MukhtiarSingh7ਬਾਬਾ ਲੱਗ ਪਿਆ ਚਾਚੇ ਦੇ ਆਲੇ-ਦੁਆਲੇ ਘੁੰਮਣ। ਉਸ ਦੇ ਸਾਹਮਣੇ ਧੂਫ-ਬੱਤੀ ਕਰਕੇਡੰਡਾ ਫੜ ਕੇ ...
(31 ਅਕਤੂਬਰ 2017)

 

ਅੱਜ ਤੋਂ ਕੋਈ ਸੱਠ ਕੁ ਸਾਲ ਪਹਿਲਾਂ ਦੀ ਗੱਲ ਮੇਰੇ ਸਾਹਮਣੇ ਬਾਰ ਬਾਰ ਆ ਰਹੀ ਹੈਮੇਰਾ ਚਾਚਾ ਕਰਨੈਲ ਸਿੰਘ ਕੋਰਾ ਅਣਪੜ੍ਹ ਤੇ ਸਧਾਰਣ ਖੇਤੀ ਕਰਨ ਵਾਲਾ ਬਹੁਤ ਹੀ ਮਿਹਨਤੀ ਇਨਸਾਨ ਸੀਅਸੀਂ ਇਕ ਪਿੰਡ ਤੋਂ ਕਿਸੇ ਹੋਰ ਪਿੰਡ ਜ਼ਮੀਨ ਲੈ ਕੇ ਰਹਿਣ ਲੱਗ ਪਏਸਾਡੇ ਬਾਬਿਆਂ ਦੇ ਟੱਬਰ ਵਿੱਚੋਂ ਇਕ ਜਣੇ ਨੇ ਸਾਡੇ ਨਾਲ ਸਾਂਝੀ ਜ਼ਮੀਨ ਲੈ ਲਈ ਸੀਸਾਰਿਆਂ ਨੇ ਸਰਦਾਰਾਂ ਦੇ ਪਿੰਡ ਦੀ ਜ਼ਮੀਨ ਦੀ ਹਾਲਤ ਵੇਖੀ ਤਾਂ ਵਾਹੀਯੋਗ ਬਣਾਉਣ ਲਈ ਦਿਨ ਰਾਤ ਇਕ ਕਰਕੇ ਬਹੁਤ ਮਿਹਨਤ ਕੀਤੀਜਦੋਂ ਅਸੀਂ ਉਹਨਾਂ ਨਾਲੋਂ ਜ਼ਮੀਨ ਦੀ ਵੰਡ ਕੀਤੀ ਤਾਂ ਉਹਨਾਂ ਨਾਲ ਜ਼ਮੀਨ ਦਾ ਘੱਟ ਵੱਧ ਹੋਣ ਕਰਕੇ ਮਨੋਮਨੀ ਵਖਰੇਵਾਂ ਹੋ ਗਿਆਦੋਵੇਂ ਘਰ ਬੋਲਣ ਤੋਂ ਵੀ ਹਟ ਗਏਚਾਚੇ ਕਰਨੈਲ ਸਿੰਘ ’ਤੇ ਐਸਾ ਅਸਰ ਹੋਇਆ, ਉਸ ਦਾ ਮਨ ਉਚਾਟ ਹੁੰਦਾ ਚਲਾ ਗਿਆਉਸ ਦੇ ਮਨ ਵਿਚ ਬੇਵਫਾਈ ਦੀ ਘੁੰਡੀ ਫਸ ਗਈਉਹ ਉੱਘ ਦੀਆਂ ਪਤਾਲ ਗੱਲਾਂ ਕਰਨ ਲੱਗ ਪਿਆਖੂਹ ਵਿਚ ਛਾਲ ਮਾਰਨ ਲਈ ਜਾਵੇਉਸ ਦੀ ਰਾਖੀ ਕਰਨੀ ਪੈ ਗਈਇਲਾਜ ਵੀ ਕਰਾਇਆਕੋਈ ਫਰਕ ਨਹੀਂ ਪਿਆਆਖਰ ਨੂੰ ਪਿਛਲੇ ਪਿੰਡ, ਉੱਥੇ ਰਹਿੰਦੇ ਸਾਡੇ ਅੱਧੇ ਟੱਬਰ ਕੋਲ ਛੱਡਣਾ ਪਿਆਉਹਨਾਂ ਵੀ ਕਈ ਡਾਕਟਰਾਂ ਕੋਲ ਇਲਾਜ ਕਰਾਇਆ ਪਰ ਕੁਝ ਦਿਨ ਠੀਕ ਹੋ ਕੇ ਫਿਰ ਓਹੀ ਹਾਲ ...

