ਪਾਰਟੀ ਨਾਲ ਹੋ ਤੁਰਦੇ ਹਨਸਾਡੇ ਆਪਣੇ ਸੂਬੇ ਪੰਜਾਬ ਵਿੱਚ ਇਸਦੀਆਂ ਬਹੁਤ ਉਦਾਹਰਨਾਂ ਹਨ ਇਸਦਾ ਵੱਡਾ ਕਾਰਨ ਪੁਲਿਸ ਕਾਰਵਾਈ ਤੋਂ ਬਚਣਾ ਤੇ ਅਪਰਾਧਿਕ ਗਤੀਵਿਧੀਆਂ ਬੇਰੋਕਟੋਕ ਚਲਾਉਣਾ ਹੁੰਦਾ ਹੈਕਰੀ ਵਾਰ ਅਖਬਾਰਾਂ ਵਿੱਚ ਸਿਆਸੀ ਨੇਤਾਵਾਂ ਦੇ ਨਾਲ ਉਹਨਾਂ ਦੀਆਂ ਫੋਟੋਆਂ ਛਪਦੀਆਂ ਹਨ ਪਰ ਇਹ ਉਦੋਂ ਹੀ ਸਾਹਮਣੇ ਆਉਂਦਾ ਹੈ ਜਦੋਂ ਉੱਤਰ ਪ੍ਰਦੇਸ਼ ਵਾਂਗ ਕੋਈ ਵੱਡਾ ਅਪਰਾਧ ਹੋ ਜਾਵੇ ਜਾਂ ਫਿਰ ਸਰਕਾਰ ਬਦਲ ਜਾਵੇਸਰਕਾਰ ਬਦਲਣ ਤੋਂ ਕੁਝ ਦਿਨਾਂ ਬਾਅਦ ਪਿਛਲੀ ਸਰਕਾਰ ਦੇ ਨੇਤਾਵਾਂ ਨਾਲ ਸੰਬੰਧ ਹੋਣ ਦੀ ਗੱਲ ਉਛਲਦੀ ਹੈ ਫਿਰ ਅੰਦਰਲੀਆਂ ਸਫਾਂ ਵਿੱਚ ਉਹ ਗੈਂਗਸਟਰ ਰੂਲਿੰਗ ਪਾਰਟੀ ਨਾਲ ਰਲ ਜਾਂਦਾ ਹੈ ਤੇ ਬੇਰੋਕਟੋਕ ਆਪਣੀਆਂ ਕਾਰਵਾਈਆਂ ਅੰਜਾਮ ਦਿੰਦਾ ਹੈ ਲੋਕਾਂ ਕੋਲ ਅਗਲੀਆਂ ਚੋਣਾਂ ਉਡੀਕਣ ਤੋਂ ਬਿਨਾਂ ਹੋਰ ਕੋਈ ਹੱਲ ਨਹੀਂ ਹੁੰਦਾ ਇਹ ਸਭ ਕੁਝ ਅਗਲੀ ਵਾਰ ਫਿਰ ਦੁਹਰਾ ਲਿਆ ਜਾਂਦਾ ਹੈਆਮ ਲੋਕਾਂ ਦੀਆਂ ਸਮੱਸਿਆਵਾਂ ਲਈ ਨੇਤਾਵਾਂ ਕੋਲ ਬੇਸ਼ਕ ਵਕਤ ਨਾ ਹੋਵੇ ਪਰ ਇਹਨਾਂ ਲੋਕਾਂ ਲਈ ਬੜੀ ਛੇਤੀ ਸਭ ਕੁਝ ਉਪਲਬਧ ਹੋ ਜਾਂਦਾ ਹੈ

