Dr. Pritam Singh (Professor of economics)
Oxford Brookes University, Oxford, UK.
Phone: (44 - 1865 - 485875)
Email: (psingh@brookes.ac.uk)
ਸਿਰਫ ਵਿਗਿਆਨਕ ਸੋਚ ਅਪਣਾ ਕੇ ਹੀ ਕੋਈ ਮੁਲਕ ਵਿਕਸਤ ਦੇਸ ਬਣ ਸਕਦਾ ਹੈ - ਕੌਰ ਸਿੰਘ ਸਿੱਧੂ ਹਿੰਮਤਪੁਰਾ
ਅਮਰਜੀਤ ਦਬੜ੍ਹੀਖਾਨਾ ਦੀ ਪੁਸਤਕ ‘ਰੱਬ ਦਾ ਗੋਰਖਧੰਦਾ’ ਉੱਤੇ ਵਿਨੀਪੈੱਗ ਵਿੱਚ ਹੋਈ ਭਰਪੂਰ ਵਿਚਾਰ ਚਰਚਾ
(ਵਿਨੀਪੈੱਗ 6 ਜੁਲਾਈ) ਸਾਡੇ ਭਾਰਤ ਅਤੇ ਏਸ਼ੀਆ ਦੇ ਹੋਰ ਦੇਸ਼ਾਂ ਦੇ ਪਛੜੇਵੇਂ ਦਾ ਮੁੱਖ ਕਾਰਨ ਗੈਰ ਵਿਗਿਆਨਕ ਸੋਚ ਅਤੇ ਅੰਧ ਵਿਸ਼ਵਾਸ ਵਿੱਚ ਫਸੇ ਹੋਏ ਹੋਣਾ ਹੈ। ਇਹਨਾਂ ਮੁਲਕਾਂ ਦੇ ਲੋਕ ਲਕੀਰ ਦੇ ਫਕੀਰ ਹੋਣ ਕਾਰਨ ਅਜੇ ਵੀ ਇਹ ਮੰਨਣ ਲਈ ਤਿਆਰ ਨਹੀਂ ਕਿ ਧਰਤੀ ਘੁੰਮਦੀ ਹੈ ਅਤੇ ਸੂਰਜ ਸਾਡੇ ਅਕਾਸ਼ ਦਾ ਗੰਗਾ ਦਾ ਕੇਂਦਰ ਹੈ। ਸਾਨੂੰ ਸਕੂਲਾਂ ਵਿੱਚ ਪੜ੍ਹਾਇਆ ਹੀ ਇਹ ਜਾਂਦਾ ਹੈ ਕਿ ਸੂਰਜ ਪੂਰਬ ਵਿੱਚੋਂ ਚੜ੍ਹਦਾ ਅਤੇ ਪੱਛਮ ਵਿੱਚ ਛਿਪਦਾ ਹੈ, ਜਦੋਂ ਕਿ ਪੜ੍ਹਾਇਆ ਇਹ ਜਾਣਾ ਚਾਹੀਦਾ ਹੈ ਕਿ ਸੂਰਜ ਨਾ ਚੜ੍ਹਦਾ ਹੈ ਨਾ ਛਿਪਦਾ ਹੈ ਸਗੋਂ ਧਰਤੀ ਪੂਰਬ ਪਛਮ ਤੋਂ ਪੂਰਬ ਵੱਲ ਸੂਰਜ ਦੁਆਲੇ ਘੁੰਮਦੀ ਹੈ ਤਾਂ ਦਿਨ ਰਾਤ ਬਣਦੇ ਹਨ। - ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਵਿਨੀਪੈੱਗ (ਕੈਨੇਡਾ) ਵਿਖੇ ਉੱਘੇ ਅਥਲੀਟ ਅਤੇ ਚਿੰਤਕ ਕੌਰ ਸਿੰਘ ਸਿਧੂ (ਹਿੰਮਤਪੁਰਾ) ਨੇ ਕੀਤਾ। ਉਹ ਅਮਰਜੀਤ ਢਿੱਲੋਂ ਦਬੜ੍ਹੀਖਾਨਾ ਦੀ ਚੌਧਵੀਂ ਵਿਗਿਆਨਕ ਪੁਸਤਕ ‘ਰੱਬ ਦਾ ਗੋਰਖਧੰਦਾ’ ਉੱਤੇ ਵਿਚਾਰ ਚਰਚਾ ਦੌਰਾਨ ਐਡਸੰਮ ਪਾਰਕ ਵਿਨੀਪੈੱਗ ਵਿਖੇ ਬੋਲ ਰਹੇ ਸਨ।
ਸ਼੍ਰੀ ਕੌਰ ਸਿੰਘ ਸਿਧੂ ਨੇ ਕਿਹਾ ਕਿ ਧਰਮ ਹਰ ਇੱਕ ਵਿਅਕਤੀ ਦਾ ਨਿੱਜੀ ਮਾਮਲਾ ਹੈ ਜਦੋਂ ਕਿ ਵਿਗਿਆਨ ਸਭ ਦਾ ਸਾਂਝਾ ਹੈ। ਅੱਜ ਅਸੀਂ ਵਿਗਿਆਨ ਬਿਨਾ ਜ਼ਿੰਦਗੀ ਦੀ ਕਲਪਨਾ ਵੀ ਨਹੀਂ ਕਰ ਸਕਦੇ। ਜੇ ਕੁਝ ਪਲ ਬਿਜਲੀ ਬੰਦ ਹੋ ਜਾਵੇ ਤਾਂ (ਸਮੇਤ ਧਰਮ ਅਸਥਾਨਾਂ ਦੇ) ਚਾਰ ਚੁਫੇਰੇ ਹਫੜਾ ਦਫੜੀ ਮੱਚ ਜਾਂਦੀ ਹੈ। ਅੱਜ ਜੇ ਪੰਜਾਬ ਦੇ ਲੋਕ ਧਰਤੀ ਦੇ ਦੂਜੇ ਪਾਸੇ ਕੈਨੇਡਾ ਅਮਰੀਕਾ ਆਦਿ ਦੇਸ਼ਾਂ ਦੀਆਂ ਖੂਬਸੂਰਤ ਸਰਜ਼ਮੀਨਾਂ ’ਤੇ ਆ ਬੈਠੇ ਹਨ ਤਾਂ ਇਹ ਵਿਗਿਆਨਕਾਂ ਦੁਆਰਾ ਕੀਤੀ ਗਈ ਹਵਾਈ ਜਹਾਜ਼ਾਂ ਅਤੇ ਇੰਟਰਨੈੱਟ ਦੀ ਖੋਜ ਕਾਰਨ ਹੀ ਹੈ। ਅਸੀਂ ਨੈੱਟ ’ਤੇ ਆਪਣੇ ਘਰ ਬੈਠੇ ਇੰਜ ਗੱਲਾਂ ਕਰ ਰਹੇ ਹਾਂ ਜਿਵੇਂ ਆਹਮੋ ਸਾਹਮਣੇ ਬੈਠੇ ਹੋਈਏ। ਉਹਨਾਂ ਕਿਹਾ ਕਿ ਪੁਸਤਕ ‘ਰੱਬ ਦਾ ਗੋਰਖਧੰਦਾ’ ਲੋਕਾਂ ਵਿੱਚ ਇਸੇ ਤਰ੍ਹਾਂ ਦੀ ਜਾਗ੍ਰਿਤੀ ਪੈਦਾ ਕਰਕੇ ਅੰਧ ਵਿਸ਼ਵਾਸ ਦੂਰ ਕਰਨ ਦਾ ਯਤਨ ਹੈ। ਉਹਨਾਂ ਹਾਜ਼ਰ ਸਮੂਹ ਵਿਨੀਪੈੱਗ ਸੀਨੀਅਰ ਸਿਟੀਜ਼ਨਾਂ ਵਲੋਂ ਅਮਰਜੀਤ ਢਿੱਲੋਂ ਦਬੜ੍ਹੀਖਾਨਾ ਦਾ ਤੀਜੀ ਵਾਰ ਕੈਨੇਡਾ ਆਉਣ ’ਤੇ ਭਰਪੂਰ ਸਵਾਗਤ ਕੀਤਾ ਅਤੇ ਸਾਰਿਆਂ ਨੂੰ ਇਹ ਕਿਤਾਬ ਪੜ੍ਹਨ ਦੀ ਅਪੀਲ ਕੀਤੀ।