ਜਿਵੇਂ ਉਸ ਸਮੇਂ ਆਮ ਲੋਕਾਂ ਦੀ ਧਾਰਨਾ ਹੀ ਬਣੀ ਹੋਈ ਸੀ, ਜਿਹੜਾ ਵੀ ਸਾਡੇ ਟੱਬਰ ਨੂੰ ਮਿਲਣ ਆਉਂਦਾ ਉਹ ਕਿਸੇ ਸਿਆਣੇ ਕੋਲ ਲਿਜਾਣ ਲਈ ਕਹਿੰਦਾ। ਕੋਈ ਓਪਰੀ ਹਵਾ ਕੱਢਣ ਵਾਲੇ ਕੋਲ ਲਿਜਾਣ ਲਈ ਕਹੇ ਤੇ ਕੋਈ ਕਿਸੇ ਸਾਧ ਕੋਲ। ਕਈ ਕਹਿਣ ਇਸ ਨੂੰ ਪਾਗਲਖਾਨੇ ਛੱਡੋਗੱਲ ਕੀ, ਜਿੰਨੇ ਮੂੰਹ ਓਨੀਆਂ ਹੀ ਗੱਲਾਂ। ਪਰ ਸਾਡਾ ਟੱਬਰ ਇਕ ਸਾਧਾਰਣ ਟੱਬਰ ਹੁੰਦੇ ਹੋਏ ਵੀ ਅਜਿਹੀਆਂ ਪਾਖੰਡ ਵਾਲੀਆਂ ਗੱਲਾਂ ਨੂੰ ਨਹੀਂ ਸੀ ਮੰਨਦਾਫਿਰ ਵੀ ਕੁਝ ਰਿਸ਼ਤੇਦਾਰਾਂ ਦੇ ਕਹਿਣ ਕਹਾਉਣ ਤੋਂ ਦੋ ਕੁ ਮਹੀਨੇ ਚਾਚੇ ਦੀ ਰਾਖੀ ਕਰਦਿਆਂ ਲੰਘ ਗਏਉਸ ਨੂੰ ਬਹੁਤ ਸਮਝਾਉਂਦੇ ਰਹੇ ਅਤੇ ਦਵਾਈ ਬੂਟੀ ਦਿੰਦੇ ਰਹੇ ਪਰ ਜਦੋਂ ਕੋਈ ਫਰਕ ਨਾ ਪਿਆ ਤਾਂ ਹਾਰ ਕੇ ਇਕ ਓਪਰੀ ਹਵਾ ਕੱਢਣ ਵਾਲੇ ਕੋਲ ਲਿਜਾਣ ਦਾ ਫੈਸਲਾ ਕਰ ਲਿਆ ਕਿ ਇਹ ਵੀ ਕਰਕੇ ਵੇਖ ਲਓਸਿਰਫ ਇਕ ਪਰਖ ਲਈ ਕਿ ਸੱਚ-ਮੁੱਚ ਹੀ ਬੰਦੇ ਦੇ ਅੰਦਰ ਕੋਈ ਓਪਰੀ ਹਵਾ, ਸ਼ੈ, ਭੂਤ ਪਰੇਤ ਆਦਿ ਹੁੰਦੇ ਹਨ ਕਿ ਇਹ ਇਕ ਵਹਿਮ ਹੀ ਹੈਦੂਜੇ ਚਾਚੇ ਨੇ ਉਸ ਚਾਚੇ ਨੂੰ ਪਹਿਲਾਂ ਪੱਕਾ ਕਰ ਦਿੱਤਾ ਕਿ ਤੂੰ ਚੁੱਪ ਰਹਿਣਾ ਹੈਜੇ ਤੂੰ ਆਪ ਬੋਲਿਆ ਤਾਂ ਘਰ ਆ ਕੇ ਤੇਰੀ ਚੰਗੀ ਕੁਟਾਈ ਕੀਤੀ ਜਾਵੇਗੀਜੇ ਤੇਰੇ ਅੰਦਰ ਕੁਝ ਹੋਇਆ ਜਾਂ ਜਿਹੜੀ ਚੀਜ਼ ਤੈਨੂੰ ਤੰਗ ਕਰਦੀ ਹੈ, ਬਾਬੇ ਦੇ ਬੁਲਾਏ ਤੋਂ ਆਪੇ ਬੋਲੇਗੀਚਾਚਾ ਪੱਕਾ ਹੋ ਗਿਆਉਸ ਨੂੰ ਲੈ ਕੇ ਸਿਹਾਲੇ ਪਿੰਡ ਓਪਰੀ ਹਵਾ ਕੱਢਣ ਵਾਲੇ ਬਾਬੇ ਕੋਲ ਚਲੇ ਗਏਉੱਧਰ ਬਾਬੇ ਨੂੰ ਤਾੜ ਕੇ ਕਹਿ ਦਿੱਤਾ ਕਿ ਤੂੰ ਇਸ ਨੂੰ ਕੁੱਟਣਾ ਮਾਰਨਾ ਤਾਂ ਕੀ, ਹੱਥ ਵੀ ਨਹੀਂ ਲਾਉਣਾਜੇ ਇਸ ਵਿਚ ਕੁਝ ਹੋਇਆ ਤਾਂ ਆਪੇ ਬੋਲੇਗਾ ਅਤੇ ਇਕ ਜਣਾ ਚਾਚੇ ਦੇ ਸਾਹਮਣੇ ਬੈਠੇਗਾਬਾਬਾ ਮੰਨ ਗਿਆ ਕਿ ਲਓ ਜੀ, ਹੁਣੇ ਓਪਰੀ ਹਵਾ ਬੋਲਣ ਲਾ ਦਿੰਦਾ ਹਾਂ

