GursharanKMoga7ਲੜਾਈ ਝਗੜੇ ਦੀਆਂ ਖ਼ਬਰਾਂ ਸੁਣ ਕੇ ਮੈਂਨੂੰ ਦੋਹਾਂ ਰਾਜਾਂ ਦੀ ਮਾਨਸਿਕਤਾ ...
(2 ਮਈ 2020)

 

ਮੈਂ ਇਸ ਸਮੇਂ ਕੇਰਲਾ ਰਾਜ ਦੀ ਰਾਜਧਾਨੀ ਤਿਰੂਵਨੰਤਪੁਰਮ ਵਿਖੇ ਆਪਣੇ ਵੱਡੇ ਬੇਟੇ ਕੋਲ ਹਾਂਮੇਰੀ ਤੇਈ ਮਾਰਚ ਦੀ ਚੰਡੀਗੜ੍ਹ ਵਾਪਸੀ ਦੀ ਫਲਾਈਟ ਪੰਜਾਬ ਸਰਕਾਰ ਵੱਲੋਂ ਕਾਹਲੀ ਵਿੱਚ ਐਲਾਨੇ ਕਰਫਿਊ ਕਰਕੇ ਏਅਰਲਾਈਨ ਨੇ ਮੌਕੇ ’ਤੇ ਰੱਦ ਕਰ ਦਿੱਤੀਟਿਕਟ ਦੇ ਦਸ ਹਜ਼ਾਰ ਰੁਪਏ ਵੀ ਏਅਰਲਾਈਨ ਨੇ ਨਹੀਂ ਵਾਪਸ ਕੀਤੇਪੱਚੀ ਮਾਰਚ ਤੋਂ ਦੇਸ਼ ਵਿੱਚ ਲਾਕਡਾਊਨ ਕਰ ਦਿੱਤਾ ਗਿਆਜੋ ਕੋਈ ਵੀ ਜਿੱਥੇ ਸੀ ਉੱਥੋਂ ਜੋਗਾ ਹੀ ਰਹਿ ਗਿਆਭਿਆਨਕ ਕੋਵਿਡ-19 ਮਹਾਮਾਰੀ ਨੂੰ ਫੈਲਣ ਤੋਂ ਰੋਕਣ ਲਈ ਸਰਕਾਰ ਨੇ ਜ਼ਰੂਰੀ ਕਦਮ ਉਠਾਉਣੇ ਹੀ ਸਨ ਪਰ ਕਿੰਨਾ ਚੰਗਾ ਹੁੰਦਾ ਜੇ ਲੋਕਾਂ ਨੂੰ ਘਰੋ ਘਰੀ ਪਹੁੰਚਣ ਲਈ ਇੱਕ ਦੋ ਦਿਨਾਂ ਦੀ ਮੋਹਲਤ ਦੇ ਦਿੱਤੀ ਜਾਂਦੀਲੋਕਾਂ ਨੂੰ ਭਰੋਸੇ ਵਿੱਚ ਲਿਆ ਜਾਂਦਾ ਤਾਂ ਸ਼ਾਇਦ ਹੁਕਮਾਂ ਦੀ ਪਾਲਣਾ ਸੌਖੇ ਢੰਗ ਨਾਲ ਹੋ ਜਾਂਦੀ

ਇਸ ਸਮੇਂ ਘਰੇ ਘਰਦਿਆਂ ਨੂੰ ਰੋਟੀ ਦਾ ਔਖਾ ਹੋਇਆ ਪਿਆ ਹੈ, ਬਾਹਰ ਰਹਿ ਗਏ ਫਿਕਰਾਂ ਵਿੱਚ ਗਲਤਾਨ ਹਨਚੌਦਾਂ ਅਪ੍ਰੈਲ ਦੀ ਉਡੀਕ ਕੀਤੀ ਕਿ ਕੋਈ ਰਾਹਤ ਮਿਲੇਗੀ ਪਰ ਉਡੀਕ ਤਿੰਨ ਮਈ ਤਕ ਲੰਮੀ ਹੋ ਗਈਖ਼ੈਰ, ਜੋ ਕੁਝ ਵੀ ਹੋਇਆ ਵੱਸੋਂ ਬਾਹਰ ਹੈਨਾ ਮੇਰੀ ਕਿਸੇ ਸਰਕਾਰ ਤਕ ਪਹੁੰਚ ਹੈ ਅਤੇ ਕਰੋਨਾ ਵਾਇਰਸ ਤਾਂ ਹੈ ਹੀ ਨਹਿਸ਼ਹੁਣ ਤਾਂ ਸਿਰਫ਼ ‘ਦੜ ਵੱਟ ਜ਼ਮਾਨਾ ਕੱਟ ਭਲੇ ਦਿਨ ਆਉਣਗੇ’ ਬਾਰੇ ਹੀ ਸੋਚੀਦਾ ਹੈਔਨਲਾਈਨ ਪੰਜਾਬੀ ਅਖ਼ਬਾਰਾਂ ਪੜ੍ਹ ਕੇ ਪੰਜਾਬ ਨਾਲ ਜੁੜੇ ਰਹੀਦਾ ਹੈ ਅਤੇ ‘ਦਾ ਹਿੰਦੂ’ ਅਖਬਾਰ ਕੇਰਲਾ ਅਤੇ ਆਸ ਪਾਸ ਦੀਆਂ ਖ਼ਬਰਾਂ ਸੁਣਾ ਦਿੰਦਾ ਹੈ