ਇਸ ਮੌਕੇ ਸ਼੍ਰੀ ਭਗਵਾਨ ਸਿੰਘ ਲੋਪੋ ਨੇ ਕਿਹਾ ਕਿ ਭਾਰਤ ਵਿੱਚ ਵਿਹਲੜ ਸਾਧਾਂ ਨੇ ਕਿਰਤੀਆਂ ਨੂੰ ਲੁੱਟਣ ਲਈ ਅਨੇਕਾਂ ਭਰਮ ਭੁਲੇਖੇ ਪਾਏ ਹੋਏ ਹਨ। ਉਹ ਲੋਕਾਂ ਨੂੰ ਇਹ ਦੁਨੀਆਂ ਝੂਠੀ ਕਹਿ ਕੇ ਖੁਦ ਇਸ ਜ਼ਿੰਦਗੀ ਦਾ ਹਰ ਐਸ਼ ਆਰਾਮ ਮਾਣ ਰਹੇ ਹਨ।
ਜਗਜੀਤ ਸ਼ਰਮਾ ਮੋਗਾ ਨੇ ਕਿਹਾ ਕਿ ਸਮੇਂ ਦੇ ਹਾਣ ਦਾ ਹੋਣ ਲਈ ਸਾਨੂੰ ਸਾਰਿਆਂ ਨੂੰ ਅਗਾਂਹਵਧੂ ਲਿਟਰੇਚਰ ਪੜ੍ਹਨਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਵਿੱਚ ਤਰਕਸ਼ੀਲ ਲਹਿਰ ਨੇ ਇਸ ਸਬੰਧੀ ਬਹੁਤ ਵਧੀਆ ਕੰਮ ਕੀਤਾ ਹੈ ਅਤੇ ਅਮਰਜੀਤ ਦਬੜ੍ਹੀਖਾਨਾ ਵੀ ਇਸ ਤਰ੍ਹਾਂ ਦੀਆਂ ਪੁਸਤਕਾਂ ਰਚ ਕੇ ਲਹਿਰ ਵਿੱਚ ਅਹਿਮ ਯੋਗਦਾਨ ਪਾ ਰਹੇ ਹਨ।
ਦਲੀਪ ਸਿੰਘ ਦੁਨੀਕੇ (ਮੋਗਾ) ਨੇ ਕਿਹਾ ਕਿ ਭਾਵੇਂ ਉਹ ਧਾਰਮਿਕ ਆਸਥਾ ਰੱਖਦੇ ਹਨ ਪਰ ਫਿਰ ਵੀ ਲੋਕਾਂ ਨੂੰ ਅੰਧ ਵਿਸ਼ਵਾਸ ਵਿੱਚੋਂ ਨਿਕਲਣ ਦੀ ਅਪੀਲ ਕਰਦੇ ਹਨ। ਦਰਸ਼ਨ ਸਿੰਘ ਪਟਵਾਰੀ ਡੇਲਿਆਂ ਵਾਲੀ ਨੇ ਕਿਹਾ ਕਿ ਸਾਡੀ ਆਉਣ ਵਾਲੀ ਪੀੜ੍ਹੀ ਵਿਗਿਆਨਕ ਵਿਚਾਰਧਾਰਾ ਵਾਲੀ ਹੋਵੇਗੀ ਅਤੇ ਉਹਨਾਂ ਦੀ ਸੋਚ ਵਿੱਚ ਵੇਲਾ ਵਿਹਾ ਚੁੱਕੀਆਂ ਰਹੁ ਰੀਤਾਂ ਲਈ ਕੋਈ ਥਾਂ ਨਹੀਂ ਹੋਵੇਗਾ। ‘ਰੱਬ ਦਾ ਗੋਰਖਧੰਦਾ’ ਪੁਸਤਕ ਇਸ ਤਰ੍ਹਾਂ ਦੀਆਂ ਪੁਰਾਣੀਆਂ ਰਹੁ ਰੀਤਾਂ ਤਿਆਗ ਕੇ ਤਰਕਸ਼ੀਲ ਸੋਚ ਅਪਣਾਉਣ ਦੀ ਹੀ ਅਪੀਲ ਕਰਦੀ ਹੈ।