ਬਾਬਾ ਲੱਗ ਪਿਆ ਚਾਚੇ ਦੇ ਆਲੇ-ਦੁਆਲੇ ਘੁੰਮਣਉਸ ਦੇ ਸਾਹਮਣੇ ਧੂਫ-ਬੱਤੀ ਕਰਕੇ, ਡੰਡਾ ਫੜ ਕੇ ਸਾਰੀਆਂ ਓਪਰੀਆਂ ਸ਼ੈਆਂ, ਹਵਾਵਾਂ ਦਾ ਨਾਂ ਲੈ ਲੈ ਕੇ ਆਵਾਜ਼ਾਂ ਮਾਰਨ ਲੱਗ ਪਿਆਪਹਿਲਾਂ ਪਿਆਰ ਨਾਲ, ਫਿਰ ਗੁੱਸੇ ਨਾਲ ਲਾਲ-ਪੀਲਾ ਹੋਇਆ ਉਹ ਬਾਬਾ ਚਾਚੇ ਦੇ ਆਲੇ ਦੁਆਲੇ, ਅਵਾ-ਤਵਾ ਬੋਲਦਾ ਗਿਆਉਸ ਨੂੰ ਹੱਥ ਲਾ ਨਹੀਂ ਸੀ ਸਕਦਾ, ਨਾ ਕੁੱਟ-ਮਾਰ ਸਕਦਾ ਸੀ ਅਤੇ ਨਾ ਹੀ ਵਾਲ ਫੜਕੇ ਘੜੀਸ ਸਕਦਾ ਸੀਚਾਚਾ ਚੁੱਪ ਬੈਠਾ ਰਿਹਾਉਹ ਆਪਣੇ ਭਾਈ ਵੱਲ ਵੀ ਵੇਖ ਲੈਂਦਾਉਸ ਨੂੰ ਯਾਦ ਆ ਜਾਂਦਾ ਕਿ ਬੋਲਣਾ ਨਹੀਂਆਖਰ ਜਦੋਂ ਬਾਬਾ ਬੋਲ ਕੇ ਥੱਕ ਗਿਆ ਤਾਂ ਉਸ ਨੂੰ ਕਹਿਣਾ ਪਿਆ ਕਿ ਓਪਰੀ ਹਵਾ ਅਜੇ ਨਰਾਜ਼ ਹੈਕਿਸੇ ਦਿਨ ਫੇਰ ਲੈ ਕੇ ਆਇਓ