ਜਦੋਂ ਮੈਂ ਮਲਟੀ ਸਟੋਰੀ ਬਿਲਡਿੰਗ ਦੀ ਬਾਲਕੋਨੀ ਵਿੱਚ ਬੈਠ ਕੇ ਅੱਗਿਉਂ ਲੰਘਦੀ ਸੜਕ ਤੇ ਆਉਂਦੇ ਜਾਂਦੇ ਮਲਿਆਲੀ ਲੋਕ ਅਤੇ ਉਨ੍ਹਾਂ ਦੇ ਵਾਹਨ ਦੇਖਦੀ ਹਾਂ ਤਾਂ ਉਹ ਰਾਜ ਸਰਕਾਰ ਦੀ ਦਰਿਆਦਿਲੀ ਦਾ ਸਬੂਤ ਦਿੰਦੇ ਹਨ ਇੱਥੋਂ ਦੀ ਸਰਕਾਰ ਨੇ ਰਾਜ ਵਿੱਚ ਕਰਫਿਊ ਨਹੀਂ ਲਾਇਆਲਾਕਡਾਊਨ ਇੱਥੇ ਵੀ ਹੈ, ਲੋਕਾਂ ਨੂੰ ਘਰਾਂ ਵਿੱਚ ਹੀ ਰਹਿਣ ਦੀਆਂ ਹਦਾਇਤਾਂ ਹਨਸਕੂਲ, ਦਫਤਰ ਅਤੇ ਹੋਰ ਅਦਾਰੇ ਬੰਦ ਹਨ ਪਰ ਰਾਜ ਵਿੱਚ ਜ਼ਿੰਦਗੀ ਅਜੇ ਵੀ ਧੜਕਦੀ ਹੈਲੋਕ ਜ਼ਰੂਰੀ ਕੰਮਾਂ ਲਈ ਜਿਵੇਂ ਰਾਸ਼ਨ, ਸਬਜ਼ੀਆਂ, ਫਲ ਆਦਿ ਖਰੀਦਣ ਲਈ ਬਾਜ਼ਾਰ ਜਾ ਸਕਦੇ ਹਨਪੁਲੀਸ ਗਸ਼ਤ ਕਰ ਰਹੀ ਹੈ ਪਰ ਲੋਕਾਂ ਵਿੱਚ ਕੋਈ ਦਹਿਸ਼ਤ ਨਹੀਂ ਹੈਪੁਲੀਸ ਦੇ ਆਦਮੀ ਲੋਕਾਂ ਤੋਂ ਬਾਹਰ ਨਿਕਲਣ ਦਾ ਕਾਰਨ ਪੁੱਛ ਕੇ ਉਸ ਨੂੰ ਜਾਣ ਦੇ ਦਿੰਦੇ ਹਨਉਹਨਾਂ ਦਾ ਵਿਵਹਾਰ ਚੰਗਾ ਹੁੰਦਾ ਹੈ