ਇਸ ਮੌਕੇ ਗੁਰਚਰਨ ਸਿੰਘ ਚਕਰ, ਰਾਜਵੀਰ ਰਾਏ ਮਲੇਰਕੋਟਲਾ ਪਿੰਡ ਜਲਾਲ ਅਤੇ ਢਿੱਲਵਾਂਵਾਲਾ (ਭਗਤਾ ਭਾਈ ਕਾ) ਆਦਿ ਦੇ ਸੀਨੀਅਰ ਸਿਟੀਜ਼ਨਾਂ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ। ਜਸਵਿੰਦਰ ਸਿੰਘ ਅਬਲੂ ਕੋਟਲੀ ਨੇ ਫੋਟੋਗਰਾਫੀ ਦੀ ਸੇਵਾ ਵਧੀਆ ਢੰਗ ਨਾਲ ਨਿਭਾਈ।
**
ਅਮਰਜੀਤ ਢਿੱਲੋਂ 75 ਵਾਟਰ ਰਿੱਜ ਪੱਥ ਵਿਨੀਪੈਗ( ਮੈਨੀਟੋਬਾ) ਕੈਨੇਡਾ
ਅਮਰਜੀਤ ਢਿੱਲੋਂ (ਵਿਨੀਪੈੱਗ) 01 431 374 6646
*****
ਡਾ. ਗੁਰਦੇਵ ਸਿੰਘ ਘਣਗਸ ਦੀ ਪੁਸਤਕ JOURNEY THROUGH A TURNING POINT ਦਾ ਪੰਜਾਬੀ ਰੂਪ ਵੀ ਛਪ ਗਿਆ ਹੈ।
ਫਤਿਹਵੀਰ ਦੀ ਯਾਦ ਵਿੱਚ --- ਮੁਹੰਮਦ ਅੱਬਾਸ ਧਾਲੀਵਾਲ
ਗੋਦੀ ਮਾਂ ਦੀ ਸੁੰਨੀ ਕਰ ਗਿਆ ਅੰਤਿਮ ’ਚ ਫਤਿਹਵੀਰ,
ਹਰ ਅੱਖ ਵਿਚ ਹੰਝੂ ਭਰ ਗਿਆ ਅੰਤਿਮ ’ਚ ਫਤਹਿਵੀਰ।
ਭਰਪਾਈ ਜਿਸ ਦੀ ਨਾ ਕਰ ਸਕੇਗਾ ਸਮਾਂ ਉਮਰ ਭਰ ਕਦੀ,
ਜ਼ਖਮ ਦਿਲ ’ਚ ਅਜਿਹੇ ਕਰ ਗਿਆ ਅੰਤਿਮ ’ਚ ਫਤਿਹਵੀਰ।
ਉਹ ਇਕ ਗਰੀਬ ਮਾਂ ਬਾਪ ਦਾ ਬੱਚਾ ਸੀ ਇਸ ਲਈ,
ਤਜਰਬਿਆਂ ਦੀ ਬਲੀ ਚੜ੍ਹ ਗਿਆ ਅੰਤਿਮ ’ਚ ਫਤਿਹਵੀਰ।
ਜੀਵਨ-ਮੌਤ ਦੀ ਜੰਗ ਵਿੱਚ ਭਾਵੇਂ ਬਹੁਤ ਦੇਰ ਜੂਝਦਾ ਰਿਹਾ,
ਅੱਜ ਮੌਤ ਦੇ ਹੱਥੋਂ ਆਖਰ ਮਰ ਗਿਆ ਅੰਤਿਮ ’ਚ ਫਤਹਿਵੀਰ।
ਪਿੰਡ ਕਈ ਦਿਨੀਂ ਜਿਹਦੇ ਕਾਰਨ ਸੁਰਖੀਆਂ ’ਚ ਰਿਹਾ,