ਅਜੋਕੇ ਹਾਲਾਤ ਇਹ ਹਨ ਕਿ ਹਰ ਅਪਰਾਧੀ ਆਪਣੀ ਸਿਆਸੀ ਪਹੁੰਚ ਰੱਖਦਾ ਹੈ ਕਰੀਬ ਪੰਦਰਾਂ ਸਾਲ ਪਹਿਲਾਂ ਮੇਰੇ ਪਾਸ ਬਚਾਅ ਪੱਖ ਦੀ ਪੈਰਵੀ ਲਈ ਲਗਜ਼ਰੀ ਗੱਡੀਆਂ ਦੀ ਚੋਰੀ ਦਾ ਕੇਸ ਆਇਆਕਰੀਬ ਵੀਹ ਦੇ ਕਰੀਬ ਲਗਜ਼ਰੀ ਗੱਡੀਆਂ ਪੁਲਿਸ ਨੇ ਬਰਾਮਦ ਕੀਤੀਆਂ ਸਨ, ਜਿਨ੍ਹਾਂ ਦੇ ਪੰਜੀਕਰਨ ਵੀ ਫਰਜ਼ੀ ਜ਼ਾਹਰ ਕੀਤੇ ਗਏ ਸਨ। ਪਰ ਉਹਨਾਂ ਗੱਡੀਆਂ ਨੂੰ ਕਿਸੇ ਨੇ ਵੀ ਕਲੇਮ ਨਹੀਂ ਕੀਤਾ, ਨਾ ਹੀ ਇਹ ਸਾਬਤ ਹੋਇਆ ਕਿ ਗੱਡੀਆਂ ਚੋਰੀ ਦੀਆਂ ਹਨ ਨਾ ਪੁਲਿਸ ਵੱਲੋਂ ਗੱਡੀਆਂ ਦੇ ਮਾਲਕ ਲੱਭਣ ਦੀ ਕੋਸ਼ਿਸ਼ ਕੀਤੀ ਗਈਕਿਧਰੇ ਵੀ ਇਹਨਾਂ ਗੱਡੀਆਂ ਦੇ ਚੋਰੀ ਹੋਣ ਸੰਬੰਧੀ ਕੋਈ ਮੁਕੱਦਮਾ ਦਰਜ ਨਹੀਂ ਸੀਇੱਥੋਂ ਤਕ ਕਿ ਪੰਜੀਕਰਨ ਫਰਜ਼ੀ ਦਸਤਾਵੇਜ਼ਾਂ ’ਤੇ ਕਰਾਇਆ ਹੈ, ਇਹ ਵੀ ਸਾਬਤ ਨਹੀਂ ਹੋਇਆਦੋਸ਼ੀ ਦੋਸ਼ ਮੁਕਤ ਹੋ ਗਏ ਇਹ ਸਭ ਦੋਸ਼ੀਆਂ ਦੇ ਸਿਆਸੀ ਗੱਠਜੋੜ ਦਾ ਨਤੀਜਾ ਸੀ ਬਾਅਦ ਵਿੱਚ ਉਹਨਾਂ ਗੱਡੀਆਂ ਨੂੰ ਕਈ ਚੋਣਾਂ ਵਿੱਚ ਭੱਜਦਿਆਂ ਦੇਖਣਾ ਇਸ ਗੱਲ ਦਾ ਪ੍ਰਤੱਖ ਸਬੂਤ ਸੀਉਸੇ ਦੋਸ਼ੀ ਦੇ ਖਿਲਾਫ ਉੱਤਰ ਭਾਰਤ ਦੇ ਕਈ ਸੂਬਿਆਂ ਵਿੱਚ ਅਜਿਹੇ ਢੇਰ ਸਾਰੇ ਮੁਕੱਦਮੇ ਦਰਜ ਸਨਅਜਿਹੀਆਂ ਵਾਰਦਾਤਾਂ ਤੋਂ ਬਹੁਤ ਸਾਰੀ ਜਾਇਦਾਦ ਦੋਸ਼ੀ ਵੱਲੋਂ ਬਣਾਈ ਜਾ ਚੁੱਕੀ ਸੀਉਸ ਅਪਰਾਧੀ ਵੱਲੋਂ ਮੈਂਨੂੰ ਵੀ ਲਗਜ਼ਰੀ ਗੱਡੀ ਆਫਰ ਕੀਤੀ ਗਈਦਲੀਲ ਇਹ ਦਿੱਤੀ ਗਈ ਕਿ ਤੁਹਾਨੂੰ ਤਾਂ ਪਤਾ ਹੈ ਕਿਹੜਾ ਇਹਨਾਂ ਕੇਸਾਂ ਵਿੱਚ ਕੁਝ ਹੁੰਦਾਮੇਰਾ ਜਵਾਬ ਸੀ ਕਿ ਜੇਕਰ ਤੂੰ ਦੋ ਚਾਰ ਵਾਰਦਾਤਾਂ ਅਜਿਹੀਆਂ ਕਰ ਲਈਆਂ ਤਾਂ ਮੇਰੀ ਗੱਡੀ ਤਾਂ ਆਪੇ ਲਾਈਨ ’ਤੇ ਆ ਜਾਊਵੈਸੇ ਵੀ ਮੈਂ ਪੇਸ਼ੇ ਵਜੋਂ ਵਕੀਲ ਹਾਂ ਤੇਰੀਆਂ ਅਪਰਾਧਿਕ ਗਤੀਵਿਧੀਆਂ ਦਾ ਹਿੱਸਾ ਮੈਂ ਨਹੀਂ ਬਣ ਸਕਦਾਹਾਂ, ਇਹ ਜ਼ਰੂਰ ਹੈ ਕਿ ਅਪਰਾਧੀ ਵੱਲੋਂ ਪੇਸ਼ ਹੋਣਾ ਮੇਰਾ ਪੇਸ਼ਾ ਹੈ, ਬਦਲੇ ਵਿੱਚ ਮੈਂਨੂੰ ਫੀਸ ਚਾਰਜ ਕਰਨ ਦਾ ਹੱਕ ਹਾਸਲ ਹੈ

ਉਪਰੋਕਤ ਗੱਠਜੋੜ ਨੂੰ ਅਪਰਾਧਿਕ ਗਠਜੋੜ ਕਿਹਾ ਸਕਦਾ ਹੈ, ਜਿਸ ਲਈ ਸਿਆਸਤਦਾਨ, ਗੈਂਗਸਟਰ ਅਤੇ ਪੁਲਿਸ, ਤਿੰਨੋ ਹੀ ਬਰਾਬਰ ਦੇ ਜ਼ਿੰਮੇਵਾਰ ਹਨਜੇਕਰ ਇਸ ਨੂੰ ਨੱਥ ਨਾ ਪਾਈ ਗਈ ਭਵਿੱਖ ਵਿੱਚ ਇਹ ਗੱਠਜੋੜ ਲੋਕਾਂ ਵਾਸਤੇ ਆਫਤ ਲੈ ਕੇ ਆਵੇਗਾ

*****

 

ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(2249)

(ਸਰੋਕਾਰ ਨਾਲ ਸੰਪਰਕ ਲਈ: This email address is being protected from spambots. You need JavaScript enabled to view it.gmail.com)

About the Author

ਸਤਪਾਲ ਸਿੰਘ ਦਿਓਲ

ਸਤਪਾਲ ਸਿੰਘ ਦਿਓਲ

Advocate (Sardulgarh, Mansa, Punjab, India.)
Phone: (91 - 98781 - 70771)

Email: (satpal.deol0@gmail.com)

More articles from this author