ਉੱਥੋਂ ਆ ਕੇ ਚਾਚੇ ਨੂੰ ਸਮਝਾਇਆ ਕਿ ਤੇਰੇ ਅੰਦਰ ਕੁਝ ਵੀ ਨਹੀਂ ਹੈਕਿਸੇ ਹਕੀਮ ਤੋਂ ਦੇਸੀ ਦਵਾਈ ਲੈਣੀ ਠੀਕ ਰਹੇਗੀਹਕੀਮ ਦੀ ਦਵਾਈ ਨੇ ਹੌਲੀ ਹੌਲੀ ਉਸ ਨੂੰ ਠੀਕ ਕਰ ਦਿੱਤਾਜੋ ਗੱਲ ਉਸ ਦੇ ਮਨ ਵਿਚ ਗੱਲ ਫਸੀ ਹੋਈ ਸੀ, ਉਹ ਮਨੋਵਿਗਆਨਕ ਢੰਗ ਨਾਲ ਗੱਲਾਂ ਬਾਤਾਂ ਕਰਕੇ ਤੇ ਕੁਝ ਦਵਾਈ ਦਾ ਅਸਰ, ਮਾਨਸਿਕ ਉਲਝਣਾਂ ਸਮਾਂ ਬੀਤਣ ਨਾਲ ਸੁਲਝ ਗਈਆਂਉਹ ਪਹਿਲਾਂ ਦੀ ਤਰ੍ਹਾਂ ਖੇਤੀ ਦੇ ਕੰਮਾਂ ਵਿਚ ਜੁਟ ਗਿਆ

ਦੋ ਕੁ ਸਾਲ ਬਾਅਦ ਚਾਚਾ ਪਿਛਲੇ ਪਿੰਡ ਗਿਆ ਹੋਇਆ ਸਮਰਾਲੇ ਸ਼ਹਿਰ ਚਲਾ ਗਿਆਉਸ ਨੂੰ ਓਹੀ ਬਾਬਾ ਸਾਹਮਣੇ ਤੋਂ ਆਉਂਦਾ ਹੋਇਆ ਮਿਲ ਪਿਆਉਹ ਬਾਬੇ ਨੂੰ ਘੇਰ ਕੇ ਖੜ੍ਹ ਗਿਆਉਸ ਨੂੰ ਗੁੱਸੇ ਵਿਚ ਕਹਿੰਦਾ, “ਦੱਸ ਓਏ ਮੇਰੇ ਵਿਚ ਓਪਰੀ ਸ਼ੈਅ ਤੇ ਹਵਾ ਕਿਹੜੀ ਸੀ?”

ਬਾਬੇ ਨੇ ਜਦੋਂ ਉਸ ਦੇ ਤੇਵਰ ਵੇਖੇ ਤਾਂ ਉਹ ਝੱਟ ਹੱਥ ਬੰਨ੍ਹ ਕੇ ਪੈਰਾਂ ਵੱਲ ਝੁਕ ਗਿਆਚਾਚੇ ਦਾ ਗੁੱਸਾ ਜਾਂਦਾ ਰਿਹਾਉਸ ਨੇ ਪੈਰਾਂ ਨੂੰ ਹੱਥ ਲੱਗਣ ਹੀ ਨਹੀਂ ਦਿੱਤੇਮੋਢਿਆਂ ਤੋਂ ਫੜ ਕੇ ਖੜ੍ਹਾ ਕਰਕੇ ਕਿਹਾ, “ਚੱਲ ਦੌੜ ਜਾ, ਨਹੀਂ ਤਾਂ ਭੀੜ ਇਕੱਠੀ ਹੋਜੂ …

ਬਾਬਾ ਜਾਨ ਛੁਡਾ ਕੇ ਨੱਸ ਗਿਆਚਾਚਾ ਯਾਦ ਕਰਕੇ ਹੱਸਦਿਆਂ ਦੱਸਿਆ ਕਰੇ, “ਪਾਖੰਡੀ ਸਾਧ … ਮੇਰੇ ਅੰਦਰੋਂ ਓਪਰੀ ਸ਼ੈਅ ਕੱਢਦਾ ਤੀ …।”

*****

(880)

ਆਪਣੇ ਵਿਚਾਰ ਸਾਂਝੇ ਕਰੋ: (This email address is being protected from spambots. You need JavaScript enabled to view it.)

 

About the Author

ਮੁਖਤਿਆਰ ਸਿੰਘ

ਮੁਖਤਿਆਰ ਸਿੰਘ

Khanna, Punjab, India.
Phone: (91 - 98728 - 23511)
Email: (mukhtiarsingh43@gmail.com)