ਹਰ ਪਾਸੇ ਸੰਨਾਟਾ ਫੈਲਾ ਗਿਆ ਅੰਤਿਮ ’ਚ ਫਤਿਹਵੀਰ।
“ਅੱਬਾਸ” ਸਾਰੇ ਸਿਸਟਮ ਨੂੰ ਸਵਾਲਾਂ ਦੇ ਘੇਰੇ ’ਚ ਲਿਆ,
ਇਕ ਅਣਆਈ ਮੌਤ ਮਰ ਗਿਆ ਅੰਤਿਮ ’ਚ ਫਤਿਹਵੀਰ।
**
ਇੱਕ ਧਾਰਮਿਕ ਪ੍ਰਚਾਰਕ ਦੇ ਵਿਚਾਰ ਸੁਣਨ ਲਈ ਹੇਠ ਦਿੱਤੇ ਲਿੰਕ ਉੱਤੇ ਕਲਿੱਕ ਕਰੋ
https://drive.google.com/file/d/1VhwvqPrwlmF25gTPCspBu3gogJwA4SDF/view?usp=sharing
ਬੱਚੇ ਖਾਣੀ ਵਿਵਸਥਾ --- ਨਿਰੰਜਣ ਬੋਹਾ
ਛੇ ਜੂਨ 2019 ਤੋਂ ਪਹਿਲਾਂ,
ਉਸਦੇ ਸਾਕ ਸੰਬਧੀਆਂ ਤੋਂ ਇਲਾਵਾ,
ਕੋਈ ਨਹੀਂ ਸੀ ਜਾਣਦਾ,
ਕਿ ਕੌਣ ਹੈ ਫਤਿਹਵੀਰ!
ਹੁਣ ਪੰਜ ਦਿਨਾਂ ਵਿਚ ਹੀ,
ਪੰਜਾਬ ਦੇ ਹਰ ਬੱਚੇ ਬੁੱਢੇ ਦੀ,
ਜੁਬਾਨ ’ਤੇ ਚੜ੍ਹ ਗਿਆ ਹੈ,
ਉਸ ਫਤਿਹਵੀਰ ਦਾ ਨਾਂ!
ਉਹ ਦੋ ਸਾਲ ਦਾ ਮਾਸੂਮ ਫਤਿਹਵੀਰ!
ਜੋ ਸਾਡੀ ਹੀ ਚੁਣੀ ਸਰਕਾਰ ਦੀ,
ਲਾ ਪ੍ਰਵਾਹੀ, ਬਦਨੀਤੀ ਤੇ
ਤੇ ਨਾ ਤਜਰਬੇਕਾਰੀ ਦਾ ਸ਼ਿਕਾਰ ਹੋ ਕੇ,
ਲਹੂ ਲੁਹਾਣ ਹੋਇਆ।
ਆਪਣੀ ਮੌਤ ਦੇ ਨਾਲ,
ਸਿਸਟਮ ਦੀ ਵੀ ਮੌਤ ਹੋਣ ਦਾ,
ਕਰ ਗਿਐ ਹੈ ਐਲਾਨ।
ਲੱਗਦੈ ਜਿਵੇਂ ਉਸ ਜਨਮ ਹੀ ਸਾਨੂੰ,
ਨੀਦ ਤੋਂ ਜਗਾਉਣ ਲਈ ਲਿਆ ਹੋਵੇ।
ਤੇ ਮਰਿਆ ਵੀ ਸਾਨੂੰ ਇਹ ਦੱਸਣ ਲਈ ਹੋਵੇ,
ਕਿ ਮੈਂ ਤਾਂ ਆਪਣੇ ਮਾਪਿਆਂ ਨੂੰ,
ਵਿਲਕਦੇ ਛੱਡ ਤੁਰ ਚੱਲਿਆਂ ਹਾਂ,
ਹੁਣ ਤੁਸੀਂ ਜਾਗੋ ਤੇ
ਤੇ ਆਪਣੇ ਬੱਚਿਆਂ ਨੂੰ,
ਇਨ੍ਹਾਂ ਬੱਚੇ ਖਾਣੀਆਂ ਸਰਕਾਰਾਂ ਤੋਂ,
ਬਚਾਉਣ ਲਈ ਕੁਝ ਸੋਚੋ!