ਬਿੱਗ ਬਾਜ਼ਾਰ, ਪੋਥੀਜ਼, ਮੋਰ ਅਤੇ ਰਿਲਾਇੰਸ ਫ਼ਰੈਸ਼ ਵਰਗੀਆਂ ਸੁਪਰ ਮਾਰਕੀਟ ਅਤੇ ਹੋਰ ਲੋੜੀਂਦੇ ਸਮਾਨ ਦੀਆਂ ਦੁਕਾਨਾਂ ਸਭ ਖੁੱਲ੍ਹੀਆਂ ਹਨ, ਜਿੱਥੇ ਜਾ ਕੇ ਲੋਕ ਅੱਠ ਦਸ ਦਿਨ ਦੀ ਲੋੜ ਦਾ ਸਮਾਨ ਲੈ ਆਉਂਦੇ ਹਨਉਹ ਘਰਾਂ ਵਿੱਚ ਵੀ ਸਪਲਾਈ ਕਰ ਦਿੰਦੇ ਹਨ ਪਰ ਸਰਕਾਰ ਨੂੰ ਲੋਕਾਂ ਦੇ ਜ਼ਰੂਰੀ ਕੰਮ ਲਈ ਬਾਜ਼ਾਰ ਜਾਣ ’ਤੇ ਕੋਈ ਇਤਰਾਜ਼ ਨਹੀਂਲੋਕ ਵੀ ਸਰਕਾਰ ਦੇ ਹੁਕਮਾਂ ਦੀ ਇੰਨ ਬਿੰਨ ਪਾਲਣਾ ਕਰਦੇ ਹਨਹਰੇਕ ਵਿਅਕਤੀ ਦੇ ਮੂੰਹ ਉੱਤੇ ਮਾਸਕ ਬੰਨ੍ਹਿਆ ਹੁੰਦਾ ਹੈਖਰੀਦਦਾਰੀ ਕਰਨ ਵੇਲੇ ਇੱਕ ਦੂਜੇ ਤੋਂ ਇੱਕ ਮੀਟਰ ਦੀ ਵਿੱਥ ਤੇ ਲਾਈਨ ਵਿੱਚ ਖੜ੍ਹਦੇ ਹਨ ਬੇਮਤਲਬ ਸੜਕਾਂ ਉੱਤੇ ਨਹੀਂ ਘੁੰਮਦੇ ਅਤੇ ਸੜਕ ਤੇ ਚੁੱਪਚਾਪ ਚੱਲਦੇ ਹਨਪੰਜਾਬ ਵੱਲੋਂ ਪਹੁੰਚਦੀਆਂ ਲੜਾਈ ਝਗੜੇ ਦੀਆਂ ਖ਼ਬਰਾਂ ਸੁਣ ਕੇ ਮੈਂਨੂੰ ਦੋਹਾਂ ਰਾਜਾਂ ਦੀ ਮਾਨਸਿਕਤਾ ਵਾਲਾ ਫ਼ਰਕ ਸਪਸ਼ਟ ਦਿਖਾਈ ਦਿੰਦਾ ਹੈਪੰਜਾਬ ਵਿੱਚ ਕਰਫਿਊ ਦੇ ਬਾਵਜੂਦ ਰਾਜ ਵਿੱਚ ਸ਼ਾਂਤੀ ਨਹੀਂਲੋਕ ਬੇਚੈਨ ਹਨ, ਹੁਕਮ ਅਦੂਲੀ ਕਰਦੇ ਹਨਕਿਸੇ ਪਾਸੇ ਕੋਈ ਤਾਂ ਕਮੀ ਹੈ

ਸਭ ਤੋਂ ਪਹਿਲਾਂ ਕਰੋਨਾ ਵਾਇਰਸ ਨੇ ਕੇਰਲਾ ਰਾਜ ਨੂੰ ਹੀ ਆਪਣੀ ਗ੍ਰਿਫਤ ਵਿੱਚ ਲਿਆ ਸੀਇਟਲੀ ਤੋਂ ਕੇਰਲਾ ਘੁੰਮਣ ਫਿਰਨ ਆਏ ਇਸ ਬਿਮਾਰੀ ਤੋਂ ਪੀੜਤ ਇੱਕ ਜੋੜੇ ਨੇ ਇਸ ਨਾਮੁਰਾਦ ਵਾਇਰਸ ਨੂੰ ਇੱਥੇ ਲਿਆਂਦਾਪੀੜਤ ਲੋਕਾਂ ਦੀ ਗਿਣਤੀ ਵੀ ਕੇਰਲਾ ਵਿੱਚ ਇੱਕ ਦਮ ਵਧ ਗਈਪਰ ਸਰਕਾਰ ਦੇ ਤਹੱਮਲ, ਮੈਡੀਕਲ ਸਟਾਫ ਦੀ ਮਿਹਨਤ ਅਤੇ ਯੋਗਤਾ ਨਾਲ ਅਤੇ ਲੋਕਾਂ ਦੇ ਸਹਿਯੋਗ ਨਾਲ ਹਾਲਾਤ ਕਾਬੂ ਵਿੱਚ ਆ ਗਏ ਹਨਕਾਫੀ ਲੋਕ ਠੀਕ ਹੋ ਰਹੇ ਹਨ, ਨਵੇਂ ਕੇਸ ਬਹੁਤ ਘੱਟ ਆ ਰਹੇ ਹਨਪ੍ਰਮਾਤਮਾ ਅੱਗੇ ਅਰਦਾਸ ਹੈ ਕਿ ਉਹ ਛੇਤੀ ਤੋਂ ਛੇਤੀ ਦੁਨੀਆਂ ਨੂੰ ਇਸ ਮਹਾਮਾਰੀ ਤੋਂ ਨਿਜਾਤ ਦਿਵਾਏ

*****

(ਨੋਟ: ਹਰ ਲੇਖਕ ‘ਸਰੋਕਾਰ’ ਨੂੰ ਭੇਜੀ ਗਈ ਰਚਨਾ ਦੀ ਕਾਪੀ ਆਪਣੇ ਕੋਲ ਸੰਭਾਲਕੇ ਰੱਖੇ।)

(2098)

(ਸਰੋਕਾਰ ਨਾਲ ਸੰਪਰਕ ਲਈ:This email address is being protected from spambots. You need JavaScript enabled to view it.)

About the Author

ਗੁਰਸ਼ਰਨ ਕੌਰ ਮੋਗਾ

ਗੁਰਸ਼ਰਨ ਕੌਰ ਮੋਗਾ

Phone: (91 - 98766 - 35262)
Email: (gursharankaur335@gmail.com)