ਇਹ ਸਰਕਾਰਾਂ ਤੁਹਾਡੇ ਬੱਚਿਆਂ ਤੋਂ,
ਰੁਜ਼ਗਾਰ ਦਾ ਅਧਿਕਾਰ ਖੋਹ ਕੇ,
ਤੇ ਨਸ਼ਿਆਂ ਦੇ ਹਵਾਲੇ ਕਰਕੇ,
ਤਿਲ ਤਿਲ ਮਾਰ ਰਹੀਆਂ ਹਨ।
ਸੋਚੋ ਕਿ ਕਿਉਂ,
ਤੁਹਾਡੇ ਪਿੰਡਾਂ ਵਿਚ ਸਕੂਲ ਘਟ ਰਹੇ ਹਨ,
ਤੇ ਠੇਕੇ ਵਧ ਰਹੇ ਹਨ।
ਫਤਿਹਵੀਰ ਬੱਚੇ!
ਤੈਨੂੰ ਤਕਨੀਕ ਬਚਾ ਸਕਦੀ ਸੀ,
ਪਰ ਜਿਵੇਂ ਸਾਨੂੰ ਮੁੱਢ ਤੋਂ ਹੀ,
ਸਿਖਾਇਆ ਗਿਆ ਹੈ,
ਅਸੀਂ ਤੈਨੂੰ ਬਚਾਉਣ ਲਈ,
ਨਿਪੁੰਸਕ ਅਰਦਾਸਾਂ ਕਰਦੇ ਰਹੇ.
ਫਤਿਹਵੀਰ!
ਜੇ ਇਹ ਅਰਦਾਸਾਂ,
ਸੱਚਮੁੱਚ ਹੀ ਅਸਰਦਾਰ ਹਨ ਤਾਂ,
ਤਾਂ ਹੁਣ ਸਾਨੂੰ ਤੇਰੇ ਲਈ ਨਹੀਂ,
ਆਪਣੇ ਲਈ ਅਰਦਾਸ ਕਰਨ ਦੀ ਲੋੜ ਹੈ।
ਸਿਸਟਮ ਵਿਚਲੀ ਸਰਕਾਰ,
ਤਿਰੰਗੀ ਹੋਵੇ ਜਾਂ ਭਗਵੀਂ,
ਇਹਨਾਂ ਸਰਕਾਰਾਂ ਨੇ,
ਤੇਰੇ ਵਰਗੇ ਸਾਡੇ ਕਿੰਨੇ ਹੀ,
ਬੱਚਿਆਂ ਦੀ ਬਲੀ ਲੈਣੀ ਹੈ।
ਲੱਗਦੈ ਹੈ ਹੁਣ ਅਰਦਾਸ ਦੀ ਨਹੀਂ,
ਇਸ ਸਕੰਲਪ ਦੀ ਲੋੜ ਹੈ,
ਕਿ ਅਸੀਂ ਸਿਸਟਮ ਵਿਰੁੱਧ ਬੋਲਣਾ ਵੀ ਸਿੱਖੀਏ,
ਤੇ ਲੜਨਾ ਵੀ ਸਿੱਖੀਏ।
**
This book is being distributed by several sources including Bookstand Publishing, whose website is: http://bookstandpublishing.com/
